AM 嫂戀上手工皂

AM 嫂自上年報讀一些 DIY 美容手工梘課程後 , 就迷上了這玩意。

手工梘在台灣其實發展得好成熟及流行 , 花款多而且變化極多 , 有的靚到像一件工藝品 , 並非單是一件肥皂咁簡單。 基本上在香港所見的書藉及用具對AM 嫂已沒什麼吸引 , 她已發燒到在網上斷搜羅有關的書藉、原材料、模具、器皿 , 甚至在 Youtube 上摷料觀摸外國人的做法 , 非常投入 , 甚至連帶格格都上埋癮  …………….

 

難得她有興趣又不是三分鐘熱度 , 我當然默默支持。 今年六月去台灣旅行之外亦順道去專門店幫她買了一大堆書藉及用具回來大興土木。

 

AM 嫂每次做梘就好似玩生化實驗咁 , 帶晒眼、手套、袖套、圍裙及保護衣 , 基本上會用晒全屋啲煲、橕、兜、杯 , 佔用整個廚房及飯廳一天非常大陣仗。 單是每次完事清場洗返淨啲煲煲橕橕及地方都要 2 hrs , 差不多等同擺圍酒席咁大件事。  

所以AM 嫂為怕我 “眼寃頭痕都喜歡趁我外出拍攝活動時才在家中搞其大製作 , 不愁寂寞。

DIY 梘的好處是用天然材料造 , 其實材料很簡單都是一般橄欖油 , 棕呂油 , 少量香精油 , 食用色素 , 沒有太多化學物及防腐劑。

DSCN0874

AM 嫂將不同天然原材料依份量與不同香精香油混和調配 , 左溝右溝 , 一層一層咁做 , 再配以不同天然色素顏料拉出不同花紋 , 工序繁複時間控制亦十分巧究。

DSCN0859

唔講大家可能以為是件蛋糕 ……

不要以為就咁就攪掂 , 梘由液態慢慢凝固變成固體後就要進行脫模、切件、修飾及風乾等程序。

每種梘都有不同特性 , 有些梘不用等太久就可以用 ; 有些則要在陰涼地方風乾一個月才能使用。 別人風乾火腿 , 我則在家中風乾番梘。 

初期產品當然無咁精緻 , 而我們自己一家就做其白老鼠去一一試用。


無可否認最初自己都無乜信心
, 但用落又真係幾滋潤 , 皮膚又真係滑好多甚至比一些品牌沖涼液還要好。  老實講我自己好怕用一些沖涼液 , 洗完之後仲係滑潺潺 , 有種好似未洗淨的感覺 ,  AM 嫂的梘揸上身好滑而且冲吓就淨晒 , 個身好爽而且又滋潤 , 感覺不錯。 而且夏天有夏天的清爽配方 , 冬天就有滋潤配方 , 真係連 Baby Oil 都可以慳番。
 

自己用了幾個月又真係 OK 又全無副作用才夠膽將啲梘分俾啲親戚朋友試用。

朋友試用後啲反應都十分不錯
, 有些朋友話好用過一些幾百蚊的洗面奶 , 又或者市面上一些名牌梘 ……….. 。 當然這可能是客氣話 , 不過真係有朋友用完後問我再攞及想買 , 而且開始有供不應求及預訂情況出現。

難得自家作品受歡迎及欣賞 AM 嫂當然十分開心 , 亦增强信心及動力 , 花紋變化亦越來越多及複雜。

 

完成後 AM 嫂還好有心機將每件梘包裝好 , Print 埋 Label , 材料工效及使用日期 , 裝作精美到真係擰去賣都得。(AM 嫂早前亦做了過百件俾慈善團體義賣。)


當然
AM 嫂視這手工為消閒興趣打發時間 。 她喜歡無苟無速無壓力下自由創作 , 做得靚就自己開心 , 做得醜就攞個經驗。 她不想簡單問題複雜化 , 所以不會開班教人更不會將興趣變成一門生意 , 這些梘只會作為小禮物送給好朋友 。

當大家有機會見到我這個飲酒佬或影相佬怱然變做 “派梘佬” 時 , 就知道這件梘是 AM 嫂的一件 “誠意之作” 就可以了。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s