米埔打雀行

d1

上星期一位師兄因要入米埔禁區內做 Job 須要揾個幫手 , 但聲明會幾辛苦 , 我一聽即自告奮勇舉手參加 , 一於掹車去影吓生態

今次隨了要背負自己器材外 , 更要負責一支 600mm 大炮及重型腳架 , 拍攝地點距停車位置頗遠 , 而且途經一條頗長而窄窄的浮橋 , 水波盪漾浮橋搖盪 , 而木橋只得一邊扶手 , 一個唔覺意平衡力差少少跌落水就真係死得。

行了差不多半小時就到了我們的目的地岸边的鳥屋 我們要在鳥屋耐心等候潮漲 , 因為潮漲啲雀就會飛近我們一啲 , 咁可以影到啲生態特寫。鳥屋只是吉屋一間 , 要自帶糧水亦無 Toilet , 所以大家要有心理準備。 我們在那裏由 1100 – 1500 hrs 四小時直到水全漲才離開。

d2

我所用的是 AFS 600mm F4 , 是 N 記的打雀皇牌 , (因為要做 Job 這支鏡是師兄問 Nikon 借的)  , 但凡呢類大炮一定要配用韆鞦架才能夠力承托及運動自如地去追雀。

影生態要自然為求原汁原味 , 今次無用特別技巧 , 只是收細光圈 F8 – F11 取其景深 ,  ISO 400 提供多啲空間俾快門 , 快門由 1/250 – 1/1000 , 日光白平衡 , 減些 EV  ; 當然一定用動態追焦及連環快拍去捕捉

全日只有一段時間雀鳥飛得較近可影到的大特寫 影靜態的雀鳥不難 , 最難是捕捉飛翔中的雀鳥 , 有些飛得太近會影唔晒 , 太遠隻雀又細 , 而且定焦鏡冇得 Zoom , 好難話咁啱 Fit 晒 , 所以全部相都要裁切。 而像素越高畫質越乾淨連拍越快的高階機就越着數。

d3

d6
難得捕捉到白露揾到食物的一刻 ………

d9d8

像連環圖般的海鷗三級跳

野鳥會在淺水區集結 , 數量會越來越多 , 當潮漲時群鳥就會連群飛起移後 , 這時過萬隻雀鳥會同一時間起飛尢如舖天蓋地 , 場面極之震憾壯觀 而全香港亦只有米埔有此數量雀鳥及如此震憾壯觀的場面。

d17
這張相目標與我們的距離足有一個足球埸咁遠。像 Wall Paper 一樣 , 邊個可以數到相中有幾多隻雀???

影完一天雀 , 真的膊頭酸軟週身骨痛 ……………

影生態絕對不是舒服的一件事 ……………..

全輯拙作。

http://www.flickr.com/photos/amoksf108/sets/72157623368394990/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s