新寵入宮 – Olympus OMD EM5

 0

有睇開我 Blog的長期讀者都知我是忠實的 N 記用家 , 手頭大大話有三機十多支鏡及一大堆閃燈用具器材。 雖然我每次外影都已盡量簡化 , 但個背囊閒閒地都成二三十磅重 , 像搬家一樣咪話唔辛苦 , 幸好我經常做 Gym 體能方面尚能應付。上次去家庭旅行雖然只帶部舊 D300  , 但始終爛船都有三斤釘 , 左加右加都唔算輕 。 要我 Downgrade 帶部 DC 作主機去旅行就一定過唔到自己。

 

我自己對自用的器材頗 “奄尖” , 對質素及操控有一定的要求 , 長久已來都想找一些方便携帶而又一定質素 , 操控似大機而又可以玩閃燈的輕便相機 , 作為家庭旅行或二線場合之用。  我一直留意 micro  4/3 的發展 , 但一直未有一部機令我滿意 。 早前曾經期望 N 記出部 Mirrorless , 但那部 J1, V1 真的 Not my cup of tea , 不是太膠太玩具就是操控太過傻瓜機手上除了大機外就有一部 Fuji X10 作 Snap Shot 後備 , 質素本身也算不錯 , Presumer ISO 不濟及鏡头變形等物理缺點 , 一遇上一些惡劣環境就投降 

olympus-omd-em5-body-olympus-malaysia-waranty-creativephoto-1208-02-CreativePhoto@1

直到前排見到一位專業影友用 Olympus OMD , 我好奇連一向要求高的專業影影師都用 , 就問佢借來玩一吓 , 一玩就不得了 , 因為 SO1600 都好乾淨 (甚至拍得住我部 D700) , 加上五軸防震 , 一秒張連拍 , 對焦好快一按就到 , 就算環境較暗對焦都一樣 OK , 仲可以 Touch screen 對焦 , 更防塵防雨防水潑 ……………。老實講以規格來講真係贏晒 ,  只係輸大光圈散景及層次感。這一吓對我衝擊很大 , 我心在問 Is it the one I am longing for?? 

我好理性咁
睇晒所有專業 Review , 對比 Olympus, Fujifilm, Sony 同級相機種 , 上陳列室親身試用。雖然各有強項而 Olympus 勝在各方面都很平均 , 加上售價比其他牌子平物值高。對於玩慣大機的我最緊要操作順手 , Menu 寫得唔錯比 Sony 好得多。部機 Size 無單反咁大又無 DC 咁輕飄飄 , 重量只係大機的 40% , 這個已差好遠 , 外型古典鏡头比例適中唔會俾人覺得似玩具或觀音頭掃把腳。

相機不能無鏡頭配合 ,   Kit set 連一支 12-50mm kit , (等同24-100 仲有微距) , 呢個 Range去旅行影風景卓卓有餘 要求高的又可玩定焦 , Olympus Panasonic 4/3 鏡可以共用 , 鏡群都幾算齊。且我只要加個 Adapter 就可以用返晒我所有 N 記鏡及玩吓一些古董電影鏡 , 雖然要手动對焦 , 但都叫做 Blend-in及無嘥。

九月中終於拍板入宮趁假期刨 Manual 摸熟部機玩慣大機的我時常會轉換 Setting , OMD 操控亦覺很 Friendly易上手 , 一般平時影相已完全無問題 , 咁玩花臣又如何呢? 

這晚我走去後花園捉隻蛙蛙做 Model , 實行夜嘛嘛影蛙蛙 , 考驗暗位對焦加飛燈 , 及用連拍嘗試將水珠凝固……….這些我以前我要用D700影的東西都順利過關。 上述幾張相我唔講大家根本分不出我用什麼機影 ………………

中秋節我又擰部 OMD 及 Kit 鏡去影火龍 , 去考驗動態下暗位對焦及追焦 , 高ISO , 防震等極限環境的表現
…………….

我原本想用 1/20s拍動態模糊 , 但個防震扺消了大半 , 拍出來像我用了 1/60s,  個五軸防震真係好勁。

這個測試就算一些入門至中階單反都未必過關 , 用來考驗這部 OMD 老實說是有點不公平及苛刻 , 我不期望 OMD 加支得 F3.5-F6.3咁細光圈变焦鏡會有什麽奇蹟 , 但用上手又幾 OK , 起碼我邊跑邊影都仲對到焦, 無乜失焦 , 而且影出來的相片都比想像中好。

OMD 真是一部很有誠意及難得的相機。 Micro 4/3 能達到如此水準真的是癲覆了小片幅質素差的定理 , (心想科技不是用來突破極限的嗎?)  當然 Full Frame系统在鏡頭質素方面 , 相片散景及層次上仍有不少優勢。 但我覺得若果不是 聞相一族及日常應用基本上都好夠用。 早前曾想過 Upgrade D800 , 但冷靜分析後心想汝其花錢去 Upgrade 手上器材去買一些自己未必用得到的功能或心理滿足 , 倒不如將錢用在實際及又真正受惠的地方。

 這部 OMD 有大機的性能及細機的輕巧及機動性 , 對我來說已是啱晒心水 , 日後去旅行輕鬆得多了。

OMD 的評測

http://www.mobile01.com/topicdetail.php?f=249&t=2659806&last=34820302
http://www.dpreview.com/reviews/olympusem5/22

OMD 得到 dPreview Best Camera of 2012
http://www.dpreview.com/news/2013/01/01/best-camera-of-2012-results