基會難德演唱會隨拍

b1

上週末原本報名參加了 丹霞山小東江 拍攝之旅 ,  但因為工作上出現突發事情要處理 , 自己要臨時取消行程。(男兒以事業為重這也無法 , 自己拋得個身出嚟做 , 有啲嘢真係要硬食)。 無得影相心情當然有些抑悶 , 但上天總有安排。

b2

AM 嫂很喜歡張祟基張祟德 , 一知道他們有演唱會就即時撲飛捧場 , 最初因為與我小東江拍攝之旅撞期所以無預我 , 這刻知道我行程取消 , 那段時間又已搞掂工作 , 一個人無所事事 , 立即揾我幫佢影 Concert 。可能真係整定竟然咁好彩即日仲買到同一場同一行的路口位俾我。天意如此我當然欣然效勞 , 一於帶齊長鏡出動。


演唱會在九展舉行 , 九展個場不算大 , 我們坐第 20 行 , 位置不算太差離台都有段距離 , 到埗後二話不說即時試鏡 , D700 + 70 – 200m , 300mm , + 1.4 extension 叫做啱啱好 , (太近只影到大頭的距離反而無乜意思)。 在場頗多工作人員走位無望 , 叠埋心水坐定定作定點拍攝。

拍攝這類演唱會由於燈光變化好大 , 我基本上全程以 Manual Mode 配合三種測光模式為基礎拍攝 , Setting 為開盡光圈 , 快門不能低於1/125s (因用長鏡快門其實最好有1/200s) , ISO 提高到1000-2000 之間 , 用日光白平衡拍攝 演唱會成三個鐘咁長時間 , 一定要用支單腳承托着 , 一來可以借力否則影完手都跛 , 二來快門可以拖慢少少 , ISO唔使去咁高影嚮成像。

 

演唱會除了主角外有時亦要捕捉吓一些現場光影氣氛

中場時兩兄弟走到中間的小舞台獻唱 , 叫做可以影到幾張近照。

當晚最開心的當然是 AM , 見到偶像之餘我亦幫佢近距離影到張路人甲般的 Fans , 當然仲有成輯相俾佢作留念 , 我亦叫做交到功課。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s