白泥 , 夕陽 , 漁火

q1

朋友在 FB 留言並推介了油麻地攝影學會這拍攝活動

白泥自己上年去過一次 , 知道此地日落景優美但交通不便。 今次有影會帶隊專車接送 , 又加插漁火及 Model 擺拍 , 價錢又平 , 種種因素都極為吸引。自己雖然不是這個影會的會員 , 又無朋友在內可以說三唔識七 , 但反正拍攝從來是個人創作 , 無乜所謂而且當日又無節目於是就單拖報名參加。

當天到達集合地點才知整個活動有成 120 人要分五部Van 仔。 主持人何應文老師連同其他工作人員合力安排及打點 , 何老師穿梭於五輛車之間 , 左左右右跑上跑落忙得团团轉。

人齊就依時出發 , 人多難控制是預料中事 , 帶頭的一輛車到達時竟然落早咗一個站其他車亦馬首是瞻跟隨 , 大伙兒唔知頭唔知路跟埋落車及後何老師尾車到來才知蝦碌咗 , 而且唔係好熟路十分迷惘。  好彩小弟上年來過認得條路 , 即時協助何 Sir 引領大隊影友去拍攝地點。

 

q3q4

Sir 則帶領工作人員 Set Up 道具 , 準傋入夜後漁火拍攝。

q5

天色仍然太光這些場景我喜歡玩吓 Filters 配搭不同 White Balance去增加氣氛。

AM 此行目的是影漁火對影女 Model 興趣不大 , 反而走去影吓啲現場實景及人物。

q6q7

呢張影到有少少耶蘇光 , 漁夫好拍醜全程做低首梟雄 …….

q9q8

影 Model 無乜特別 , 大會就找了一男影友客串與女 Model 合作拍攝一些有趣的動作畫面。

白泥是公眾地方會有好多路人甲出現 , 拍攝時就左避右避才影到張較 Clean 的背景。

q20

時候差不多就點火 , 天色越暗就越美 …….

q13q14

相中人並非真正漁夫而是工作人員所以只能以剪影形式出鏡。若用剪影方法表達的話要留意主體的手腳要合理地展示 , 不要出現斷手情況。採用低角度令水平線不至割頸亦利用水面倒影反射天上及太陽的顏色。

q16

天上的雲就像一個問號。

q17

現場過百影友用高中低三層攞位拍攝的虛陷情况 ………

q19q18

用魚眼鏡將淺灘上有如月球表面那種凹凸不平的質感加以突

 

q21

漁火梗係要影吓啲火 , 影火要用較快的快門才能捕捉到火的無定動態及線條…..

拍攝完畢 , Sir 踢低火盤弄熄啲火準備收檔 , 此情此景豈可放過 ……….

大伙在 1930 hrs 離開 , 雖然無影 Magic Hour 但基本上目標已達 , 心滿意足亦知道今次一定有貨交。

今次第一次參加這影會拍攝活動 , 見主持人何 Sir 一個人统領過百人 , 全程用導遊咪指揮講解及調動十分盡責及辛苦 , 但無奈工作人員未能配合 , 整體感覺有點蝦碌及鬆散。 眼見如此 AM 在一些位置多口提供了一些意見協助安排 , 喜獲接納。 事後何 Sir 十分感激主動親近 , 並且即時繳請 AM 入其攝影會做其義工搞活動云云 ………….第一次見面接觸何 Sir 就如此器重 AM受龐若驚 , AM心中明白自己工作繁重興趣又多 , 現時一心巳幾用連瞓覺都幾乎唔夠時間 , 加上做慣閒雲野鶴 , 最怕什麼會務纏身 , 而且個會在九龍區並不就腳 , 所以暫且婉拒了好意只答應做個普通會員便算了。

今次拍攝記錄

l        器材 : 一機兩鏡 AFS 18-200mm 再加一支 10.5mm 魚眼鏡基本上殺晒。因唔係影人像所以大光圈及閃燈可免。

l        今次拍攝重點在於氣氛” , 所以 Setting用了: 全幅測光 , 細光圈 , ISO , EV , 令相片長期 Under。 再配合自訂白平衡刻意地將相片調到偏冷的藍色調 , 做成了這輯相這種特別風格 , (反正相中人用剪影去表達 , 膚色就算因 WB變到藍晒都無所謂)。

l        在太陽未落山時Colour Filters 當然不能少。

l        腳架有帶但全程手持無用過 , 因要浸濕泥關係腳架腳一這要帶套。

l        當然拖鞋短袂就方便好多 , 而且有啲泥地會好軟及跣 , 一個唔小心跣低就會真係會變成泥鴨 , 機鏡亦會報廢 , 所以行動要份外小心及唔好走得太開。

馮 Sir 有教拍攝這類風影相要留意水平線 , 出來啲相水平千祈唔好斜晒 。而另一方面水平線不要在一張相的中間做成天一半地一半的構圖。加上襯托背影較黑 , 人的剪影不要與背景重疊 ; 剪影的主體手腳要明顯 , 唔好俾人砍咗咁無咗…………自己都不斷提點自己不要犯 , 但天一半地一半的壞習慣依然難改。

揀了一些較有 Feel 的相放在相薄中

http://www.flickr.com/photos/amoksf108/sets/72157624558594855/

雙比上年去白泥影的真係差得很 …

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s