AM 居住中西區山頂是自己耐不耐就會去行大運的地方 , 今次影會活動原本都無打算出席 , 但碰啱當日 AM 嫂同格格都有節目 , 心諗橫掂一支公要 Home Alone 倒不如出動去影吓相亦見吓班影友。

今次活動例牌又有成百人參加十分熱鬧 , 當日天公做美港島區一帶天朗氣清 , 藍天薄雲 , 能見度高影大景十分理想。 所經的山徑有樹摭陰 , 微風送爽一啲都唔覺辛苦。  由於我哋人多勢眾又早到 , 基乎全條路的靚位俾我哋攞晒。

時間尚早太陽還未下只係隨便影吓熱熱身。

今次裝備同上次去白泥一樣 , 簡簡單單只帶兩支鏡 18-200mm 加多支魚眼 , 影呢類相我覺得這配搭已 Good Enough , 當然不能缺少一些 Filters , 腳架、快門線。

夕陽西下時份我就開始行動。

影日落我要用了不同度數 ND2 , ND4, ND8 的減光片, 漸變黄及藍 , 我會將幾片 Filters 重疊使用。

由於是逆光 , 光線透過幾層 Filter 再加上天涯鏡本身的光學反射 , 出了這個有趣的圓形光暈鬼影效果 。

同樣方法俾身邊影友試玩竟然出唔番同樣效果 , 當然每支鏡的鏡片組合及 Coating 都不同 , 有些因素未必能複製出來 , 自己誤打誤撞又玩出這個有趣的結果。

據一些前輩講以前一些舊鏡的 Coating 因為無現代啲咁靚 , 在逆光中產生鏡內折射 而出現一些鬼影 , 但現時興復古 , 只要控制得好 , 其實又有另一種味道。

很喜歡這盞燈位加天色的佈局 , 若有一對男女拖着手行過加個斜斜的身影咁就 Very Good 啦。

日落西山自然要影吓這些漸變光譜 , 有時為了增加氣氛 , 亦要用上不同(ND2 , ND4, ND8 , 漸變灰等) 的減光 Filters。

同一張相一張用了 HDR 效果的西九 , 對比下色彩燦爛很有大都會感覺。

喜歡Magic Hour的天色明暗漸變效果。

影夜景就用吓鎢絲燈或光管營做冷暖色的效果。

這張相同樣是加了 HDR 效果

Magic Hour 過了就影 一兩 張夜景無甚特別就收檔歸家。

這輯相並沒有白泥那輯咁有氣氛 , 只是一個活動記錄。

http://www.flickr.com/photos/amoksf108/sets/72157624601614187/