平民極品海鮮宴II

上月 平民極品海鮮宴 後友人食過都念念不忘 , 即時提議再搞一次品魚宴。 海鮮專家真的是黃大仙 , 對我們有求必應 , 三扒兩撥就擇好日子搞另一餐豐盛晚宴。 上次真係食到捧住個肚 , 今次事前連續多日都是清茶淡飯, 以膽固醇不足的飢餓狀態下出席借勢補充

廢話少說這晚一共試了五種魚 (左口、鷹、牛屎、油斑和獅頭魚) , 三種蟹 (黃油蟹、奄仔蟹和白蟹) , 兩種蝦 (紅鬚和麻蝦)、角螺和大尾魷共十二種 , 全部都是 Made in Hong Kong 嘅海鮮

要聲明一點所有海鮮都是自來的 , 而酒家只提供火號油料 , 並非酒家有如此靚貨 , 大家切勿有美麗誤會。

 

a1

首先來個肉質清甜的白灼紅鬚蝦

a2

白灼角螺  (這種角螺個樣好似響螺 , 價錢比響螺平得多, 若唔識分隨時做老襯。 )
a3

之後出場的是 無敵奄仔蟹 , 群蟹當中有兩隻係季尾的海黃油蟹 , 大家撞手神睇吓邊個好彩。

a4

哈哈 , 咁好彩俾我揀中一隻海黃油蟹

a5
友人果隻仲勁睇睇的膏同黄油多得幾恐怖 , 食完呢半隻奄仔真係可以收工。

a6
蒜蓉粉絲開邊蒸 爆羔麻蝦和大紅鬚蝦

 a7

由於時值中秋大節日加上海面大風 , 以致貨紅蟹源極少且貴 , 做唔到凍蟹於是改食薑蔥炒白蟹。

a8

不能缺少椒鹽大尾魷。

 

a9

有朋友問什麽是大尾魷 , 我事後去西貢拍到了一張供大家參巧 , 第日大家見到就識食了。

 a10

到了當晚的主角出場 : 一條生猛本地左口魚

 

a11

梅菜蒸左口左口魚的肉質滑得來結實淡口, 用惹味的梅菜清蒸添加甜香韻味。

a12

兩條釣的海魚:牛屎魚立 (黑鱼立和油斑

 

a13

兩條靚魚拍埋比較 , 油斑的肉柔滑得來帶有一份油脂的酣香, 而黑則肉質肌理如蟹柳一般而肉味甜美。 大家咁講可能未必了解 ,我就以牛肉來比喻 , 油斑就等同和牛食中的油脂 , 雖非入口即溶但柔潤滑溜
。而
就像美國西冷 , 要食其魚肉的甜味。

a14

專家話本港最好食的三種魚為:第一芒、第二倉(即鷹)、第三馬交郎 (即馬友) (魚芒)已極為罕有, 就算連品魚專家都未食過。  今晚就試第二把膠椅的

a15
轉吓口味來個煎封鷹 , 啖啖肉之外又脆內軟 , 點些豉油回味無窮。
a16

 椒鹽獅頭魚 , 眾人一致認為是極品它集酥脆、鬆軟、肉嫩於一身 , 脆卜卜加啖 Chardonnay 真係一流。

a17

有魚無肉好難持續 , 點都要來隻燒鵝

a18

a19

有酒無菜 , 俗氣不才 , 當然要食返兩碟正菜。

 

a20

如此盛宴怎能無酒 , 但海鮮實在太美味 , 酒雖美也暫变作陪襯品實在罪過罪過。

海鮮專家為人熱情 , 只要朋友開聲就不辭勞苦咁去搞海鮮宴 , 有時一星期內連續搞兩三局 , 而且局局都咁大鑊。  我哋坐嚮道食就梗係開心滋味 , 但搞一頓如此豐盛的晚宴背後其實好大壓力及辛苦。 老實講當晚我見海鮮專家疲態畢現 , 全晚我哋個個食海鮮而佢只食碗白粥 , 據我所知他連續兩晚同一地點又有海鮮局 , 真係見到海鮮都驚 雖然海鮮專家口口聲聲話最緊要朋友開心一的都唔介意 但我心中真係有點唔係幾好意思。 

做朋友望朋友富貴
, 唔望朋友閉翳 , 愛才惜才兼養才。心中除了感激之外 , 希望海鮮專家保重身體  , 多多休息唔好搏到咁盡 , 今日盛宴小弟銘記於心 , 日後定當以美酒回敬。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s