奧入瀨路線圖 | AM 的品味人生

第三天就是玩主力玩奧入瀨溪 , 溪水是由十和田湖流入奧入瀨溪再流出大海。由子口起點到燒山一头一尾 14km , 我們不打算行晒只由石户作起點開始行。

有一點要注意是若要影靚相 , 就一定要由下遊迎着水流向上行 , 而且溪澗多樹 , 一定要趁有陽光盡量影 , 所以最好早出搭 8:00am 早車入溪。仲有建議要帶腳架 , 因為可以用慢快門影水如流雲般的動態。

AM 的架生 ………..

由於是紅葉季節 , 好多遊人 , 所以坐公車會幾迫 , 要早啲買票排定隊。最好在十和田湖總站上車 , 若住在子口上車 , 若人多真係會上唔到車 , 要等 1 小時下班車。

另外全段路只得三個公眾厠所 , 真係要節制節制。當然天大地大都處都可以行個方便 , 女仕若有須要建議帶把縮骨擋擋。

而中途亦冇嘢食 , 要帶備足夠乾糧及水。

在中段小休時竟給我遇見了可愛的小鼠……..

當日天公做美 , 太陽高照 , 氣温清爽而和暖 , 有時一兩陣清風吹來 , 黃葉飄飄落下 , 流水淙淙 , 腳踏黄葉 , 慢步溪間 , 空氣清新寧靜 , 巳十分舒服及有詩意。

想起林憶蓮的歌 – 微涼………….

一條 7 Km 平坦的路正常 1.5 hrs 一定行完 , 但我們就 “龜行” 了 6 hrs , 由 10 am 行到 4 pm ………….

無法 , 到處都靚 , 係咁搏命影相 , 只是這段路就影了過千張相。

天竺瑜珈酒友趁我等忙於影相之祭 , 在溪邊打坐入定 , 又或同樹木、天地對話 , 吸收大自然靈氣 , 真係型到爆燈 ……………

如此這般影到日落西山 , 亦行到夠皮 , 就在姚子大淹終止 , 坐公車回十和田湖巴士總站。

女團友 “馮脚斬” 一幅向 National Geographic 致敬作品。

當日個天真係好俾面 , 一入黑就開始成晚下雨。反正行咗成日都幾疲倦 , 晚飯過後商量行程完又早早休息。

奧入瀨溪照片

大家睇相前最好斟定杯茶 , 揾定支眼藥水 , 因真係幾多相 , 若然感到暈就要休息一吓或打開個垃圾埇望吓污糟野作 “對冲” 及”Reset” …………..

***********

奥入瀨路線圖

十和田奥入瀨旅遊指南

AM 的品味人生