膝痛後續篇 – 肌肉痙攣

Knee and hamstring injury

早一兩年前我分享過幾篇關於膝蓋痛症的文章 , 經過兩年多的親身經驗 , 我覺得有須要作個補充。

這兩年間我敢說已康復了九成 , 大痛已消失但間唔中卻會出現一些小毛病。例如在膝蓋傍邊某一兩個位置會久不久出現一些陣痛 , 有時隻腳好似條筋走錯咗位咁隻腳有時痛到行唔到 , 但那種又不是膝痛。 這段日子情況時好時壞 , 痛症時好時壞像夢魘一樣揮之不去。

我去睇過骨科醫生 , 醫生話我骨骼關節無問題, 俾些消炎止痛藥我就安排我去做物理治療。 我本身對物理治療無乜好感原因來自早年的康復治療經驗。一個物理治療師同一時間招呼五、六位病人 , (每一節的治療醫師接觸病人的時間不超過 15分鐘 , 每位病人得到的卻是流水作業般的對待及一些治標不治本的治療 , 治療費絕不便宜 , 錢用了不唔使講但達不到預期效果那種感覺非常不爽 。

上年六、七月我的腳痛問題再次發作 , 最差的時候連上落樓梯都無力。 AM嫂有位親戚介紹了一位物理治療師給我 , 我最初一聽物理治療師都很抗拒 , 但難耐痛楚唯有姑且一試。

knee pain

到診當日女物理治療師聽我陳述後 , 細心檢查我雙腳肌肉就斷症我是 ”肌肉痙攣”。 簡單一點就是因為某些肌肉因運動而變得硼緊及收縮了 , 因而拉扯了週圍旁邊的其他肌肉 , 肌肉間互相失去應有的平衡而引至某些位置受壓產生痛症。

我一向以為自己經常做運動 , 肌肉強健結實就足以保護關節 , 原來肌肉做得太實失去應有的彈性亦會引起問題。 女物理治療師更指出我的肌肉 ”不單結實而是死實” 失去應有的柔軟彈性。 原因是運動不當 , 運動前後拉筋及伸展運動不足引起 , 她在我腿上試按某些位置一按之下果然令我痛楚難當。

我睇病最怕啲醫生“吱吱唔唔” 唔肯斷症 , 亦怕醫生係唔係都 ”嚇一嚇” 你先 。 女物理治療師講得合情合理令我信服 , 於是就放心給她治療。

物理治療離不開超聲波及電療 , 但最精彩部份是女物理治療師實牙實齒咁去 ”摔” 你 。 有時她不會第一時間就摔痛楚的位置 , 反而由沿着整條肌肉由頭至尾一路摔落去 ; 有時為了要做某些深層肌肉 , 我要將隻腳擺去某一角度將患處露出來 , 當摔正源頭時真係痛到飛起 , 每次做完 Treatment 時都好似俾人砌完一樣 , 不過隻腳又真係鬆咗唔到你唔服。 女物理治療師亦教我幾個拉筋動作及力勸我暫時不要再去做 gym。

我最初都以為摔幾次就可康復 , 但奇怪是那些痛會走位 , 今次膝蓋、下次腳踭及腳胶位 ………. 女物理治療師解釋全身有750多條肌肉 , 它們之間的互相協調合作層層相扣 , 某組肌肉痛症可能因為週圍肌肉出現問題形成 , 所以治療要一層一層針對性地幫我鬆開那些 “紏結” 多年的舊患。

如此這般每星期做一節 Treatment , 每次 Treatment時我都很留心整個過程 , 我亦不恥下問 那些應該做 , 那些不該做 , 回家後亦勤力拉筋及依樣胡盧摔吓隻痛腳。 兩三次 Treatment 後我已覺得情況有好轉 , 對腳亦變得有力及更穩陣 , 三個月後痛症幾乎完全消失。

每個人的身裁、體重、肌肉量 , 勞損及痛症都不同 , 膝痛成因真係有很多  , 我不是醫生或治療師 , 我不敢 Give Advise , 我只不過想分享自己的親身經驗 , 原來某些痛症是由於肌肉太緊或失衡而引起 , 要明白病因對症下藥找適合的方法治療。

今次叫做經一事長一智了 。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s