2010 全港健美錦標賽

g1

上年幫魔鬼教練在健美比賽中影了一輯相 , 承蒙不棄及錯愛魔鬼教練將這些肉照列為個人經典寫真集廣泛與友人分享甚至做埋生招牌 。 今年健身會長出戰健美比賽 , 魔鬼教練大力協助之餘仲一早 Book 定我叫連同大隻佬幫佢個會長影相

今次仲幫我哋攞埋 Working Pass 可入埋後台週圍影 , 有上次的經驗加上如此難得練習機會當然唔會放過。

當然人哋既然俾得個 Pass 我咁我一定要有所交待及有貨交 , 起碼要影嘅嘢一定要影到 , 作品要寫實唔可以太多花巧。 而這類記錄性拍攝不同拍攝 Model , 環境有好大局限性 , 不是隨便可發揮的。

g2

比賽在 六月六日 進行 , 我由 1 pm 左右就到達並在預賽時就開始拍攝 , 除了中段由 3:30 – 5 pm 休息時間去下午茶外基本上連晚飯都無食 , 不停係咁影影到 11 pm。 真係影到眼都矇埋頸梗膊痛 , 揸機隻手軟晒及手指隱隱作痛 , 一日巳如此辛苦呢行飯真係唔易食。

大家會問佢哋揸啲乜令到身體咁古銅色 , 其實係一啲類似打野戰果類油彩 , 而要揸太陽油咁全身揸晒仲要唔好揸到一撻撻 , 而呢啲油好易甩 , 甩到週圍都係所以更衣室內牆身全部包上一層保鮮紙。

影這些相是要有記錄性一定要交待到現場環境及時空場合 , 另一方面要有些局部特寫 , 所以今次只用了兩支鏡 AFS 17 – 55mm 再加支 70 – 200mm 去完成任務 , 當然若有魚眼鏡或 Super Wide 會有更多玩法。

上次坐定一個位影所以可用單腳去輔助 , 今次四圍走所以用唔到唯有用人肉 VR (防震) 去影。大家若坐觀眾席影除了長鏡外就最好帶支單腳否則會好累。

相機 Setting 用了 Auto White Balance , 點測光 , Av 光圈先決自動或 M Mode , ISO 800 – 1000 由於參賽者身上塗滿色彩基本上全身都係咁顏色 ,  好多時啲現場光會在身上做成反光而失去某些細節 , 所以啲相最好 Under 少少減 0.3 – 0.7 EV

另外我發覺有啲相我用了追焦及快拍功能 , 追得太快測光會跟唔上所以有啲相出來效果有點 Over , 改善之法可運用 AE Lock Lock 住測光位置再追焦咁就可以修正 , 甚至將追焦敏感度減慢少少。

今次拍攝其實可以用 M Mode 但我要走來走去怕自己大懞唔記得調返會抄起晒其他相 , 所以都係用Av 光圈先決自動穩陣。

如果影 Jepg 就要留意個 White Balance , 我試過用 Auto White Balance 出來啲相好黄 , 我要用 Preset 去 Set 啱 White Balance 先好影否則事後就算有得執啲色都唔會好自然。 為保萬無一失及最佳效果最好影 Raw , 始終在電腦轉換比相機中轉換出嚟啲效果會好好多。

健身不是一朝一夕的事無十年八載功力不會有什麼 “好型勢” , 所以今次比賽的參加者好多上年都有參加 , 熟口熟面之餘來來去去都係果幾個 , 不同的只是比賽時的狀態吧了。 當然有啲連大隻佬都大隻過佢的“普通貨色” , 有時一拍埋強弱好懸殊真係無得揮 , 賽果完全可以預測。

 

下午的預賽啲參賽者較嚴肅認真 , 基本上可說是正式比賽 , 一眾評判分組睇完都心中有數晚上的比賽表演成份較多 , 有大批觀眾及 Fans 坐陣支持參賽者 , 有少少像演唱會一樣氣氛亦較佳。

晚上亦增加了自由環節俾參賽者配合自選音樂運功舞動 , 又可在指定動作之後加推集體自由比拼。

參賽者有啲好有型但同樣有啲好頂癮 , 見佢哋谷到青筋暴現 , 面容扭曲真係戥佢辛苦 ………. 有時台下觀眾見佢咁辛苦唔多客氣咁爆句啜核回應有時真係好鬼好笑。

不過大家若想睇俊男美女就真係睇港男港姐甚至模好過 , 因為大家會好失望。 所有參賽者為求突出肌肉紋理 , 比賽前一段時間會戒澱粉質及少水令身體內的水份收乾 , 這樣個人就縮水一樣會面都凹理 , 就算平時點型仔都走晒樣。

而女參賽者有啲肌肉真係勁過啲男人睇見都有啲怕。 我自己都有做 Gym 明白到要玩到佢哋咁勁要好堅忍及犧牲好大 , 健美呢樣嘢好睇個人需要 , 你要我練到佢哋咁真係多多錢都咪搞我。

g14

全場最好睇而又最型的都算係呢位龜仙人兼火雲邪神咁嘅呀伯 , 連攞幾個組別冠軍 , 非常厲害……….

g16

女子組就更加唔使講大熱勝出 ………

 

健美就像臭豆腐一樣 , 鐘意嘅人會好鐘意睇到流晒口水 , 唔鐘意嘅人會覺得核突兼怕怕 , 但好奇心驅使下又會一邊話怕怕又一邊不停咁睇上年果輯相亦是眾多相集中 Hit Rate 最高的一輯。今年有些女性朋友一聽我話去影健身比賽就好似外母見女婿一樣 …….. 心諗原來自己身邊好多隱藏的 “睇肉家”  , 所以我就算我預先警告及聲明不喜勿進都係嘥氣 , 大家繼續用自己的眼光尺度欣賞吧。
Blog 只可放 20 張相 , 這些都是我揀過晒一些比較上温和的 , 但不難感到現場那份張力 ,  我亦揀了 300 張放上網上相簿 , 嗜此道者唔夠喉可以去看個飽 ………….

http://www.flickr.com/photos/amoksf108/sets/72157624104075095/

(要睇最佳效果大家可用 Flickr 中的 Slide Show 功能 , 放大成個 Mon 咁睇 , 如果你用靚 Mon 就會見到啲細節同立體感)  

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s