火龍的考驗二 – 窄巷擒龍

h1

在迎月那晚影完火龍出相後 , 大隻佬看後心郁郁 , 決定在中秋當晚走去試鏡 , 影完返來頭擰檸話好鬼難影 , 心思思話要上訴。

自己原本追月果晚有啲嘢做 , 推咗幾個約會 , 但事情發展順利可以早收 , 咁啱師姐又話要三戰江湖 , 反正有家閒着無事 , 於是約埋大隻佬 , 人去”追月”我哋去”追龍”。

h2

動態拍攝最難是無時間俾你諗 , 有上次經驗今次醒目 , 只帶一機一鏡 AFS DX 17-55mm F2.8  , Setting 同之前所寫的一樣 用陷井對焦法 , 焦點 Set 在一邊位置 , 目標一入對焦位置即半按快門追焦 , 搖機 Pan 鏡有得做就做。 加上黑衣輕裝、”較腳”跑鞋、清水毛巾 , 完全戰鬥格上陣。

當晚一樣咁多人 , 1930 hrs 去到成條浣沙街四週巳企滿幾層人 , 除非用五級高梯否則都幾難埋到去唔使諗 , 直上浣沙街斜路融苑 , 李陞大坑學校一帶駐扎 , 取其人少、無封路可以埋到龍身 , 進可攻退可守 , 機動性强 , 今次直呈坐在馬路中心去等 , 又是一輪的等待

時機一到條火龍就舞上嚟 , 原本坐變企 , 拉定根做定熱身 , 準備同佢死過 。 由於人少我哋可以追住條龍走位去影 , 係咁邊跑邊影 , 而且避咗好多無謂的工作人員 , 命中率大好多。

h3

舞完一輪 , 條龍就落番浣沙街表演 , 等咗一段時間都唔見上嚟而且有入橫街的趨勢 , 同大隻佬打個眼色決定走位 , 兩條友連同師姐班影友飛奔轉打巷戰。

h4

突破了幾度防線四面包抄去截龍 , 條火龍會在橫街中穿插 , 亦為一些有開舖的食店前停留舞動及採菁” , 所以好多埋身機會 , 加上橫街中燈光較暗及樓影 , 煙火較聚加上不同燈光好有氣氛 。 由於窄巷內無封路 , 所以可以近距離捕捉 , 我之前話過俾我埋到身我就好有把握 , 唯一缺點就係好似走難咁 , 走九條街去追截。

h5

好在我修身成功 , 加上自少在街市中長大 , 在人群中亨”功水上飄 , 如濕水欖核咁左穿右插是我專長 , 大隻佬同我真的矯若遊龍 , 健步如飛 , 無人能阻 , 差佬幾次想截都截唔住

h6

大隻佬後生我十幾年 , 但見我呢條 “中坑” 如鬼魅般的身法 , 怱然在前 , 轉頭在後 , 只有過之而無追不及 , 由頭玩到尾都 , 仲面不改容毫無氣喘 , 體能之勁睇到佢眼都突埋

h77.jpg

玩完巷戰條龍出番浣沙街表演 , 我哋一於死追 , 但轉為低調 , 亦為及其他在埸人士設想 , 我同大隻佬都屈低身走 , 蹲在鐵馬一邊低抄咁影 , 利人利己唔好自己玩晒 , 咁就唔會有人投訴。

仲俾我捕捉到呢段 “雙珠戲龍”

 

 

又影一輪 , 條火龍啲香都燒得七七八八 , 趁機會走入蓮花宮一帶就在那邊影埋 Last Shot 收工 , 係果時先收慢步法咁先俾呀 Sir 截到。

h13

其他影友早巳不見踪影 , 大隻佬渾身大汗 , 大呼過癮 , 今次真係靚相險中求

黑夜狂奔 , 地面不平 , 又多障礙 , 好易碰撞 PK , 機毁人傷 , 今次行動危險性頗高 , 我倆經長期訓練大家安全至上切勿模仿。

今次輯相覺得條火龍影得好生猛 , 好有動感及逼力 , 十分滿意 , 大家不妨感受一吓。

http://www.flickr.com/photos/amoksf108/sets/72157622513780346/

 

