修習攝影一段時間經常有影友問我用什麼軟件去執相或管理相片的問題。
我自己由開始用 DC 到現在影 DSLR 都有用軟件執相。 以前唔識影影得又差好多時要靠軟件補救 , 所以自己都用過好多不同的 Software。 由原廠的到專業的都有用過 , 什麼 Capture NX, Viewer NX, Corel Draw, ACDSee ………但用咗咁多年覺得最終極的只有兩個 Software – Adobe 系列出品的 LightRoom 及 Photoshop。
LightRoom 同 Photoshop 係兩種不同用途的軟件 , LightRoom 其實是 Photoshop 分支出來專門用來執相用的簡化版。 它有齊 Photoshop 的所有色彩引擎及強大功能 , 若純以執相來說基本上好夠用 , 而且 LightRoom 的設計版面好易睇 , 所有要用的功能基本在一個版面處可以找到 , 加上易上手及簡便 , 對硬件要求不高又無咁大食 , 尢其用來處理大量相片真的方便快捷好多。最重要的是就算唔係好叻電腦的朋友自己玩吓玩吓都好快學曉及上手。
當然我無可能在 Blog 處將成本書咁厚的功能一一介紹 , 不過我介紹過幾位影友用佢哋都拍晒手話無得頂!!!
當中我欣賞的優點有:
1. 當你插張記憶咭入電腦時 , 程式就會自動啓動並將幫你將相片 By Date 分類 , 你可依照你所選擇全部、局部、幾時影的儲存到指定位置 , 而且同時可儲去兩個地方一個做原檔 , 一個做 Backup 。
2. 不論 N 記 , C 記 , P 記 , S 記任何牌子相機影的 Raw LightRoom 一個 Software 都可以開晒 , 唔使用原廠軟件轉來轉去咁煩。 而且一有新相機出即時有 Update 俾你。
3. 在過相之同時亦可加入任何備註如 “日本之旅 2010” 分不同日子 Folder 存放揾相好方便。 它的 Sorting List 好像 Apple iTune 咁 Details , 可以分埋邊部機 , 边支鏡影。當你日子有功有過萬張相時 , 你只要 Search 如 “日本” 兩字 , 佢就幫你摷晒出來好快找到你要的相片。
4. 入相時會開晒所有相俾你睇唔使遂張重覆 Open , Close , Save 程序 , 當你有幾百張相時你就知佢幫你慳幾多時間。
5. 一邊睇相一邊可做埋揀相 , 只要用幾個 Key (P, X, U, 1 , 2 , 3 , 4 , 5) 就可以將相分類為 Pick, Delete, Unselect 1- 5 粒星 , 方便之後 Sort 相。
6. 執相的功能強勁 , 什麼光暗、反差、推高按低、執疤、鏡头黑角、變形要乜有乜 , 直呈套用了是 Photoshop 的面版 , 就算專業攝影師都一定夠用。
7. 假若你執完一張而往後十張廿張都想套用同樣 Setting , 只須用 Copy & Paste 功能就得 , 唔使張張重覆極之方便。
8. 當你做完一輪大龍鳳但唔鐘意 , 只要一按 Reset 就俾返個 Original 你 , 唔會蓋過個 Original 。而且清楚記下你所有改動動作 , 响边個位可隨時 Chip In。 系统會將整個流程記錄及保存 , 就算幾關機過幾年開返都可以繼續及還原。
9. 搞完晒選取一些精選才一次過 Export 出去 , 可自訂不同 Size 及解像度 , 又可以加水印及畫框 。有網上相薄如 Flickr 的可以一按直上 Flickr , 一條龍服務方便快捷。
10. 若有玩 GPS Geo tag 就更方便 , 一入相已有晒經緯度資料 , 按一個制程式就會自動帶你去 Google Map 並且列埋座標俾你 , 真係愛死這個功能。
LightRoom 現在市面買的是 V2.0家用版約 $880。 而新版 V3.0 會好快出 , 大家可上去 Download 個無限期試玩版用吓 Feel 吓啱玩先買。
http://labs.adobe.com/technologies/lightroom3/
唔識用可去 Adobe TV Learning Centre去睇以下短片 , 甚至跟住做http://tv.adobe.com/watch/what-s-new-in-lightroom-3-beta/whats-new-in-lightroom-3-beta-part-1/
