迷霧幻彩青馬橋

上年七月跟馮 Sir 去影青馬橋 , 行程雖然辛苦但玩得很開心 , 今年馮 Sir 又再搞這活動 , 心郁郁明知 “行山苦再向苦山行” , 又玩多一次。這次參加人數再創新高有成 170 又是一次記錄認真虛陷 , 而且仲多咗好多新面孔師弟妹 , 多啲人享受攝影的樂趣 , 真是件好事。

上年經驗整段路有一小段落引水道的較為難行 , 上次我扶了過百影友上落 , 扶完後真係手都軟埋 , 未開始影相就消耗我一半體力。有了上次經驗今次學精了 , 我特別準備幾條大繩與幾位影友預先出發並在難行位置 Set 繩作扶手 , 咁大隊人馬上落有位借力就輕鬆得多了。

但凡户外攝影天氣最關鍵 , 上年天氣好熱但天色雲彩真係靚到絕。 http://hk.myblog.yahoo.com/amoksf108/article?mid=23971 今年雖然同樣天晴但卻帶點煙霞有點灰矇 , 天上靚雲欠奉 , 就像 Blog 頭第一張咁 , 色彩好淡。天氣嘅嘢真係無計 , 反正攝影人心裡早就明白謀事在人成事在天的道理 , 一切平常心對待總之有乜影乜。

這次只帶了支 20mm 超廣高鏡 , 一支魚眼 , 一 Set Filters 加埋腳架就係咁多。

經四月台灣一役我巳練成一套玩 Filters 的手法 , 我會用最細光圈、最細ISO及慢快門長時間曝光 , 並將 3 – 5 塊 Filters 叠住一齊玩 , 一路長曝一边心算並抽 Filters , 影友見我玩 Filter 手勢像玩啤牌魔術一樣 , 都冠以 “魔術手” 的稱號。

這套 Filter 法特別之處就是 Filter 顏色不會成 Pet 覆蓋畫面咁生硬 , 而是色彩好自然咁Blend-In 就像 Photoshop 般一樣。而我可以影完就在相機 LCD中即時見到效果 , 非常之過癮。