火龍的考驗

q1

今年心血來潮突然想去大坑影舞火龍 , 原本諗住一個人孤軍作戰 , 碰巧有一位師姐又話會去 , 於是就因利成便約埋一齊有個伴

q2

影火龍在一般影友評語中屬中高難度 , 原因如下:

1.)   現場環境光源複雜 , 街燈 , 舖頭燈光 , 招牌 , 位置太光條龍就唔起色。

2.)   太暗條龍起到色啲人又黑晒甚至影唔到。

3.)   舞龍屬動態攝影 , 快門太快失去動感太慢又大花面

4.)   人群聚集眾多 , 幾本上同影煙花一樣幾層 , 要好早去霸位。

5.)   工作人員又多 , 就算企前排都隨時俾啲路人甲阻住。

6.)   成條街咁長 , 企邊個位置有利呢?

今次我帶了支鏡 , AFS DX 17-55mm F 2.8 為主力 ; AFS 80-200mm F2.8 為副 ; AFS 85mm F1.4 後備 (可以不帶) , 不用閃 , 不用腳 , 全程手持。

因為是動態拍攝加上現場環境燈光昏黃 , 所以我用了以下 Setting:

光圈開盡 F2.8 – F5.6

ISO 800 – 3200 (多數用 800)

光圈先決自動

Matrix 全副測光

WB 3000k – 4000k 之間 (因 Auto 啲色太黄)

AFC (Continuous Servo Autofocus) + 51 點 (3D) Dynamic Area AF + Auto Focus Lock On at Normal  (以這速度一 Lock住目標就可以連續追焦 , 增加命中率)

一秒 6 張高速連拍 (初階機同中級機最大分別就在”速度” 兩個字, 中高階機不論在 對焦 , 相機運算速度 , 反應都快很多 )

這篇文章有教點影火龍 , 大家去之前可參考一吓:

http://www.fotobeginner.com/986/tai-hang-firedragon-2009/

中秋正日一定仲多人 , 加上自己當晚有嘢做 , 所以我選了迎月那晚去試影當晚我 1850 hrs 到場 , 影友師姐早有準備巳帶了兩級鋁梯霸了近浣紗街近蓮花園近入口的位置 開咗個擅就是一個字因是第一晚所以有主禮嘉賓及儀式在另浣沙街浣紗花園那邊進行 , 離我們位置太遠無得睇 …………

q3 

越夜越人多 , 到 1930 hrs 我身後巳有幾層人 , 企得後又唔夠高者真係幾難影。自己一放工換上戰衣就來 , 飯都未食只得支水在身 , 但一行開連個好位都無埋 , 今晚唯有”扎炮” 一晚當 Keep Fit 。 影相其實真係幾辛苦的一件事 , 不過我更惡劣都試過 , 呢啲小兒科真係無吔問題。

q4

等到頸都長腳又軟 , 差不多 2030 hrs 儀式做完才可開始舞火龍 , 一見龍影現場拍友就開始發茅 , 個個都突晒半個身出鐵馬以外去攞位 , 加上火龍身邊有好多工作人員及大會攝影及記者 , 基本上俾你企到第一行都會無啦啦會俾人阻住 , 幾次明明捕到靚位都係俾啲 “程咬金”  “截龍” , 真係好鬼 “孟崢”。

q5

有啲工作人員仲唔熟性用 Extension Pole 隧埋在攝影機在在龍頭位置近距離拍攝 , 佢當然 OK , 難為我哋俾佢破壞晒啲構圓真係俾佢玩死 , 現場只能用“人多勢眾 , 兵荒馬亂來形容 , 深深感受到點解前輩話火龍咁難影得好。 

精彩的火龍擺尾

q10

中埸無啦啦會揾警察風笛隊來懾場 , 真係估佢唔到 ………  

q11

玩完一輪條火龍就要中場換香 , 而頭輪燒剩的半截香叫”龍頭香”會派街坊是個好意頭。

傳說中不怕火燒的火麟臂

q15

換香後火龍再起

影了幾百張但只揀出了百多張較滿意的 , 相成功率只有 30% …….

不過有今次經驗後 , 下次會更醒目去試另一位置 ……… 

http://www.flickr.com/photos/amoksf108/sets/72157622504383096/