第二日天氣仍無好轉早上還有微雨 , 雖然拍攝時無落雨但個天總是灰灰白白 , 令人無乜心機。 這天只有兩個景點 , 寶趣玫瑰世界及錢岡古村。玫瑰園其實是玫瑰農場 , 有好多品種玫瑰 , 只覺這地方太人工化 , 自己對此興趣不大 , 唯有乜都影吓………

用吓多重曝光影吓花 ……….

 

行吓行吓俾我見到的細雀仔, 即時舉機高速快拍實行有殺錯無放過 , 影完先知俾我影到隻义尾太陽鳥 , 真係好好彩。

心想支小黑三雖無超聲波摩打 , 但反應一啲都唔慢 , 咁都俾我粗粗哋打到雀 , 呢支鏡真係 N 記平、靚、正的一支銘鏡。

回程途中去了太平的錢岡古鎮 , 個古鎮啲屋頗為破舊 , 而且無晒人住 , 其實真係一個不錯的取景地方。 只可惜光源太柔和 , 色彩變得太自然欠缺一種氣氛的營做。

 

 

影 Model 影到悶悶哋 , 轉而走去影啲小朋友玩 ………

 

呢位呀伯眼神好憂鬱 , 好似好多心事 ……..

 

呢位九十幾歲呀婆 , 真係百份百應晒“福澤”二字

 

第二天行程拙作:

http://www.flickr.com/photos/amoksf108/sets/72157623188074320/

雖然今次無乜震憾性的大景 , 但仍然很享受這種以拍攝為主題的旅程 , 到處走走看看 , 有得影已是一種樂趣 , 透過鏡頭去看事物 , 從平凡中發掘有趣的角度 , 靜心欣賞 , 其實這世界到處都美 ……………

我的攝影老師知道我有個網誌 , 有時亦寫有関攝影心得及為活動作記錄 , 將我的網址加在他的個人網頁上 , 能得到馮 Sir 青睬排真的令我感到有點受寵若驚 , 不過無論怎樣我對攝影的心態都是不變的。

http://www.alexfungmy.com/Home.html