隱世私房七月聚 , 平靚精品極難求

寫咗幾篇有關攝影的東西 , 又要做回酒評人寫一些有趣的酒款。

近日美元受壓 , 通漲升温 , 最低工資 ,物業租金越級跳 , 種種因素令物價以温水煮蛙的方式在不知不覺間連續上升。就連最普通的茶餐廳 , 一個人每餐最 Basic 都閒閒地都要五六十 , 但人工又唔見加銀紙真的越來越唔見洗。對於葡萄酒愛嗜者亦感到這生活情趣帶來的壓力 , 閒逛酒舖有時要買一支質素較好啲葡萄酒以前三幾百的現在差不多要六七百 , 食一頓美味而豐富的 Wine Dinner動不動要成千蚊落樓 , 愛酒人士要揾平靚正酒款或地方聚腳食飯真的難上加難。

今次我所介紹的東西絕對是 “逆市奇芭” 極難得的平靚正之選 , 點好法大家睇完就知。一如以往慣例先講葡萄酒 , 後講食物。

Thibault Liger Belair Bourgogne Les Grands Chaillons 2006

這酒是 “長老”所選 , 只是一支唔使$300 的 Bourgogne。一般來說大家不會對 Bourgogne 有太高期望 , 開出來好飲就好飲 , 唔好飲就唔好飲非常直接。而令我嗟異的是“長老” 竟將支酒 Decant 5 小時 (不是原瓶唞氣) 才供我們品嘗。 “長老” 對葡萄酒的鑑賞及功力尤在我 AM 之上 , 他所做的我絕對不會懷疑。

落杯時 Red Fruit , 櫻桃 , Spice , 野紅玫瑰…….. 酒香甜美芬芳怡人。呷一口酒體柔順而有細緻的元素 , 舒服易飲 , 單寧柔順 , 難得的是竟有不俗的骨架及平衡性 , 餘韻亦有淡淡的果酸而非一般 Bourgogne 的粗糙感。一支 Bourgogne 經 Decant 5小時後有如此優雅表現 , 老實講若玩 Blind Tasting 我一定會以為它是支 Pre Cru。

當然這支 Bourgogne 的缺點就是支酒做得較為緊閉 , 老實講你唞唔夠支酒飲落去真的死實實 , 好 “蝦人” 玩, 而且邊個會估到它要 Decant 5 小時才盛放? 要帶出街食飯真係晨早開原瓶唞氣 12小時到夜晚飲就啱啱好。

當然一分錢一分貨 , 總不能期望一支平價 Bourgogne 能俾到你複雜變化、層次及悠長味覺享受 , 能有此表現是極難得。長老飲過同莊的較高級村酒 , 始終覺得這支 Bourgogne 以其香氣及酒味表現 , 再加上咁嘅價錢真的是物超所值。大家可能未必買到 2006 這年份 , 不用擔心咁就買 2008 吧 , 反正支酒最好能 Bottle Aged 3 – 5 年才好飲 , 今日買下年 2012 飲啱啱好。

酒莊資料

http://www.thibaultligerbelair.com/tlb.php?langue=en

Wine Supplier : Rare & Fine Wine

http://www.rarenfinewines.com.hk/www/index.asp

Maison Lou Dumont 天地人 Meursault 2007

天地人在我 Blog 中經常出現 , 我相信我不用太多介紹。這支 2007 年 Meursault 色澤出奇有 Aged Wine 的金黃而且頗 Rich。香氣先是牛油、白花、西柚、青檸、輕輕薄荷 ; 入口酒體濃郁柔像 Creamy 般幼滑 , 强勁果酸被濃郁的酒體溶滙着变得柔中帶酸 , 加上 Merusault 的礦物感 , 三樣元素互相平衡而展現一種層次感而且充滿活力 , 餘韻是 Juice 般的 Fine Acidity。

這支 Meursault 單獨飲你會感受到它的高貴及優雅 , 但要展現到它的真正潛力及精彩之處最好用它來佐膳之用。尤其是夏天配上一些煮法較清恬的海鮮 (魚生 , 生蠔除外) , 你會覺酒中的果味突然倍增例如多了菠蘿、水蜜桃、芝士、青蘋果……由於 Body , 酸度及礦物感足夠襯菜真十分容易 , 可說是變化萬千 , 遇强越强的一支佳釀。

Wine Supplier : Rare & Fine Wine

http://www.rarenfinewines.com.hk/www/index.asp

今次酒聚的地方叫 Chef at Home 於尖沙咀隣近 The One 的一所樓上私房菜 , 外表同一般住家一樣無門牌無指示 , 十分低調。六月時朋友帶我試過一次 , 發覺菜式做極之不錯 (味道甚至好過一些知明食坊) , 酒具齊全 , 價錢合理 , 好啱酒聚之用。這晚 AM的 Wine Group 一行 18人將整個私房菜包了下來。大廚 Chris為我們精心設計了一個 Menu , 一眾酒友食到耳仔郁郁讚不絕口 , 食咁多嘢每位都只係 $3xx。如此配套若仲有投訴真係會俾人話喪心病狂。