唔經唔覺自己學葡萄酒都有四、五年了 。有關葡萄酒的工具書 , 参考書 , 用具真係無兩打都有打半 , 而最昂貴的莫過於這兩套 Le Nez du Vin 酒鼻子的訓練工具。54 種葡萄酒常出現的不同香味 Master Kit 及 12 種劣化酒 Corked 酒應有氣味 Fault Wine Kit。
買這兩套酒鼻子都掙扎咗好耐 , 因為真係一啲都唔平。 要貴買平用就唯有多啲用 , 平日得閒無嘢做就攞出來嗅吓 , 練習一吓對不同香味的特性 , 並將那感覺記下 ………….
經三個月的初步訓練 , 總算對一些難分的味道摸出條理 , 但亦有不少自己經帶混淆 , 竹蔗水原來叫 Cauliflower ; 臭蛋原來等如洋葱 ; Cream Soda 原來是 Sulphur ; Nail Polish 原來叫 Rotten Apple ………死未? 只好繼續努力。 而每種香味都有詳細解釋及一般出現什麼國家什麼葡萄酒中 , 資料十分詳盡 , 要記都幾攞命。
我計劃在熟識及完全分得出單一味道後 , 下一個 Level 就是同類型葡萄兩種 , 三種香味的混合訓練 ………..
兩套 Training Kits 有無用 , 值不值得投資就真係見人見智。 我只能說要學酒未必一定要買套 Kit , 買咗並會令你立刻變大師 , 它只是一件工具 , 一切都要使用者下一番苦功才可以成事 , 而自己仍在努力中。
古語話 : 書中自有黄金屋 , 書中自有顏如玉。
在葡萄酒世界則有一句 : 買酒令你瞓木屋 , 飲酒送你豬腩肉 …………..
我不中亦相差不遠了 ………..
AM 的品味人生 