中秋節是中國咁多個節日中最有氣氛的一個節日 , 各大酒店餅舖在五六月端午節過後就即時推出各類形月餅 , 搶佔這利盈豐厚的市場 , 我亦相信大家近排一定是食了唔少。

至於中秋節應飲什麽酒應節我個人會選擇甜酒 , 一家人一邊賞月食吓生果及月餅飲啖甜酒 ,甜甜蜜蜜人月團圓何足快哉 ,  就算未滿十八歲的小朋友偷吓雞飲啖甜酒亦無傷大雅。

最近飲了支令我會心微笑的甜酒。

這支酒淺黄酒色 , 香味帶甜酒的蜜糖 , 玉桂 , 菊花 , 少許薑的 Spicy。 酒的密度很 Rich但絕對不會令人感到濃郁厚重 , 入口流暢而舒服 , 酒的果酸足夠 , 果味甜美而令人齒頜留香回味良久。 最難得的是這支甜酒做得輕盈幼細平衡均稱 , 清爽怡人令人飲得十分舒服 ,它 唔會俾人一種甜到嗆喉的霸度又或者甜上加甜的厚膩感。 若果你將少量甜酒在牙縫中來回 “Chok” 動 , 你更會感受到它豐富的果味在口中爆發 , 這時你必定會報以會心微笑大呼過癮。

奧地利及德國出產的甜酒質素一向十分高 , 而跟據酒莊資料這支酒算得上是用心之作 , 質素真的拍得住德國的 BA , 這類質素的甜酒在市面上亦唔係太多人識買及價錢昂貴。 這支高質的甜酒最令人振奮的是清倉價一支 350ml 竟然只售 $2xx ( Discount 埋仲唔使兩舊 , 百零二百蚊嘢當然不可能識飛 ) , 但在百物滕貴的今天以這價錢買到這支咁質素的甜酒 , 真係令我發夢都會笑了出來!!

奉勸一句這是 Bin End 貨數量有限 , 真係手快有手慢無大家執生 …………

酒莊資訊

http://www.estatewinesjapan.com/index.php?main_page=index&cPath=109_114

Wine Supplier

http://www.mshwines.com/Lucida-contact.html

http://www.concordwines.com.hk/dev/product_detail.php?id=528&cid=128&page=2