第三天繼續例牌行程………..
別登水族館的規模不及海洋公園但麻雀須少五臟俱存 , 雖然無辦法去南極咁遠睇國王企鵝 , 但在這裡亦可以近距離看看這些有趣可愛的動物。當天水族館遊人稀疏 , 雖然有點冷清但無逼無阻自由自在亦真的十分寫意 , 就像這水底行人道內幾難得會無人 ………..
睇完企鵝又到食飯時間鴨仔團一般都安排了不同套餐 , 其實所包的套餐雖非名貴但份量都很夠 , 但山長水遠來到怎可以不試吓當地美食 。 旅行團都好識做會建議某一兩餐加吓送 試吓當地出名的海鮮。
就像這天去魚市場食海鮮火煱作午膳之餘大家亦可到市場中揀番隻皇帝蟹加餸。
通常在香港見到的皇帝蟹都是熟的 , 很少見到游水生猛的皇帝蟹, 一隻成 1kg咁重三個人一隻蟹夠晒。這隻蟹圍起港圓其實並不算便宜, 但成家人山長水遠來到無理由唔試 , “反正有的唔志在 , 無的唔爭在 “ 只要價錢合理 ,一些開心錢好值得使 。皇帝蟹即時肢解 , 蟹腳作刺身蟹子勁多而且十分爽脆
蟹肉做火煱 , 蟹肉頗鮮味但比不上之前在香港那餐本地海鮮宴鮮甜。
食到捧住個肚就去地獄谷嗅吓硫磺幫助消化 ……………
之後去伊達時代村睇吓啲摩登日本武士 ,
紅葉仍未是時候 , 這棵算是全個行程唯一所見的一棵紅葉。
由於不是旺季 , 這個武士村只得兩团人, 難得清幽寧靜 , 唔使人山人海同人逼 , 真正的可以打橫行。
條村佈置成個小京都一樣其實幾靚 , 加上遊人唔多最好影相
, 可惜天不做美不斷下雨 真係嘥晒。若果好陽光這地方真係無得頂 ………….心想希望在明天吧。
AM 的品味人生 