Full Frame 的迷思

b44

近排最多人問我的問題是 “幾時 Upgrade 上 Full Frame ?” 

我當然知道 Full Frame 的好處 , 由於感光元件的尺碼比一般 DX 相機的大 , 在同一環境下有更佳的色彩還原及細緻度 , 尤其對陰暗環境的暗位處理更是出色 , 這種優勢無疑對拍攝愛嗜者極之吸引。 

http://www.fotobeginner.com/248/what-is-full-frame/

好多人都知我鏡頭群組齊全 , 但好奇怪我點解我遲遲唔上 Full Frame 我自己都有玩過 D3, D3s, D700 , 但用落始終都係鐘意手上部 D300 , 而且連一部後備機都無 , 原因如下:

1.    Full Frame 機同鏡都較重 , 我每次外影都一機幾鏡 , 又腳又 Filter , 閒閒地成 3 – 4 kg , 而我有時去拍攝的地方仲要係山卡啦 可恨我又無咁富貴請得起助手跟班 (千祈唔好諗揾 AM 嫂同格格幫手 , 因我仲要揹埋佢哋上山 , 而叫佢哋擰佢會推我落山 !! ) , AM 又唔係手瓜起的大隻佬 , 吓吓食自己 , 器材重量及機動性 , 絕對是個非常重要的問題。 

2.    用部重相機 , 你真係要好有恆心同堅持肯帶住佢成日走 , 買部靚機長放防潮箱唔用好嘥料。 而家啲相機轉款咁快 , 新款一出舊款就跌價 , Body 無鏡的保值能力 , 日日睇住個價係咁跌會好傷心。(收藏家另計)

3.    我須然好錫器材 , 但有時搏起命上嚟真係唔到你 , 電子嘢話唔埋 , 用貴機有乜損傷真係會好肉赤。

4.    用得 Full Frame , 對鏡頭的質素一定有要求 , 目前不論相機或鏡頭都仲係貴 , 新鏡支支過萬 , 值唔值就真係見人見志。

5.    不要以為有部 Full Frame 啲相可以直出 , 玩得呢類機其實預咗你要配合埋部電腦及軟件支援成套 System 才能發揮極緻 , 龜速電腦隨時要因相機而要 Upgrade , 整個糸統的 Hidden Cost 及時間係一濶三大。老實講我好享受以前D80 ccd 嘅鮮明色彩 , 唔駛執直出都 OK (反正平時唔駛下下要求咁高) , 亦享受以前亂影亂試果種樂趣….. 上左 Full Frame 我怕好難返轉頭…….

6.    當然世上無完美的組合 , 要找瑕玼一樣有。 幾年前未有 Full Frame , 大家玩 DX 都玩得好開心 , 而且現在的 DX 機巳發展得好成熟 , 某些中級 DX 機的性能等於以前好專業機 , 以影相來說真係好夠用  電子產品呢啲嘢追唔到咁快本來無一物何處惹塵埃” , 自己覺夠用就算。

7.    現今潮流興單反 , 幾乎巳到達了一人一單反的地步。 老實講大部份人都用唔到部相機嘅三成功能 光圈、景深、快門、ISO、測光系統、白平衡、對焦系统都未搞得清及正確掌握 , 與其花幾萬蚊去買器材倒不如實實際際去上吓堂 , 學吓點運用手上部機來得化算。

8.    因為我無後備機 , 有好多朋友都祟擁我用雙系统即 DX + FF 。我以前講過一套叫手錶定理的理論 , 即係話當你有一隻手錶時 , 你會好自然信晒佢 , 不論佢係快定慢 , 但當你有二隻手錶時 , 你不會因為多隻錶而更準確 , 反而會唔知信邊隻錶好! 雙系统看似魚如熊掌 , 但實察上未必 , 可能會多隻香爐多隻鬼令你更煩 , 所以我寧願設法去較準你手上的唯一的一隻手錶更為實際 , 亦因此定理我打消了雙系統的打算 , 都係專心操熟部機先啦。

9.    以前用部機影得唔好總覺得係部機唔好 , 用靚機後後影得唔好就覺得自己技術唔好。 老實講機越靚自己反而有壓力 , 影得唔好覺得對唔住部機 , 對唔住自己 , (終於知道買機唔係送技術啦 ………) , 所以要留返少少位自己 留個下台階。

10.   我好明白 Full Frame 是大勢所趨 , DX 只是過渡產物 , 自己終有一天會上 Full Frame , 但在目前情況下我覺得暫時仲未係時候 , 亦未有這股 Upgrade 衝動。

上述只屬個人愚見及廢噏 , 充滿偏見 , 大家千萬不可作準。 當然各人有自己的心頭好及理由 , 身邊好多朋友都投入了 Full Frame 的行列 , 只要自己用得開心 , 有相出又Enjoy 就得 , 其他一切都無乜所謂。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s