兩年前我第一次看見朋友用如此手法去影煙花感覺上創新又特別。 細問之下知道了大概 , 但自己一直沒有恆心將這概念實行 。 因為每當我諗起人山人海的海旁 , 又或者早 4 – 5 小時前去尖東海旁霸位 , 又或者一支公去影 (連廁所都去唔到) 的話真係乜興趣都自動熄滅。
今年難得有幾位影友咁好興致約埋一齊 , 時間又夾到咁正 , 正好將這影法概念落實。
我相信但凡影過煙花的人都明白拍攝時手忙腳亂的情況 , 基本上當煙花一開始發放就亂晒大籠倒瀉籮蟹。 什麼時候按快門 ? 快門要開多久? 光圈快門點去配合煙花的光度令相片不至 Over & Under? 如何構圖? 現場環境突變? (因為你會發覺突然前面好多人會雙手舉起相機拍攝 , 無形中前景會多咗好多不想要的東西等一大串問題 ………
回想上次在豪宅凱旋門影國慶煙花已是 2009 年的事 , 當時我在 Blog 中亦分享過我用什麼 Setting , 今次我基本上會用同樣的 Setting , 所以不再重復。
今次用的只是 D300 加一支 18-200mm 天涯鏡 , 當然唔少得支穩定的腳架及快門線。 Filters , 黑咭全部無用。
一切就諸煙花 Show 一開始的頭幾張先影幾張正常的 , 唔好心急先 Fine Tune 吓的 Setting。搞好個構圖 Fine Tune 之後開始嚟料玩變奏 ……….
人哋 DJ 玩 “捽碟” 我就玩 “捽鏡”。
海膽
辣椒
牡丹
海葵
海葵珊瑚
榴槤
珊瑚
菠籮釘
紫貝天葵
皇帝花
海葵
煙花菊
太陽花
向日葵
海膽
煙花菊
浦公英
基本上影果時唔會睇直到影完回家 Upload 去大電腦細看令我驚歎!!! (這輯可說是我一輯經典煙花照) 終於俾我練成這種變奏拍法 , 而且命中率有成八成半真的好高 ,張張效果都唔同 , 心情真的興奮莫明。
我在 Facebook 中分享數張相片友人當然勁 Like 大讚並要求分享秘技。有咁好嘢 AM 當然不會收埋 , 反正若非朋友提點我亦不可能影到這輯相 , 加上這 Little Trick 又不是什麼天外飛仙絕招殺着 , 而且煙花放咗咁多年睇都睇到悶 , Why Not For A Change!
http://www.flickr.com/photos/amoksf108/sets/72157627674746823/
技巧解說 :
今次玩的特別效果我稱之為栘” Out – In – Focus” 簡單即由 Out Focus 轉到 Focus 。
詳細一點就是當快門打開一刻將鏡頭由 Out Focus 手動轉到無限遠 , 轉完就關上快門。 咁煙花的移動光點就會由球形的散景一路收細變成一點 , 形成一個好像花瓣般的美麗圖案。 掉轉來先 In 後 Out 得唔得?? 無話唔得視乎你要乜效果 , 上圖是Out – In – Focus ; 下圖是 In – Out – Focus , 大家自己決定。
原理就係咁簡單但實行起來就有少許要注意。
- 大家可能無發覺煙花由射出、爆開、完結有其頻律 (為方便解說我先假定這頻律為 1 秒)。 若每張相只影一個煙花 Pattern 的話 , 快門 Set 在 1 秒就最穩陣 (我怕麻煩所以不會用 B 制)。只要 Catch 到這個節奏你就唔會無晒籠。
- 決定了快門之後就調整光圈及 ISO 影幾張試試 , Make Sure 個背景光度令你滿意 。 切記大家是影煙花不是影夜景 , 煙花爆發的光一定强過任何霓虹燈光幾倍 , 所以背景千萬不要太光 , 我一般都是Under 2 級光圈作為基礎。 到時再視乎煙花的明暗效果再即時調整光圈大少去控制。 調控盡量 Set 好 , 如無必要就唔搞佢 , 咁你才可專心捕捉煙花的 Pattern。
- 基本 Setting 決定後就要先行練習 Out –In-Focus 這套動作 , 要決定用那隻手負責按快門線? 用那隻手負責控制 Focus Ring對焦環? 對焦環要轉動多少 , 轉動快慢 , 點轉法 ……….. 因為每部機及鏡的設計都有分別 , 一切動作要簡單及順手 , 切記所有動作都要在1 秒內完成。
- 至於煙花上到边個位才按快門 , 點去 Out-In-Focus 咁就要靠自己手眼協調及臨場反應執生了。
整個竅妙就係咁 , 希望大家下次有機會試吓!!
AM 的品味人生 