聖節格格提早了回港渡假 , 幸運地避過了英國的大風雪及機場大混亂。 就趁聖幾天假期與 AM 嫂及格格過大海觀看大型奇藝表演水舞間 。水舞間是近期必睇大 Show , 有朋友觀賞過後大讚精彩 。

更慶幸的是表演場內可供拍攝 , 只是禁止使用閃光燈這一條限制 。 如此精彩表演又適逢剛 Upgrade 相機 , 當然要趁此機會小試牛刀。

主辦單位咁老定容許拍攝 , 其實真係俾你任影都未必影到。

現場燈光變幻不定 , 加上表演藝人連場動作 , 場面之大 , 速度及變化之快 , 莫講話拍攝跟本連睇都睇唔切。

老實講這些動態拍攝就算是日光日白俾你影都未必影到 , 更何况要在燈光幻變的場境中 。

在黑暗中對焦測光、陷阱對焦、運用追焦、控制光圈快門組合、拍攝、修正、重複 ………………最初真係有啲倒瀉籮蟹 。幸好自己對相機的性能操控較熟 , 可立即見招拆招 , 但今次拍攝對人的反應同相機的性能都是一個考驗。

我坐的位置在中段 , 全程我只用一機一鏡 D700 + AF-S 70-200mm f2.8 拍攝。

面對如此幻變場影 , 相機的測光系统會完全被呃晒 , 不知所措 , 若用 A Mode 光圈先決自動的話 , 相機為求正確曝光值 , 快門會拖得好慢及將 ISO 自動提升到好高ISO 2500 。

所以我全程用了 Manual Mode , 同一環境下 ISO 可以回落到 800 – 1250。

其實 Manual Mode 一啲都唔難用 。首先轉 Manual Mode  及用中央重點 / 全幅測光 。

用在觀景器的底部見到一條刻有( + .. 0….- ) 的測光錶指針線 , 轉動光圈 , 快門數值直至支針指向 “0”  這就是這個環境的正常曝光值 。 加一級光圈就減一級快門 , 如此類推以維持這個 “0” 組合。

再將正常曝光值調減1/3 EV  至略為 Under, 利用這數據為基礎。在這情況就用盡支鏡的 2.8 光圈 ,  而我只須微調快門及 ISO 這兩項數值去維持這個基礎咁去影就掂 。

不論場景怎變化 , 一於以小變應萬變 , 唔使次次重新測光 。大家可以參巧我在相片中的數值就知箇中用法 , 一啲都唔難。

 

為求有更大的快門彈性去捕捉动態 , 我少有地用上 ISO 1200 – 2500 , 這樣我就可以用上 1/15 – 1/200s 的快門。 高 ISO 就自然多 Noise 唯有用Raw 方便事後 Touch Up 補救。

要用這 Setting 才能拍到想要的影像 , 這是我多次拍攝大型舞台表演的經驗。 

靜態的拍輯發揮了 Full Frame 極細緻畫質的表現。

 

一到幾幕如韆鞦跳水及花式電單車表演就用了陷阱對焦及高速連拍去捕捉。所謂陷阱對焦法就是預計主體會經過的路線等候 , 等目標一入對焦範圍就追焦連拍。花式電單車的連環動作就是最好的陷阱對焦練習 , 那像連環圖的動作一一捕捉 。

 Yahoo Blog 相片容量有限最好去我 Flickr 相簿中用 Slide 功能觀賞。

大家可能會話睇完晒啲相唔使去睇 , 我覺得剛剛相反 , 大家睇完相之後更加想去睇 , 老實講我自己都想再睇多次。

不過睇完呢輯相那本一舊水的場刊大家就真係可以慳番 , 因為我應該影得多及靚過佢。