桌上新寵 Audio Pro – Addon One

自己一向有一邊工作一邊聽歌的習慣 , 由於自己以前玩開音嚮關係 , 對音嚮組合的音質有一定的要求。由於枱頭工作空間不是很大 , 自己始終喜歡細小的喇叭 , 而且最怕那些牛龜咁大加埋 Sub Woofer 的 Speakers System。

41WQCQPQ92L

所以揀了很久才在市面上眾多牌子中揀了一對 JBL 叫 Duet 型號的 Speaker 仔 , 並在 09 年1月介紹給大家。

以當時四五百蚊來算又用到咁耐都算是超值的一件用品 , 其實 Duet 在當時已算是水尾貨 , 市面上已不容易找到。

我近年來攝影為多已較少逛 Hi Fi 舖 , 電腦廣場那些 Speakers 對我跟本提不起興趣 , 就係咁唔覺唔覺這對 Duet 咁就用咗差不多 3 年了。最近有點身痕想 Upgrade , 但行了很多地方 , 真係聽得入耳而又符合 Budget 及尺寸的真的極之難找。 Duet 的新型號 Duet III 亦試過只能說新不如舊 , 大聲一點就腳軟手振 , 音色始終不及第一代好。

眾裡尋他千百度 , 驀然回首 , 那人卻在 , 燈火闌珊處 ……….在神推鬼拱下某日在銅鑼灣俾我見到它 – Audio Pro Addon One

addon_one

它的尺寸只有: 104x163x 137 mm (WxHxD) 可說是十分嬌小 , 純白而簡約的外型有點 Wall E 的感覺 , 一擰上手頓覺它個子細細但身裁紥實而且頗具份量。它的好處是 Speaker 已內置放大器只須駁上電源及電腦或其他裝置就即時玩得 , 可說是十分易搞。就算駁 Ipod , Iphone 都是用一條隨 Speaker 附送的線就搞掂 , 我敢講一定靚聲過很多大牌子奇形怪狀的音嚮配件。它另有Wifi 配件可接駁玩無線傳輸 , 但我始終覺得無乜必要。

Addon-Six-White-Back-01

Addon One 不算是新款 , 現在 Update 的是 Addon Two , 分別在Addon Two 有搖控 , 操控叫做方便一點。 Addon One 平一點少一樣東西壞 , 以半部 Iphone 的價錢玩佢三五年計落唔算貴。

買 Speaker 樣靚無用要聽聲收貨 , 當日我在試音室試音不消十分鍾就義無反悔束手就擒。無他 , 新開箱 Speaker 未煲熟 , 但表現已令我感到驚訝。雖然音質未去到發燒友要求的高音清、中音準、人聲甜、低音勁的地步。但中高音清遠通透有層次 , 低音濃厚而不沉重 , 開大聲一點亦絕無脚軟手震。咁細 Size 的 Speaker 能做到接近一般靚聲 Book Shelf Speaker 的音質已算是極之難得。真係有佢咁好聲無佢咁抽得 , 有佢咁靚聲無佢咁細 Size , 有佢咁Size 又未必係咁價錢。加上簡簡單單 Plug & Play 的接駁, 用來駁電腦 iTune 播歌已是卓卓有餘。我一向揀東西非常理性一向以質素為先 , 玩 HiFi 一條線都貴過佢 , 唔使諗即時磅水鬆人。