吳哥窟攝影之旅 (V)

_AMF3458

去到 Last day 我們選了未去過的 Srah Srang皇家浴池去影日出 , 我們去到才知那個地方裝修 。

_AMF3476

這天的日出亦無乜特別 , 我就 Causal 影幾張就諗住收檔 ………..

_AMF3509 _AMF3567

點知最尾有個村民落水收魚網 , 咁又可以影幾張。

_AMF3608

在吳哥窟最尾一站是Prasat Bakong 巴孔廟 ,

_AMF3630 _AMF3621

_AMF3631

老實講行咗咁多古蹟影咗咁多日都有啲攰了 , 加上巴孔廟亦沒有什麼太特別 , 光影又無乜 , 所以隨便影幾張就算。

_AMF3607  _AMF3600

在巴孔廟外圍的湖上有工人清理湖底的水草 , 整個環境幾有吳川 Feel , 幾有感覺。

_AMF3672

我又四週遊走俾我見到班小朋友在跳橡筋繩。

_AMF3680

哈哈 , 又有嘢影了。 這絕非擺拍 , 而我亦唔識與他們溝通 , 我只踎在一旁睇住佢哋玩 , 啱位就影。

_AMF3669

影這類瞬間連動是否一定要頂級機 , 對焦快一秒十張連拍才影到呢?  我覺得未必 , 基本上中級機一秒二三張連拍就可影到 。 我會將相機 Set 去AF-C , 鏡頭焦段以常用的 24-70mm 用慣用熟 Cover 到整個畫面 , 對準小朋友玩的範圍然後擺定部機一個位置 。 我不會看著 View Finder 對焦 , 因為用 View Finder 對焦會慢 , (尤其那些無返相機) 我雙眼離開相機 View Finder而只會觀察整個運動節奏 , 等小朋友起跳那一刻才按快門。  我不會一按不放連拍數張而每次只是拍一張甚至兩張 , 而我往往可以捕捉到運動的高峰點。 這方法是台灣 Alex Liu 劉純興老師所教的盲拍。 當你學識用這方法 , 你的運動感覺會更敏銳 , 成功率及信心亦會更高。

_AMF3650

最後一日唔想咁辛苦濕晒身咁上機 , 所以大隊決定早上1100影完就回酒店沖涼換衫兼執行李 , 1300 hr check out 去 lunch , 之後回酒店自由活動 , 到咁上下就出機場。

_AMF3603-E

整個旅程有靚日出 ,  Super Moon月落 , 雙彩虹 , 天空之鏡 , 人景交融 , 有Feel光影 , 人物小品 , 畫意…………. 基本上已算豐收。

_AMF3135

第六日影集

_AMF3458

小貼士:

整個大吳哥地區遺蹟的門票是採護照制 (Pass),吳哥門票三日券:US$40、一週券(7日)門票:US$60、一日券門票:US$20。門票有效期限內可以任意進出古蹟區不需要付費;購買門票時售票口會幫你照相,門票上會有吳哥窟風景及你的大頭照在上面,各大古蹟出入口有工作人員會抽看。 可以唔帶 passport 但都要帶這 Pass。

_AMF3137

吳哥窟的九月天氣非常有趣 , 清晨天清氣爽 , 一出太陽就好鬼熱 , 下午或黃昏多數有大雨或雷雨。 雨一落就好似倒水咁大 , 而當地道路排水系統認真麻麻 , 一落雨就一定水浸。  所以拍攝器材要預計落雨防水這個因素 , 傘、斗逢、膠袋未必要樣樣 ”跟身”但起碼至少一件要 “近身” 。

器材搞掂咁人呢? 天氣咁熱基本上一出外影就會大汗淋漓渾身濕透 , 一日換三幾套衫好平常。 經常換衫是一個問題 , 衫最好選一些快乾的衣服。 另外每天若不用搬酒店 , 你就可以有時間洗衫晾衫 , 否則就要帶多三、四倍的衫量。

流汗一天半天不是問題 , 但連續多天不斷流汗不單須要補充水份 , 更要補充電解質 , 否則你會很易疲倦 , 頭痛 , 甚至肌肉抽筋及中暑。

_AMF2191

吳哥窟不是鬧市 Wifi 網絡認真麻麻 , 我租用了 X訊的Pocket Wifi 大部份地方都只有 2G (訊號接收不良) , 尤其在景區更是 No signal , 只有近市區地方有 3G。 若在景區內靠 Wifi 來 Google Map定位揾路肯定 “食蕉” 。 有團友在機埸買當地的 Data Card US$5 for 5G, US$10 for 10G 似乎唔錯 , 大家不妨考慮。

吳哥窟的景點建築物大多都很相似 , 而且地方名亦不容易記 , 有時影完啲相都唔知邊度打邊度。  若網絡好的話可用電話打咭作記錄 , 否則不妨用 GPS  Logger定位做個記錄 , 我今次都用這方法去記下所有拍攝點的坐標位置 , 起碼同人講都知道邊度打邊度。

全篇完

吳哥窟攝影之旅 (III)

