AM 的影友時常問我啲影相 Schedule ? 其實我影相好即興 , 有朋友叫到有主題的就會出動 , 好難話有乜 Schedule , 不過未來幾個月份倒有幾個有趣主題會去影吓。

巳 Schedule 的:

A) 香港花展 19 – 28 March http://www.lcsd.gov.hk/green/hkfs/2010/b5/index.php

呢個項目我相信唔使多講 , 不過一定會人山人海 , 有時太多人、太迫、背景雜亂反而無乜心情去影 , 加上自己都影過幾年 , 所以落塲熱誠只是一般 , 不過若有影友想揾我練習我都會落場玩吓。

B) 梅窩水燈天燈節 26 – 29 March

http://www.hungshingfestival.com.hk/

這個較為新的節日慶典睇落好似幾吸引 , 當然不期望好似台灣平溪放天燈咁大型 , 但除天燈外都有幾多野好影 , 巳Book 埋酒店 , 約定幾個影友一齊去玩吓。

C) 四月復活節假期會跟馮 Sir去 廣西影龍勝梯田、漓江晨曦漁火、陽朔風光。

http://www.alexfungmy.com/Activity%20review/KwongSaiApr10/KwongSaiApr10.html

自己兩年前都打算去影梯田 , 但當時苦無 “攝伴”  一個人去贑居居家人又唔放心 , 今次有呀 Sir 帶隊而去的地方有梯田、有漁火 , 有小數民族拍攝題材會好豐富 , 加上價錢平 , 攞晒行街紙 , 唔去真係對自己唔住。

D) 六月頭全港公開健身比賽 , 上年幫魔鬼教練影完一輯靚相後效果令一眾 “睇肉界” 男女口水長流 , 今年魔鬼教練雖無參賽但會揾我去幫佢健身會攞正 Pass 影相 , 今次又有得練習了。

心中有構思但有侍落實的:

甲)  想影一輯以芭蕾舞者為題材的相片 , 運用自然光及多閃光燈手法去表達舞者姿態。(要揾場地及舞者)

乙)  七八月想去東坪洲影日出日落。

丙)  越野 BMX 比賽 。

丁)  武術功夫 , 刀、槍、棍、劍、拳、腳格鬥的动態攝影。

戊)  十月中想去內蒙額濟納旗影金秋 http://www.fotop.net/yoyoiu/erjinaqi

(上年睇完劉八鏡老師的相靚到口水都流晒 , 今年睇吓有無機會夾啱時間揾夠腳去 , 我會跟團而且預咗係艱苦團 , 行程大約類似以下這個 http://www.seagullphoto.com.hk/14102007trips/14102007.html )

大家若有見到有關上述活動資料煩請相告 , 有興趣的朋友亦可以一齊諗吓一齊玩。