人年紀大了就開始注重身體健康 , 前排自己覺得胃部有點不適 , 走去看醫生老友 。 

醫生老友診斷後健議我不如順便做一做腸胃鏡檢查 , 一來自己年紀有返咁上下 , 大腸癌或結腸癌 , 是香港癌病的第二殺手 , 唔怕一萬那怕萬一 , 無事無幹好哋哋 , 就算有乜唔妥都可病向淺中醫。 加上自已有保險可 Cover 又有假期 。

醫生朋友又是腸胃專科 , 解釋得好清楚整個檢查過程 , 無痛亦無風險 , 檢查期間順手做埋瘜肉一了百了 , 十年內都可放心 , 左計右計都好應該做。

好多人都會畏疾忌醫 , 心諗拖得就拖 , 或鴕鳥政策致之不理佢 , 有事先算。 自己成日飲飲食食 , 高脂低纖 , 都唔知副偈有無隱疾。心諗預防及早期發現是控制及治療腸癌的關鍵 , 考慮一吓就安排好在前幾天入院作檢查 。

整個過程十分順利 , 因為會做監測麻醉 , 檢查過程我就好似瞓咗覺一樣 , 一啲都唔覺辛苦 , 完事後瞓醒就可走人 , 香港醫療服務真係無得頂。

Touch Wood 講句一切都正常 , 只是胃部有少許發炎 , 那食藥可以了 , 總算安心晒。