夜嘛嘛影蛙蛙

r2

上星期大隻佬同我講佢見別人玩夜攝生態覺得好有興趣問我想唔想一齊玩? 心諗都好喎橫掂自己都未影過 , 反正手痕想影相又有個伴 , 於是便應承一齊計劃吓點去玩。

大隻佬一心想影樹蛙佢問邊度會有? 我答佢旺角魚街最多! 成個郊野公園咁大隻樹蛙咁細我點知佢住响邊? 影生態好玩之處係你唔知會見到乜好大機會食白果 , 而且每種動物有牠的特性 , 要知道生物的特性才能找到牠們。

對於蛙蛙我都好有經驗因我住的地方附近有個水池 , 每逢天氣潮濕翳焗梅雨天 , 啲蟾蜍就會湧到池邊咯咯大叫求偶交配再跳入水中產卵 ………. 而這幾天亦正是這種天氣現像 , 所以只要去郊野公園向有水的地方進後 , 聽到牠們的叫聲就循聲而找就一定找到。

今次生態夜影的地點是大埔松仔梧園 , 雖是效野公園而非荒山野嶺 , 但始終郊外地方日間同夜間是兩回事。晚上的郊外是昆蟲動物的天地 , 什麼蛇虫鼠蟻都會在這時出來活動及覓食 , 所以除了是一個拍攝時機外亦同樣要考慮一連串的安全及裝備問題 , 這個容後再談。

這晚我同大隻佬加埋一對男女四個人就夜嘛嘛去闖山 “照田雞”去。

有些昆蟲長相核突自己見到都毛管恫 , 為免影嚮情緒所以索性完全不影 。

r3

一行四人進入漆黑的郊野公園 , 只靠電筒及星光引路  , 循蛙聲前進去到一處山溪傍邊尋找蛙踪時就發現了一條筷子般的小蛇 , 確定自身安全後就用長鏡離遠咁影………..

r4

在夜間當然有温馴無乜殺傷力的蝸牛

r5

又揾到細到粒芝麻咁嘅緣色蜘蛛

r6

當然唔少得空中殺手大蜘蛛

r7

這隻在昆蟲高速公路前進的不知名小蟲 , 有點像巴西嘉年華穿着白色森巴舞的昆蟲

r8

循聲走到池塘邊見到很多蛙蛙 ………

r9

叫得最大聲的是這些醜陋的蟾蜍 ……….

r10

一隻不怕人的樹蜥 ……….

r11

一隻甲蟲

r12及不知名的昆蟲 ……….

但揾咗成晚始終影唔到滿意的樹蛙 , 無計 , 電筒的電力遂漸下降 , 唔覺唔覺亦影咗四個鐘 , 大家都影得七七八八唯有回程 ………………
r16

皇天不負有心人 , 在回程的路上從返遇見小蛇的水池及小溪 , 終於俾我哋塭到有樹蛙 ………..

r18

而且唔止一隻 , 大家即時猜神一振 , 瞓身都要影到夠 ………… 影完一輪突然有一對交配中的樹蛙從遠處水池遊過來自動送上門 , 真是上天的一番好意! 大家終於唔使食白果 …………..

r20

看見牠們陶醉的冧樣 , 真的十分 Sweet ….

成輯相大家慢慢睇 , 下篇再講點影 …………..

http://www.flickr.com/photos/amoksf108/sets/72157624111392314/

譚公廟會隨影

a1

這個佛長假期原本可出团去梅州影土樓 , 但撞正有事要辦加上下星期 VinExpo 唔想搞到自己咁殘晒及頻撲所以都係留香港渡假。

這個五月都算熱鬧先有 6/5 元朗十八鄉天后誕會景巡遊 , 21/5 筲箕灣有譚公廟會 , 又撞正長洲太平清礁 搶包山 , 真係不愁無嘢影 。
但話雖如此這些巡遊都總離不開舞龍舞獅 , 鈴鈐查查 , 來來去去一個模樣 , 對外國人可能幾吸引但對自己來說吸引力只屬一般。加上人多天氣悶熱影這些活動真係會好辛苦。
尤其是太平清礁搶包山 , AM 有一些因工作關係迫住要影的攝影朋友 , 次次聽到要影這類活動都說苦不堪言 , 影完想死果隻 , 千叮萬囑叫我唔好攞苦嚟呻。
這天原本一如以往無打算出動 , 但因一個电話的誤會加上自己手痕 , 終於落咗筲箕灣影咗一陣譚公廟會。
節目及現場環境不出所料 , 人不算太多起碼比大坑舞火龍果次少 , 自己都可以走落場近距離影吓。既來之則安之 , 就係咁兒影吓作個記錄。
舞龍舞獅大家由細睇到大都係咁舞 , 加上好多路人甲乙丙 , 背景又係街景雜亂又無乜特別 , 只好用慢快門 , 搖鏡 , Pan 鏡手法去捕捉动感 。工作人員多 , 傍觀者多 , 影友多地方有限要影張乾淨的相十分不易 , 有時太迫想攞位真係好似乞兒一樣 ………….
天氣又熱汗流浹背無乜心機 , 加上晚上有局想保留實力 , 影咗一陣早早收場。

a8

臨走見到個 『型』伯好有味道 , 偷影幾張作額外收獲。

少少影集留個記錄:

http://www.flickr.com/photos/amoksf108/sets/72157624111354866/