在我酒評中多次提及 Biodynamic 的酒對温度及搖恍特別敏感要小心處理 , 當中 Body 厚身及濃郁的紅葡萄酒雙對比較好一些 , 而纖巧幼細的香檳是最難處理的。
自己在不同場合飲用 Vincent Charlot Champagne , 我覺得最好飲是在家中飲用。 又或者像出席一些名牌香檳酒宴般 , 學主辦單位預早將香檳送到餐廳並托人將酒預先雪好 , 減少温差及搖恍亦令香檳 Serve 前有足夠時間及穩定地發揮它的層次、變化及美態。 其實這處理手法同樣 Apply 落所有高質及靚香檳。
有幾次帶它們出席酒聚 , 我已很小心事預先將香檳在雪柜雪凍 , 再用保温袋運用 , 但經過舟車路程搖恍到餐廳 , 支檳未定神就急着開來見人 , 它的表現真的會大打折扣及甚至失魂落魄 。 一般情況下起碼要將它放冰桶 1 小時才能有回復正常表現。 香港人生活緊迫出席聚會唔遲到已經好難得 , 若要求帶香檳的酒友提早1 小時到場為大家準備 , 咁麻煩我覺得無乜人肯咁做!
退而求其次可以等到家中請客時 , 才挑這類精品奉客 , 這就包保你能完全感受所描述的美態及變化。
另外大家若從酒商購買 Vincent Charlot , 最好多口向酒商問一句批酒幾時抵港? 是大批運送還是少量運送? (大家都好清楚機場工作人員如何對待行李及旅程中的溫差 ) , 再跟據運送方法俾足夠時間 ”坐暈浪監” 等支檳回復狀態才飲用欣賞。
AM 的品味人生 
AM Sir, 如果隻酒用原樽唞氣處理，serve時應唔應該搖晃吓等面嗰層同底嗰層溝得even啲？但大多biodynamic酒都係unfiltered，啲sendiments又會湧上嚟。咁應當點處理咧？有試過用咖啡filter paper但對輕身嘅酒太過殺傷力。
飮 Unfilter就是想保留原汁原味 , 這些 Unfiltered 的酒就像你煲粉葛赤小豆湯一樣 , 根本Wine Maker 亦預你直接飮 , 假若你走去用 filter paper 隔又或者吊清佢 , 你真係會 destroy 咗成件事! 你只要直接咁飲就可以。
第二 , Unfiltered 的酒內的元素如塵般很輕細那是酒中的 Texture 不是 Sediments , Sediments 是指舊酒內一塊塊又或者黑色的沉澱物 。 那些沉澱是帶苦味的 , 所以要用 decanter 隔 。
一言點醒夢中人，多謝賜教🙏
AM兄，你好
請問圖中右邊支Charlot-Tanneax你有何評價?
Thanks.
這支是限量精品 , 我很辛苦才找到一支回來 , 現在先養住等適當時機才開 , 到時試完會寫篇分享。