生態夜影心得分享

r1

睇完上篇的照田雞相可能心郁郁都想跟住玩 , 這篇分享一吓一些要注意的地方 ……….

首先要準備一些用品:

  1. 電筒 – 這個照明工具是必需的 , 市面上有 LED , Incandescent 白熾燈 , Hybrids , HID ….五花八門的電筒太多選擇 。我個人健議的是大家最好有一支 LED 頭燈及一支 Incandescent 白熾燈 。原因是 LED 比較慳電 , 一般可以捱到一晚 , 而最好用 LED 頭燈是因為載在頭上一來輕便 , 二來可以滕空對手來影相 。 LED 的缺點是光較散 , 射程較短及帶藍青色 用來照明可以但用來作主拍攝的要光源不太理想。 這些缺點正是 Incandescent 白熾燈的優點 , 其實白熾燈就是市面上早十年好流行的 MagLite 那種粗大電筒 , 這類電筒射程遠 , 燈頭可調整焦距 , 成聚光或泛光 , 色温帶黃又夠光用來作拍攝的主要光源十分理想 。 點解要兩支? 平時Led 用作照路而 MagLite 用作搜尋獵物 。 電器既嘢話唔埋有兩支電筒死咗一支仲有一支 , 跌咗一支都唔使摸黑。 大隻佬為咗今次拍攝就買咗支成尺長的 Maglite , 亦因為呢支勁嘢先可玩足成晚 。http://www.maglite.com/productline.asp
  2. 現在啲電筒光咁強 , 莫講話動物人都頂唔順會短暫失明 , 所以大家夠用就算唔使買支咁強光的 , 而且唔好用來射人。用來作主光源時電筒不要放得太近目標 , 否則會太光。
  3. 後備電 – 拍攝夜行可能玩四五個鐘 , 而且啲電越用越弱 , 唔夠光俾你見到隻好正的獵物你都影唔到 , 所以一定要帶後備電。
  4. 蚊怕水 – 這個唔使多講 , 你唔用一定變豬頭。
  5. 女士千萬不要揸香水 , 有香味的化裝品或潤膚露 , 因啲香味會勁吸引昆蟲來揾妳 。
  6. 長袖衫衭 – 多一層保護始終好啲
  7. 帽 – 夜嘛嘛載乜嘢帽? 這個當然唔係防曬 , 你行過樹林好多時兜口兜面碰到蜘蛛網 , 咁你都唔想隻蜘蛛走入你的頭髮度吖 。
  8. 行山棍 – 這個健議大家使用 , 因為一來可以撥開啲嘢唔使自己落手 , 加上晚上可能遇見蛇 這個可以檔一件武器傍身。
  9. 水 – 天氣熱出汗多要補充水份 , 不妨買多少少。飲用之餘有時可用來洗手。

攝影器材方面:

  1. 鏡头 今次我用了兩支鏡 – AF60mm Micro F2.8 , AFS 70-200 F2.8 我覺得都好夠用 。 支 60mm 微距可供你近距離影一些小昆蟲或移動慢的小生物 ; 70-200 俾你影一些不容你走近的生物。
  2. Micro 鏡因為景深好淺 , 好易 Out Focus 而且相機唔知你要边一點做焦點 , 所以最好調至手動對焦 , 用蟲的眼晴做對焦點 。可以的話調細少少光圈到 F4 – 5.6 攞多少少景深。 要隻昆蟲清最好從側面影 , 同相機的 CCD 平衡 , 咁就可以影清成隻昆蟲。
  3. 60mm Micro 可以去到好近 , 有時走得太近目標會走 , 又可能有危險。 相對地你話有支 105mm Micro 以焦距來講當然適合 , 但焦距越長手持的穩定性亦要相應提高 , 日間拍攝夠光問題不大 , 晚上光線不足就好大問題。兩者有利有弊好難話邊支好 , 當然這種情况下大光圈的定焦鏡會對拍攝有極大幫助。
  4. 腳架 – 你無機會用所以可以不帶 , 最多帶支單腳一來當行山棍用 , 二來有需要時托一托借借力。
  5. 閃光燈 – 一般的閃光燈因光線太強 , 射程遠不適合用 , 除非是用來專影微距的環形閃燈又作別論。 我覺得那些微距環形閃燈唔好用 , 一來加重鏡头負擔更加手持的穩定性 , 二來太多嘢要 Set , Set 得嚟隻蟲仔都唔知去咗邊 , 我以前又一支環形閃燈最後都賣咗。 可以講成晚要靠支強力電筒食糊 , 所以要揾支勁嘅就係咁解。
  6. 相機 Setting – 用點測光 , 手動對焦 , 用連拍模式 , 可用光圈先決自動或用全手動 , ISO 1000 , 日光 White Balance , 因為夠黑 Ev補償不太需要。

其他要注意的地方:

  1. 點解啲蛙蛙被光一照會唔都 , 因為蛙蛙是夜晚出來活動的 , 牠們的眼睛瞳孔習慣微細光線 , 所以一遇强光瞳孔收縮為一條線而且會做成短暫失明 , 所以蛙蛙被強光照射就好像被人點穴咁不會動 , 除非受到危險威脅才會奔走 , 這就是俗語所謂照田雞。
  2. 至放昆蟲 大家唔使走入樹林去揾 , 秘訣是去找郊野公園路傍那些看似樹木的爛杆。 點解??? 其實這條爛杆不論是鐵、木、混凝土都是昆蟲的高速公路 , 昆蟲喜歡利用這條 Highway 由一處去另一處 , 亦因為咁所以好多昆蟲殺手亦在這裹獵食 , 大家只要用心守候必有收獲。
  3. 另一個昆蟲集結的地方是 Toilet , 由於 Toilet 有光、有水、有異味 ………每每吸引到一些小昆蟲 , 而大昆蟲亦因為這些小昆蟲食物鍊而存在 。不過大家要小心 , 你試想吓有個人攞住相機在厠所外徘迴你會點諗?? 佢話影蟲你信唔信? 費事惹人誤會大家自己衡量一吓啦。
  4. 一年四季中冬天太凍會無嘢影外 , 每年由驚蛪過後天氣回暖就是影蟲的季節 , 而要影蛙蛙交配就最好揀驚蛪到端午前這段時間 , 天氣潮濕翳焗 『谷』落雨的晚上就最佳。影樹蛙就要知道牠們的生活習性。http://hk.knowledge.yahoo.com/question/question?qid=7007101701536
  5. 夜晚的樹林充滿危險 , 當你見到獵物時不要心急即時撲上前影 , 要小心望望四週草叢中 , 樹枝上有無其他潛在危險 – 蛇 。肯定自身安全才行埋去影相。
  6. 人的視力在晚上會較弱這時就要利用聽覺協助 , 假若無風無浪而聽到草叢中有物件快速移動的聲音就要當心。而有蛙的地方就一定有蛇 , 我哋當晚就見到幾條蛇 , 有啲仲有手指咁粗三四呎長 , 你都咪話唔驚。
  7. 去夜影生態最好有 4 – 6 個人同去 , 集體行動唔好走失 , 而且一啲人影一啲則負責留意吓四週環境 , 一有異動就要响 Alarm 互相照顧及走為上着。
  8. 影生態我覺得最簡單係去郊野公園 , 一來近二來安全三來物種豐富真係可以影餐飽。 但大家影還影要顧及公德及尊重大自然 , 不要為了拍攝而破壞環境甚至殘害一些小昆蟲或生物。拍攝留個記錄及 Good Memory 好了。

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s