愛心之梘 – 梘愛 Luv Soap

 OLYMPUS DIGITAL CAMERA


AM
嫂話我前幾篇野獸派對太過 高深可能令一些朋友睇到一頭霧水唔知點回應 , 勸喻我寫返啲顯淺温和的分享, 咁我話就不如寫吓妳啲手工梘吧 , 反正上年十月分享過 , 隔咗咁耐都應該 Update 一吓近況。

 

講到 AM 嫂學做手工梘本來用來打發時間做啲好東西自己用 , 但她越做越投入 , 花了不少時間看書鑽研及試做  經過一年多的臨床實戰經驗, 產品已越來越多元化及有不錯的口碑 , 好多朋友自從試用之後現在都变成了長期用户定期訂購 , 而且訂單亦越來越多。

原本來諗住自家製手作仔但面對日漸增長的需求 , 格格同AM嫂都覺得須要建立一些系统以方便日後管理及跟進。  自從五月時格格回港放暑假後 , 就決定幫 AM 嫂的手工梘進行系统化改革 例如 Set Up Facebook 專頁 , Production Schedule , 存貨表 , 訂立價目表 , 訂貨送貨安排 , 額外包裝等一條龍服務。

OLYMPUS DIGITAL CAMERA


由於出產的
手工梘種類繁多 ,AM 嫂及格格將所有出品分類為六大系列:

A) 春天的花香系列 (去角質死皮) –  玫瑰花香梘 , 金盞花梘 , 薰衣草梘 , 洋甘菊 , 桂花

B) 夏天的生果疏果系列 (清爽控油潔膚) – 苦瓜梘 , 青瓜梘 , 薄渮梘 , 胡蘿蔔梘 , 香草精油 , 檸檬淨透白晢皂 , 香米磨沙沐浴皂 , 米水梘 , 備長炭 , 迷迭香

C) 秋天的草藥系列 (保濕美白) –  紅石泥沐浴皂 , 燕麥梘

D)
冬天的藥材系列 (滋潤防敏) – 牛奶梘 , 蜂蜜馬賽乳皂 , 薑汁活化肌膚皂 , 紫草梘

E) 四季洗髮系列何首烏洗髮皂 , 草本洗髮皂 , 有機蕁麻葉粉洗髮皂 , 人參洗髮皂

F)
家居清潔系列 (防主婦手)  – 咖啡家事皂

OLYMPUS DIGITAL CAMERA

 

朋友們喜歡的原因大至如下:

 1.    淋浴梘泡沫極之豐富幼細 , 沖完涼後皮膚清爽完全沒有滑潺潺的感覺 , 感覺十分乾淨。

 2.    用了一星期後皮膚明顯滑咗 , 尤其是在冬天乾燥季節 , 皮膚龜裂紋少了 , “爆冊亦少了 , 真係買少幾支潤膚露。

3.    以前用洗頭水再加護髮素啲頭髮才會柔順 , 現在只用一件洗頭梘就能達到同樣效果。 最明顯是洗完頭那一刻你真係感覺到啲頭髮 吱吱聲果種乾淨 , 完全洗淨 Hair Spray, Gel , 煙塵及殘留汚物。 頭髮乾咗就會發覺的頭髮好輕及柔軟 , 但無好似用了護髮素咁重及笠 ,  短頭髮效果更明顯。

4.    有子女濕疹的媽咪常常要要用一些專用淋浴露 , 最近用了防敏感的紫草梘除了小朋友皮膚滑了以外連濕疹都少埋 , 所以每次十件十件咁訂。

5.    幾位男影友最喜歡用薄渮葉榨汁加上少許薄渮精油的薄渮梘 , 沖完涼後清爽之餘有少許清新的淡淡清香 , 十分醒神。

6.    有位經常去台灣的攝影朋友 , 試過當地幾間有名的手工梘牌子知道這些手工梘是好東西 , 在台灣亦買得好貴 , 於是他每次都幫襯買十件八件全家一齊用。

7.    有位友膚較乾的酒友 , 每一次訂八至十件並指明滋潤系列的出品給自己及老人家用。

8.    有位朋友一訂就三十件連包裝作送礼用途。

DSCF5635

當然亦有其他意見:

 1.    梘的大細花紋不能统一 ?

