22 | 十一月 | 2009 | AM 的品味人生

朋友通知這天在大口環香港大學何鴻燊運動場有少年欖球比賽 , 於是便晨早前往拍攝。

AM 並非君子 , 所以並不好”球” , 亦好少坐定定去欣賞一埸球賽 (世界杯除外) , 一講到球星除咗幾位出名之外就真係講唔出。 Rugby 就更加少睇亦唔係好明賽例不過這項運動嘅然能風麾整個世界必定有它魅力所在。反正醉翁之意在酒 , 志在影相所以明唔明白不太重要。

早上九時多到場 , 巳有不同組別進行作賽 , 而場外空地上亦有很多隊伍進行練習。場內除運動員外亦有不少工作人員及家長 , 場面熱鬧而輕鬆 , 加上天氣回暖陽光普照 , 海風輕送 , 大家席地而坐甚至全家大少一齊野餐 , 非常有家庭樂及悠閒舒服。

今次只帶了兩支鏡 AF 80mm -200mm F2.8(LB3) 及 AFS 300mm F4 (俗稱 384) 及一支單腳。而幾乎九成相片都是用 (LB3) 影 , 因為 Zoom 鏡可以好靈活咁調整遠近透視 , 384 因為是 AFS 支鏡有超聲波馬達對焦無疑快過支 LB3 少少 , 但 384 個 Range 就局限了 , 運動員來回咁走好易走出射程而影唔到。

這次我找個半側光的拍攝位置 , 找個顏色鮮艶的隊伍作目標 , 而最好在近底線的邊線位駐扎 , 由於影小朋友關係最好用番小朋友的高度就番 , 所以好多時都半蹲半跪咁影 , 而用支單腳借力可以無咁攰。

當日陽光頗猛 , 原本想用慢快門影動態 , 可惜陽光實在太充足 , 就算收盡光圈 F22 , ISO200 快門都只能去到 1/125 甚至 1/250 ; 若將 ISO 調到 L1.0 去換取較慢快門 , 但相片的動態範圍就會下降亦會流失Details。真真無計 , 除非落塊減光鏡或CPL去減一兩級光 , 但可惜今次冇帶 , 唯有用高速快門去凝固動態或去捕捉運動員的神態為今次拍攝目的。原本影動態要用快門先決自動 , 但由於上述條件基本上用唔用都無乜所謂 , 由於背境雜亂我反而想用光圈先決自動縮窄及柔化個景深。