弱年明珠 – Domaine A&H Sigaut Chambolle Musigny 1er Cru Les Sentiers VV 2007

e1

酒友問我 “ AM 你是否戒了酒? 為何成個月都唔見你寫酒評?” 
哈哈 , 我無寫酒評不等於我無品酒 , 這段日子忙於上堂及活動 (攝影及健身) , 加上格格回港渡暑假家庭活動又多了 , 工作上要趕一些 Projects …………. Schedule 排得密密麻麻 。又因很多品酒活动因為撞期不能出席 , 能夠 Keep 住 Update 個 Blog 已算是很難得了。

近排雖然飲少咗但都有啲好嘢 , 印像最深的可說是這次分享的一支Domaine Anne et Herve Sigaut Chambolle Musigny 1er Cru Les Sentiers VV 2007。 這支酒特別之處在於她有別於一般 Chambolle Musigny 那種温婉嬌柔 , 反而十分巴辣及有個性。

e2

酒色如紅寶石般通透 , 初落杯至小時 , 杯中傳來的並非甜美的花香、果香 , 反而是薄荷、甘草、辣椒 ……….  甜果、黑櫻桃、紫羅蘭花香隨後散放 , 香氣表現頗為熱情 , 但非新世界酒那種汹湧澎湃但絕非我預期中那種清幽柔弱感覺。  我當時的反應是立即看一看酒標 Make Sure 我無攞錯支 Morey St Denis………..

初嚐一口 , 酒味濃郁 , 內容結實頗具結構 , 質感柔軟如棉 , 酸度流暢 , 單寧在不高 , 餘韻帶果酸及明顯的 Mineral 感覺 。 這支酒感覺上 “三分不覊一點狂

開瓶 2 – 3小時 , 這支酒算是完全 Ready to drink。  香氣綿密柔和頗具深度 , 除了之前所述的味道外 Sweet Spice 的感覺更強 。  這時酒味中出現有更多的細節及層次 , 果味、酸度、單寧、礦物感都表現得十分細緻平衡。 

這支酒水準確實不俗 , 她有 Morey St Denis 那種野性的 Spicy , 少許 Bonnes Mares 那種濃厚及有如荊棘玫瑰的單寧骨感 , 少許 Chambolle Musigny 的甜美温婉 , 一支酒就具三個性格  , 酒味元素表現平衡 , 而老樹葡萄的礦物感及酸度細節亦能充份顯現 。

以 2007 一個弱年來說整體表現巳算是極之不錯。 當然缺點就是她不像一支 Chambolle Musigny 不夠嬌柔及太有過性, 亦由於是弱年酒味旅程較短 , 持久力亦不算長 , 餘韻中亦出現了一弱年常見的水淡現像。所以這酒千萬不能 Decant 寧讓酒在杯中開放 , 最原瓶唞氣 1小時一路飲至 3 – 4 小時表現會最好。

e3

睇番資料 : Les Sentiers 這條村十分接近 Morey St Denis 及 Bonnes Mares , 難怪出現如此 Wine Style。而2007 年的 Burgundy 因為潮濕和暖的三月及頗熱的四月加速了葡萄的生長節奏 , 令葡萄的成熟期推前到八月初比 2003 那年還要早 。 這種轉變令葡萄生長過快而來不及 Develop豐厚細節。 而到了五月至八月這段期間經常持續不斷的雨水 , 令葡萄的水份較多而味道變得較淡 (解釋了餘韻水淡的原因) 這種情況若持續下去真的可以說玩完 , 酒莊能夠做的只有向上天譸告。 夏天的高温多雲的天氣令葡萄開始成熟 , 但多雲而缺乏日照卻令葡萄是焗熟而非自然光合作用那種成熟 (所以酒味的薄荷味較多 ) , 直至八月尾才出現的乾爽及好天氣 , 這才使 2007 得力挽狂瀾不至成為 20 年之中最 ”Disaster” 的一個年份。

葡萄酒講求天、地、人 , 當好年份人人都瞌埋眼可以釀出好酒的時候 , 根本顯不出釀酒師的功架。 從另一個角度去睇弱年對葡萄園莊主及釀酒師來講絕對是很考功夫的一年。 他們怎樣去克服大自然的挑戰? 他們會否忠實地反映當年的情況定運用掩眼法胡渾過關呢?

老實講我試過一些同年大廠出品的 Chambolle Musigny , 好多都係果味不足 , 木桶太重 , 頭重尾輕。這支 Domaine Anne et Herve Sigaut Chambolle Musigny 1er Cru Les Sentiers VV 酒體濃密酒味酒質細節俱佳 , 完全唔似弱年那種水汪汪 , 淡茂茂及腳軟軟的感覺 。莊主夫婦Anne & Hervé 根據 lunar calendar 的曆法時間打理葡萄園 , 而且盡量以不干預順其自然的方法去做酒 , 所以忠實地反映土地風格及當年獨有的天氣個性 , 可以說一句 “難得真誠 , 貴乎自然”

以真正飲家來說弱年絕對是尋寶的好日子 , 一來年份唔好無人會炒 , 價錢一定較平 , 二來啲酒一般可以 Early Drinking 唔使等咁耐 , 三來易服侍唔使搞六七個鍾先有得飲 , 四來又可睇吓 Wine Maker 手底真功夫。所以真正飲家會是 “飲弱年 , 存靚年”。

如此弱年能釀到支咁嘅酒巳算是收貨有餘 , 這支酒的絕對是一粒 Hidden Gem不容怱視。 以今時今日咁嘅通漲情況 , 我用 $6xx 一個村級酒的價錢 , 買到 1er Cru, 仲要係田級又有老樹葡萄VV  …………你仲想要乜?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s