_AMF2613

_AMF2521

連續幾日拍攝日出真係幾辛苦 好多影友都黑晒眼圈好攰 , 有見及此馮 Sir 提議這天不拍日出 , 大家可月訓晏些少  , 但不要太高興因為女皇廟地方好細若人多好難拍攝 , 所以我們要 5:30am Morning Call 成為最早一批入女皇廟的遊人 。

_AMF2574_AMF2580

_AMF2569_AMF2543

_AMF2593_AMF2562_AMF2594

Banteay Srei 女皇廟的面績很小 (比一個足球場還細) ,  但它的建築雕刻卻是最精美細緻的 , 而那種層次感是其他景點難以媲美的 。  若以書來說女皇廟就像一件精裝版 , 而大吳哥就像合訂本一樣。

_AMF2655

我哋影完女皇宮在回程途中經過一條叫棕糖村的地方 , 拍攝少許當地居民生活 。

_AMF2650

這條棕糖村的村民很窮 , 他們只靠煮棕梠糖做手信作為生計。

_AMF2667 _AMF2676

_AMF2709

吊床對當地人來說就是高床軟枕

_AMF2762

村民很友善純樸而小朋友純真可愛。

_AMF2780

下午我們又再一次去小吳哥 , 今次我們要 4:30 前進入小吳哥最核心部位榙樓上邊 , 5:30pm前再出去外圍一水池邊拍攝夕陽下金黃色的小吳哥 , 影完又要盡快走去最外圍影一條黃金走廊的光影 , 全程真係分秒必爭因為個太陽一落就乜都無。

_AMF2851

我們依照導遊指示去到小吳哥並依㞳峭的木梯級登上第二層 , 在第二層四邊穿梭捕光捉影。

_AMF2820 _AMF2816 _AMF2806

_AMF2836

_AMF2872

在指定時刻我們又趕到外圍一水池邊拍攝夕陽。

_AMF2800

_AMF2879

當太陽落到某一角度就呈現一種金黄色 , 而眼前的大吳哥就由灰灰黑黑变成金色吳哥。 這光出現的時間很短所以要趕快拍攝 , 拍完即走去下一景點。

_AMF2913

途中見到小朋友在金色夕陽下玩耍 , 這景像很美就三扒兩撥影兩張再趕上路。

_AMF2771 _AMF2931

終於及時趕到 , 這走廊在金色夕陽下呈現一工整的光影美學 , 我心諗這時若擺個花裙少女又或者僧人在其中必定靚爆 , 可惜這景像始終只是我一個美麗的構想。 這日拍攝活動亦以夕陽下的金色走廊結束。

第四天相集

_AMF2469

**************

有影友問我為何我所影的人像會這樣自然? 問我有冇俾錢小朋友?

我對要收錢才供你拍攝的小朋友沒有興趣 , 而我又不會帶備糖果文具等作禮物回贈。  若果大家是靚女影友又或者好似福山雅治、金城武咁靚仔的 , 係人見到你都  “口答" 糖 , 根本唔使咁做。

其實我的做法很簡單 , 首先我一定不會成班人圍住去影小朋友 , 因為小朋友不是專業 Model , 將心比己自己被一班人用鏡頭對住亦會不自然及起防範之心 , 所以我一定單獨行事。

  • 每個人都有一個無形空間 , 當我見到可愛的小朋友時 , 我會先與他保持一個遠距離 。
  • 我不會急於舉鏡拍攝 , 我會先微笑及打招呼 。禮貌是國際語言這些 Body Language 會令小朋友覺得你有善。

_AMF2645

  • 這時若小朋友呆呆的看著你又或者揾眼啤實你 , 這就表示對你有戒心 , 老實講你應該離開 , 因為他們一定不會與你合作你亦無謂勉強 , 而張相片亦不會靚。

_AMF2706

  • 若小朋友對你報以微笑 , 你就可以用手勢問他可否與他拍照? 若對方唔反對你就可以拍攝。
  • 不要以為你一次就會影得好 , 這時只是作為部署準備 , 你要留意入鏡位、眼神光、測光、構圖 , 相機 Setting 這些東西。
  • 影人我很喜歡有眼神光 , 除了入鏡位你要留意外 , 有時他們直看着你真係好唔自然。 而你同佢又一定雞同鴨講 , 所以你要用簡單手勢去溝通 。例如叫他們不要看鏡頭 , 你可以叫他們看着你不是揸機的一隻手 , 將手上下移動引導他們看某一方向以達到眼神光的效果。

_AMF2728

  • Set 好相機後我會拍攝幾張然後 Show 啲相俾小朋友睇 。 你若影得靚他們此時必定會滿心歡喜 , 而這一瞬間就是你最佳的拍攝時刻 , 你要捉緊時機拍攝。

_AMF2766

  • 當然你也不能太貪心 , 因為小朋友好快又回復生硬。
  • 這時你可能要變招例如扮鬼臉又或者做些趣怪表情逗他們 , 若果反應好就影 , 反應不好就見好就要收 , 向小朋友道謝離去無謂抖纏 , 就算你重施故技也失去驚喜 。