(無辦法這是手工製 , 同一件梘成份比例不同, 而且件件用手切真係不能保證大小一樣 。就當係人一樣每一個都有獨立個性看待吧。)

2.    啲梘 Size 有大有細 , 若果一律定價會不公平!
(
有見及此所以 AM 嫂現以$0.5 per gram 計算 , 每件大約 $30 – $50 , 大件就貴一點以示公平。)

3.    手工梘不似市面上的香梘咁香 ?
(
原因是 AM 嫂的手工梘製造後要自然風乾一個月才上市 , 就算有香味都揮發晒 , 其實市面上的梘所以香是因為加入大量人工化學合成物作香味 。 AM 嫂所用的是由原身物料提煉的精油 , 精油一支眼藥水咁大的要成百蚊, 成本很貴而且精油很易揮發 , 所以只能在某些風乾期較短的手工梘加入精油 , 所以香味較淡就係咁解。)

4.    有些貨不是時常有
(
是的 , 尤其是最熱賣的防敏感濕疹的紫草梘, 因為紫草是中藥 , 一包紫草根買回來要在欖油中浸三個月 , 等佢出味才能作為做梘原料 , 一支油做唔夠十件 , 而且做梘亦要風乾一個月, 所以紫草梘要四個月時間一年只得三造 想要就真的要及早訂定 。其他熱賣的還有米水梘 , 牛奶梘 , 馬賽梘。

DSCF5635

5.    有些朋友想將手工梘用來送禮但苦無包裝。
(
有見及此 , 最近 AM 嫂提供了三種 Size 由獨立至六件的包裝服務 , 如上圖 , 而且只收取幾蚊雞的微量材料收費。)

6.    我很忙買幾件梘吓吓要約出來交收太麻煩了。
(
為方便大家 , 訂購方法盡量簡便 , 只須在 FB 留言指明要什麼梘又或者想要什麼功效的梘 , 件數及有否須要獨立包裝 , 留個 email address及郵寄地址 AM 嫂就會做一張貨物清單俾買家 , 買家睇過無問題才 Confirm Order 及用 Internet Banking 過數 , AM 嫂在幾天內就會揾速遽公司將梘送到閣下辦公室或府上。 若購物超過某個數量 , 速遽費還會全免。)

市面上有香梘專門店 , 我們比較過當中的成份及買來試用比較 , 感覺上 AM 嫂的梘更實際及功效較顯着。  原因是 AM 嫂所做的梘主要成份是梘橄欖油 (成份佔70-80%)  , 其他的都全是真材實料用天然材料如棕呂油, 草藥 , 生果 , 很少量香精油及食用色素 , 沒有太多化學物及防腐劑 , 奉行Simple is the Best 的宗旨

DSCF7501
我們不敢誇大一件手工梘可以上天下海飛天遁地 , 但若 Apple to Apple 咁去比較市面上所出售的香梘及淋浴露的話 , AM嫂的梘效果更好 ,   皆因你所花的每一分一毫都用返自己身上 ,
這比市面上其他用劣質油或工業廢油所做的梘及化學成份佔 95% 以上的洗頭水、淋浴露來得天然及健康 。

天生懶惰的我最怕麻煩的護膚過程 , 一樽二樽什麽又洗面又潤膚九百幾樣都唔知點分 , 若要我好似醃肉咁揸呢樣果樣護膚過程會令我落荒而逃 , 所以我絕少去按摸推油水療這些玩意 , 我頂多在冬天 爆冊時揸潤膚露及潤唇膏就係咁多 , 所以皮膚一向較乾。 我須然唔用護膚品但我日日就冲幾次涼 , 以前用淋浴液皮膚都係咁乾 , 自從我用了 AM 嫂的梘後皮膚真係滑好多這是事實。 識我的女性朋友都話我幾十歲男人老狗啲皮膚令她們嫉妒!! 這除咗飲食 , 睡眠 , 運動的功效外我相信 AM 嫂的愛心梘真係有啲料到

DSCF7497
老實講製造這些手工梘是一擔心機
, 材料絕不便宜 , 由買料到製成真係成擔心機 , 試想除成本外一件梘日日用風扇吹要陰乾一個月才買得果三四十蚊 , 根本只是收回成本及對AM嫂的心機一份尊重  AM 嫂本身亦有份正職並非等錢開飯, 只是志在做啲好嘢益吓圍內朋友 , 朋友喜歡而大家用得開心為宗旨 。有時 AM 嫂會將手工梘捐去義賣 , 根本唔係志在賺錢 , 所以AM 以 “愛心之梘 – 梘愛 Luv Soap” 作為 Logo  就係咁解。

AM Blog 從來有好嘢就會分享 , 雖然今次介紹的是自己太太做的東西好像有點利益衝突。 老實講我整個過程我無乜點參與 , 只係作為背後支持者及用家的角度去看整件事 , 我自己無試過或不好用的話我亦不會介紹俾朋友。 我覺得賣花讚花香倒不如由 Facebook 中的用家留言讚賞來得有說服力。 

大家有興趣不妨在 Facebook中尋找 LuvSoap 就可看到以上圖為 Profile Picture 的專頁。 若有任何查詢訂購可直接在 Facebook留言或 email到。luv_soap@yahoo.com.hk  。

若沒有 Facebook 的朋友可真接在我 Blog 中用私人留言留下email address 或查詢及訂購。

大家想學的話可報讀工聯會的興趣班 , 學了基本工就會知道做這個手工梘不是易事 , 亦會明白它的功用及好處。

 

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s