Domaine de la Romanée-Conti Echezeaux 1971 – 奪命劍十三

OLYMPUS DIGITAL CAMERA

Domaine de la Romanée-Conti Echezeaux 1971

這是酒神的盛宴 – 2016 的 Part II …………..

能夠放在"睡蓮" Leroy Corton 及 “東方不敗" Bonnes Mares 之後的 , 一定非同凡嚮! 酒在 1030 hrs 開瓶 , 靜立唞氣並在 1800 hrs 過 Decanter 然後落杯 , 支酒唞了 8 小時 , 單看這個已是極之可怕的處理手法。

香氣是大紅玫瑰、紫蘿蘭 , 成熟甜美的車尼子 , 略帶少許 Spice 及煙燻 , 單是香氣己令人 “嘩” 一聲。

入口是優雅而濃郁帶著玉桂的甜香果味 , 如煙似絮如幽靈般的單寧 , 黑朱古力、薄渮及甘草味如魅影一現 ………..

這酒最特別之處是它似重還輕 , 結構似虛還實 , 無影無形 , 變化於平靜之後的 After Taste 卻又凌勵無匹 , 直插要害 ………………….

這酒令我想起古龍筆下的燕十三在使出他的奪命十三劍的一段描述 …………….

“一劍輕飄飄刺出本來毫無變化 , 可是變化忽然間就來了 , 來得就像是流水那麼自然。劍招變得有了生命也有了靈氣 , 皆因劍客將自己的生命注入了劍! 劍客輕描淡寫揮塵如意 , 一瞬間就已刺出了十三劍。劍法本是輕靈流動的，就像是河水一樣，可是這十三劍刺出後，河水上卻彷彿忽然有了殺氣，天地間裡彷彿有了殺氣。第十三劍刺出後，所有的變化都似已窮盡，又像是流水已到盡頭。他的劍勢也慢了，很慢。雖然慢，卻還是在變，忽然一劍揮出，不著邊際，不成章法。但是這一劍卻像是道子晝龍點的晴，雖然空，卻是所有轉變的樞紐。然後他就刺出了他的第十四劍。"

我記得飲過這支酒的 9x 年份 , 當時我覺得是年輕的劍十三 , 招式辛辣 , 勁度凌勵 , 變化無常。而這支 71 卻是另一境界 , 初開瓶時它只是一把生了銹的劍而只是得一劍。但當接觸空氣生銹的劍開始重拾它的生命及光輝。劍招一招一招的施展而劍亦慢慢變得有了生命也有了靈氣 , 成熟了的劍不再是着重招式辛辣 , 勁度凌勵 ; 反而是輕描淡寫揮塵如意地刺出了名震光湖的奪命十三劍。因酒已完全熟成元素溶滙 , 此時就像將十三招複雜華麗的劍招再脫變昇華 , 完全解除招式的束縛 , 不著邊際不成章法 , 而這一劍卻像是所有精髓神韻之所在 , 再而变出奪命十三劍的第十四劍! (若果支酒唞唔夠或 Condition 唔好 , 是感覺不到這十四劍的變化的) 作為一個劍手最光榮的就是死在這種絕世劍招之下 (我作為飲家心態亦一樣。)

這支 Domaine de la Romanée-Conti Echezeaux 1971 正是奪命十三劍的第十四劍!

對「Domaine de la Romanée-Conti Echezeaux 1971 – 奪命劍十三」的一則回應

Hi AM,

屋企有枝87年La Tache，見水位偏低（離Cork好似有5-6 cm），想新年開咗佢。請問你會點處理枝酒，要唞幾耐？

Thank you!

回應

am1088 說道：

22/12/2016 at 9:30 上午

Hi Jason
1987 不是好年份加上水位不佳 , 而且這類名酒身世經歴支支唔同 , 所以會有Bottle variation , 但 La Tache 是名莊 , 爛船有三斤釘應該有其本色。我會以保守方法處理 , 我會預原瓶唞氣 4-5 小時 , 到飲前半小時才過 Decanter well mixed 才落杯。

回應
- Jason Li 說道：
  
  22/12/2016 at 6:30 下午
  
  多謝回覆！
  
  請問原瓶唞氣洗唔洗斟一小杯出黎先？
  我之前以為原瓶唞氣係就咁開咗佢放係到，但早兩日出去食飯個sommerlier講話要斟一小杯出黎先得，因為樽內有惰性氣體，會阻住唞氣。請問你會點睇？
  
  Thanks!
- am1088 說道：
  
  23/12/2016 at 9:28 上午
  
  我一定會斟一小杯來試 , 試支酒有冇 Corked , 有就即換。亦會試它的骨架、結構、condition 是否合理及正常 , 若一切正常就擺埋一邊讓它自己唞氣。我明白有人會倒一杯酒出來 , 讓酒的接觸空氣面加大 , 咁做無疑對唔夠時間唞氣 ,又唔想將支酒 decanter 的一個 option , 但若果預夠時間唞氣 , 這方法是多此一舉。俾外國人見到會覺得你咁做會莫名奇妙。
  樽內有惰性氣體的講法對我來說太新穎 , 我估 Sommelier 是指 So4 , 這是釀酒過程中由採擇到 crush 過程中 , 防止葡萄汁氧化及保鮮時才會加入 , 但當支酒入樽時 , 根本不會加入 So4 , 所以樽內有惰性氣體，會阻住唞氣這論點確實不大正確。
- Jason Li 說道：
  
  23/12/2016 at 6:22 下午
  
  多謝指教！
  
  另外，因為當日會有酒齡較淺的朋友仔們，想搵枝似La Tache嘅野黎玩下blind tasting。AM兄有冇D幾舊水貨仔嘅推介？我都知難，新世界又好少搵到咁舊，舊世界嘅有佢4-5成功力都要過千。唔通真係要91年Musar? XD
  
  Thanks again!
- am1088 說道：
  
  23/12/2016 at 7:35 下午
  
  練武不練功，到老一場空。葡萄酒沒有捷徑。我可以話你知支支Fine Burgundy 都近似La Tache , 我亦可以話La Tache 獨一無二。問題是你有冇咁嘅功力分得出？就算有支真La Tache 俾你，你又能否懂得欣賞？