http://tv.adobe.com/watch/what-s-new-in-lightroom-3-beta/whats-new-in-lightroom-3-beta-part-2/
http://tv.adobe.com/watch/what-s-new-in-lightroom-3-beta/whats-new-in-lightroom-3-beta-part-3/
http://tv.adobe.com/watch/what-s-new-in-lightroom-3-beta/whats-new-in-lightroom-3-beta-2/
Frequent Ask Questions:
Print Module in Lightroom
http://tv.adobe.com/watch/the-complete-picture-with-julieanne-kost/print-module-in-lightroom/
當然 LightRoom 亦不是萬能 , 若你要將相中物品由左边搬去右边 ,甚至好似上圖咁抹去不留痕又或者玩移花接木偷天換日這些特別處理 , 就非要 Photoshop 莫屬。
Photoshop 是一套非常強勁的 Software 要學晒真係無 50 – 60 個鍾唔使諗 , Photoshop 的强頂是針對設計層面的東西 , 真係可以做到無中生有 , 但相對地步驟較多而且好多功能未必會用到。
這兩張相上面一張是原相 , 下面一張是經加工潤飾過的 , 大家可以看出分別有多大。
若純以執相來說個人覺得會較煩複不容易上手 , 若對電腦不太熟識的朋友會感到幾吃力。而若要玩得好又唔想刨本字典咁厚嘅書就真係最好上吓堂。
雖然我玩咗 Photoshop 好耐都係睇書自學 , 老實講我現在都上緊堂 。 上堂的好處是慳時間 , 可以針對攝影要用的功能去學 , 而且解釋清楚邊種做法效果最好直接好多。
而自己上堂的目的就是 80 / 20 中所講既然成日都要用點解唔花點時間學好佢的心態。
當然我影相不想作假 , 但我有些時間無得返轉头而你又失手咁起碼你識得救相 。而且我有時亦要因應特別要求幫朋友執靚靚 , 人工美白, 修修身做啲人工修飾作特別用途 , 甚至原本無要加埋自己落幅团體相度呢啲特別要求 …………..
Photoshop 現在剛出 CS5 教育版價錢略貴約 $2500 , 網上亦有 30天試用大家亦可以試吓 比較一吓。
https://www.adobe.com/cfusion/tdrc/index.cfm?product=photoshop
簡單歸納兩套軟件:
LightRoom – 價錢平 , 用作執相己足夠有餘 , 相對 Photoshop 來講易用 , 能無師自通 , 相片管理功能強勁。
Photoshop – 較貴 , 可做很多特別效果 , 適合做創作及設計方面 , 執相功能更強 , 可玩移花接木無中生有 , 可加入及删除相片中任何物品 , 做同一樣效果有幾種不同方法個個效果有些不同 , 較難無師自通要玩得叻一定要上堂。
我希望大家尊重知識產權使用正版 , Adobe 好聰明佢知道用非正版會 Disable 你 , 就算剷咗裝返都知除非你連 Window 都剷埋。
其他軟件:
l Mac機中的 iPhoto都好好用 , 而Aperture是 iPhoto的專業版 , 其功能與 LightRoom好相近。
l Photo Element是最簡化版的 Photoshop , 功能是最簡單最 Basic , 以 $5xx的價錢我不如買 LightRoom。
順帶一提電腦硬件方面若要玩得爽行得順 Window 機最好行 Window 7 64 Bit , Core i5 四核心, 4 – 8GB Ram , 1 GB 獨立 Display Card , 兩個 Hard Disks 咁就可以用盡晒軟硬件的威力 。
Mac 機方面只須配新版本 64 bit 的 Software 加上夠 Ram 就得。 當軟硬件一配合我只能用一個 “爽” 字來形容。
以上純個人感覺並非什麼專業測試只供參考 , 大家要因應自己需要作選擇。
AM 的品味人生 