女像拍攝小貼士

大家一定有以下經驗 , 幫女性朋友或家人拍攝後被投訴影到佢包包面 , 雙頰扒 …….. 令友人不快 。 當然每個人相貌都有其特質 ,  究竟一些拍攝人像的高手面對不同輪廓 , 他們會如何運用鏡頭及手法去遷就呢?  有何竅妙呢?  今日作一個少少分享。

q1

我們一般以 50mm 至 105mm 這焦段作為人像鏡 , 取其鏡頭變形情況較廣角鏡小。 拍攝大頭人像留意入鏡位 , 因為入鏡位的高低直接影嚮 Model 的面形輪廓 。 我們假設在Model 的鼻尖劃一個 “ 十” 字 。若入鏡對正 “ 十” 上中央位置 , Model 就會表現得最正常。 

 

q2

若將入鏡位略為向上變成在 “ 十” 字之上半部份 , Model 的頭輕輕抬高向上望面頰就會因角度而變尖。

q3

倒過來若入鏡位在 字之下半部份從一個略低角度抵抄 , Model 的面頰就會變得較圓。

q4

若 Model 面型較方或包包面 就切勿以 “正中” 位入鏡 。

q5

若將入鏡位略為向上感覺就會好一點。

q6

入鏡位再高一啲加側少少感覺又舒服啲。

q7

這次以 Model 的側面入鏡 , 感覺都 OK 但 Model 的下顎骨就會變得好突出 , 若果將頭髮放在另一邊又或都用手上的小花摭一摭下顎與耳仔之間位置 , 咁就會好好多。

q8

上圖情況若揾頭紗摭一摭感覺又唔同晒。

同一 Model 只要改變少少入鏡位的高低就已經完全唔同睇法 。當然若懂得運用燈光陰影亦能營做肥瘦效果 , 這方面的技巧較為專業 , 不能紙上談兵 , 要學最好是上堂實習。

q9

另一個小貼士就是眼神光 , 眼睛是靈魂之窗 , 眼神光令人覺得有神彩及好像有千言萬語般 , (女士千萬別載黑色的大眼仔拍攝 , 因為會吸晒所有眼神光) , 所以拍攝人像時要盡量營做眼神光。 眼晴像一面小小的鏡子有反射光線作用 , 在户外拍攝時可利用環境光線或反光板 , 而在室內或影樓就要運用燈光技巧去營做。不要低估這眼神光的營做 , 往往這些細節會令妳的相片 “劃龍點睛”

q10

另一貼士是女士最迷人的除了相貌外 , 就是她的膊頭 , 所以女士有個骨肉均稱的靚膊头的話一定唔好收埋佢 。

q11

人像拍攝着重於 “姿體語言上的個性表達 ” 並不是”衣着上的性感”。反而是攝影人的感性而令她性感!!

q12

所以大家千祈唔好以為人像易影 , 要影得好影得靚真係好大學問。