靈貓百變 – NV Cuvee Meow, Crement d"Alsace, Vignoble Klur, Katzenthal

OLYMPUS DIGITAL CAMERA

上一篇 “空山靈雨” 的酒評一出 , 第二天就有酒友同我講某代理支 Vincent Charlot 又俾人掃晒十分掃慶 ……………。心水清酒友更問我 Blog 中提及的幾支逸品究竟是那幾支? 可否預先相告以便預先入貨? 又或者不如我多介紹一些可以 “買得到" 的逸品?  好過次次"望酒輕嘆"!

我心中一笑 “世上靚酒何其多 , 何必偏偏跟著我?” , 事實上我並不是所有買來試的酒都會寫 , (我其實好懶寫嘢) 只有我覺得有趣及值得寫的才會動筆 ,  而且我也很多時"中伏" 只是沒有話俾大家知。  有時我買了些酒會放一頭半個月才試 ,  我更不會知道酒商有多少存貨 , 所以真是難擔保我出 Blog 時酒商仍有存貨 , 一切都是看大家的彩數。

2014年 7月我寫過一篇 “黑白雙貓 – Domaine Klur Gentil / Voyou De Katz 2012”  我覺得這對來自 Alsace 的酒輕巧靈動質素超班 , 加上價格平宜真的是平靚正選擇。 今次我就試了它同莊的 NV cuvee meow, crement d"alsace AOC, Vignoble Klur, Katzenthal。

香檳及氣酒雖然話要夠凍才好飲 , 但卻我認為香檳及氣酒長浸在冰水中太久可能會太凍, 啲香氣唔出 , 酒味內容亦緊閉 。 所以我 Prefer 雪柜取出那種溫度 , 並會將香檳及氣酒在杯中慢慢回溫享受它的變化。

“貓貓" 有淡黃的酒色 , 氣泡不算洶湧 , 只有絲絲細泡由杯中滲出。 香氣滲出青蘋果、奇異果、楊桃、忌廉、淡淡的白花、蜜糖清香的芳香 , 香氣表現輕盈可愛。  Sparkling 在溫度較凍時酒味輕淡但卻堅實 , 酒的體型及內容隨著溫度而慢慢變得濃郁及深厚 , 潛臧的內勁 , 優雅的酸度 , 中尾段滲出淡淡的礦物感 , 更難得是它有著高階香檳的結構及平衡性 。 這一切都難以想像在 一支 Alsace 出產的 Sparkling 身上發現。

Sparkling 最考人的是越暖越難飲 , 但這支"貓貓" 卻是由凍至暖都咁正 , 就算完全暖和也是一支高質白葡萄酒。  我覺得這支 Sparkling 可說是 Multi-use , 不論作 Party Wine, Pre-dinner drink , 三兩好友 Summer causal drink ,甚至用來做 Food & Wine Pairing  都瓣瓣合適。尤其配襯凍蟹、刺身、蛋白蒸蝦 ………… 這一類夏天菜色會有令人驚喜的變化。

這支 Sparkling 看似招式簡單 , 我卻認為它是個詠春高手。 (老實說越簡單的東西越難做得好 , 更何況要做出高階香檳那份平衡及結構)  它輕巧、靈活、充滿變化及潛藏綿勁 , 更重要是它遇強越強 , 埋身肉搏隨時唔覺意俾佢 ”鍊”低都唔知乜事。

我很明白很多人都有 “平嘢無好" 的心態 , 見到咁平價錢反而有戒心 , 寧願買大牌子 。一支來自 Alsace , Biodynamic 方法耕作 的 Sparkling , 價錢二百蚊而俾到咁嘅變化及質素 , 我覺得是"Too good to be true" !   當然不要妙想天開它可以由尖沙咀打到砵蘭街 , 但以 咁嘅價錢 我覺得市場上真的很難揾到對手。    平心而論輸盡都係二百 , 但一個唔覺意同其他貴一、兩倍或大牌子的香檳或氣酒  “打成平手"  甚至 ”鍊低"  埋人哋 ,  呵呵! 單單那種 “刀手据低大樹" 的滿足感就夠你 High High 幾日。

信不信由你 , 我自己就真金白銀投以信任一票 , 跟唔跟就隨你 ………..

Supplier:

DECO Wines  Tel: 34604103; info@decowines.com.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s