攝影中拍攝小動物及小朋友是最難搞的 , 因為小動物及小朋友都不會像 Model 一樣任你擺佈 , 擺定姿勢等你影 。 很多時你千方百計佢去東 , 他偏跟你作對 (同你玩) 走去西 , 佢哋亦都唔會俾面你 , 加上隨時扭吓計或搞吓對抗 , 分分俾佢玩番轉頭 , 令你哭笑不得。
我喜歡影人 , 但影小朋友就一定要合我眼緣的我才會出手。 當我在 FB第一次見到這個小朋友時 , 我已經同自己講我一定要影佢 , 因為她實在太太太可愛了。
近日拐子佬盛行 , 小朋友與我非親非顧三唔識七點解要俾我影? 這實在又幾唐突!! 唯有托朋友探路靜心等待。 這天從朋友口中得知小朋友會出現在某攝影活動 , 於是無逐自薦作為助手協助活動。
這個二歲小朋友叫 Tisha B , 她真的太可愛了 , 我一見到佢我的 “父母內分秘”已即時標升 , 整個人已溶化了一半。
Tisha B 活潑好動 , 有用不完的精力 , 她帶鬼馬又多变的表情 , 每一頻一笑一個表情動作都充滿幸福的童真………………
看着她令我想起 ”格格” 的童年 ……………。
所以這輯相我完全以一個父親的感覺去捕捉及拍攝 ……………
小朋友成長得很快 , 有時不知不覺間 , 時間就會 Slip Though Fingers 般過去 …………. 當小朋友長大後可能我們才驚覺 , 在他們童年時流失了太多珍貴的回憶 , 而這些珍貴的回憶只能靠一些舊相片中尋回點滴 ……….
所以我極鼓厲我身边的朋友買部好少少的相機並多為子女拍照 , 因為這些舊照片日後絕對會比黄金更珍貴 ……………..
當 Tisha B 父母看罷這輯相時他們告訴我內心十感动 , 有種想哭的感覺 ………….
可能我真的拍出了 Tisha B 那份天真神韻 ………….
而且更重要的是我為他們一家留下一輯比黃金更珍貴的美麗回憶 …………………..
AM 的品味人生 