青馬霞彩

青馬霞彩

在網上經常看到一些師兄影青馬大橋的黃昏及日落 Magic Hour 美得像 Post Card一樣令人心醉。

自學習攝影以來都知道要影一張靚相一定要付出很大代價 , 而我亦知道要影這好角度絕非一般交通能直達的觀景台可輕易到達的地方。這段路最好有識徒老馬帶路否則好大機會迷路荒山。

這次難得馮 Sir 搞影青馬橋黄昏拍攝活動真是正中下懷 , 由於這類活動好睇天時 , 香港藍天白雲的日子亦越來越少 , 天氣不穩又或者密雲下雨真係俾你影到都唔靚 , 所以一切好睇彩數。

由於要睇天氣預測所以拍攝日子遲遲未能確定 , 但一確定日子在短短幾日間就巳有130 人參加 , 馮 Sir 號招力真係驚人。

多重曝光

出發前幾日收到活動詳細資料及留意事項 , 當中提到 “要着行山鞋 , 而從青衣自然徑入口至拍攝點大約步行30 至45 分鐘 ………… 要帶強力電筒以備回程時要摸黑穿越樹叢 …………….因部份路線會穿越樹叢，建議穿長褲，帶背囊式相機袋方便行動 ………………..。”再加上酷熱天氣 AM 心中巳知這次旅程應絕不輕鬆。

b10

Photoshop CS5 HDR (High Dynamic Range) 後期製作效果

不出所料由集合地點到拍攝地點要行 45分鐘山路 , 大部份是自然教育徑的石板路再加一兩段山路及引水道 , 山路崎嶇加上要入草叢及擒高擒低 , 回程要摸黑用電筒落山。對於平時行慣山的朋友並無難度 , 但對一些平時運動量不多 , 怕曬行街多行山少的朋友來講就真的頗吃力。整個過程最辛苦的是天氣酷熱 , 加上沉重的器材及腳架 , 汗流浹背 , 若不小心進行真係好易中暑。 (當天我大概流了一公升的汗水 , 大家真的要帶備足夠水才好出發)。大家切勿掉以輕心要以戰鬥格心態作準備 , 更不要膽粗粗單獨行事 , 最好伙同有經驗的影友一同前往互相照應較為安全。

全團 130 人其實都幾難照顧 , 幸好馮 Sir有一群工作人員及一眾熱心團友互相照顧幫助 , 全程慢慢走 , 終於到達拍攝的目的地。

這條引水道坐擁 180’C 無敵景觀 , 地方又夠大又夠濶又有欄杆好安全而且位又多 , 就算我們有成 130 人都唔使擔心無位影。心諗真係無介紹錯 , 加上天朗氣清一定有貨交 , 真係辛苦都好值得。

美麗彩霞

到達後時間尚早太陽還未下山 , 大把時間 Set 機休息到夠先影。

今次拍攝器材盡量輕便 , 一機一腳唔使講 , 鏡頭有咁 Wide 帶咁 Wide 我以一支 AFS 18 -200mm 天涯鏡作主力 , 再加一支 12 – 24mm 超廣角鏡及一支輕便的魚眼鏡三支鏡玩晒。

拍攝這類大景會用細光圈長時間曝光 , 一支穩定腳架比一支大光圈鏡更有用。除此之外一些 Colour Filters , 漸變灰 Filters 及 Shutter 繩基本上走唔甩。

相機 Setting 非常簡單 , 全幅測光 , Manual Mode , 收細光圈 F11 – F22 , 慢快門 , ISO200 , 減少少 EV , 日光白平衡 , 鏡頭用手動對焦無限遠 , 熄埋鏡頭防震就一定無走雞。若光差太大可利用漸變灰 Filters, 減光鏡及不同顏色 Filters 加強色彩效果。