這日偷得浮生有一天假期 , 相約大隻佬及他朋友一齊出去影生態 , 計劃晨早上先去大埔鳳園影蝶 , 中午再去轉去元朗南生圍打雀。由於天氣突然轉冷而且之前一晚仍下大雨 , 大家心中都不抱太大期望 , 都係果句一切隨緣有吔影吔。

眼蝶

今次在鳳園蝴蝶品種比上次了少一些 , 但班蝶的數量則頗多 , 有一位置幾乎有十幾廿隻 , 人一經過真係群蝶飛舞 , 非常美麗。

蝴蝶色彩鮮艶豐富 , 翼面同翼底顏色又不同 , 可以影靜態又可影動態 , 可以影順光、側光及半逆光 , 真是一個很好的練習主題。  

紅肩鋸粉蝶

班蝶

影蝴蝶可以用大光圈淺景深去柔化背景 , 使蝴蝶更為突出 , 但淺景深亦有弊處是未必能覆蓋你想要範圍 。景深就是在所調焦點前後延伸出來的”可接受的清晰區域”。

景深計算:http://www.dofmaster.com/dofjs.html

舉例你用一支 200m m F2.8 開盡大光圈 , 而對焦在 2m 範圍 , 景深範圍只得 1cm  ; 而對焦在 3m 範圍 , 景深只得 2cm; 即是說最 Sharp 最清楚的範圍只得 1 或 2cm , 影蝶真係可能得頭部清楚對翼都未必能覆蓋到 , 而且隻蝴蝶一郁就 Out of Range 而變得模糊不清。

F11, 1/40, -1/3EV, ISO 200

蝶舞

相反我將光圈調到 f8 , 景深範圍就有 7cm , 咁清晣機會就大好多。 所以未影到矇查查有時未必關乎對焦糸统 , 有時是景深不足之緣故。 

F5.6, 1/1000, -1/3EV, ISO 200

老實講好初哥買鏡只知大光圈而不知景深的運用 , 影乜都係獨沽一味開盡光圈 , 影靜物還可以, 一影動態就張張抄晒 , 仲以為自己部機唔掂走去換機 , 無辜地促進了經濟發展 ………

而呀 Sir 教落景深要適當地運用 , 背影要幾矇幾清都有法則 , 要隱約而不奪主亦要交待到現場環境才叫佳作。

F5.6, 1/250, -1/3EV

今次除了影靜態之餘亦想用不同快門速度去捕足蝴蝶的飛行動態 , 為求提高命中率 , 我刻意收細少少光圈加長影深以便中焦。

燕鳳蝶

 

 

上次影南生圍因為潮漲而食白果 , 今次醒目先 Check 天文台網頁 , 知道當日潮退為 1100 – 1400 hrs , 所以要在這段時間之間獵影 。

在鳳園影到 1100 hrs 就由大埔搭火車去上水再轉巴士去元朗 , 由港島出發今次新界行了一圈。

當天南生圍雀鳥不算太多 , 多數都是常見的池鷺 ,小白鷺 , 鸕鷀 , 灰鷺 , 蒼鷺 ,一些水鴨及野生雀鳥外亦有幾隻黑面琵鷺。

黑面琵鷺

由於這些大鳥顏色較淡 , 加上天色灰暗有風影唔到倒影 , 影靜態會有點悶所以改影雀鳥不同動態。

而每種雀鳥由於體型大少 , 起飛飛翔及降落的形態都各有不同 , 有些姿態尤如體操芭蕾舞般的漫妙。打雀要好有耐性等牠們行動 , 有時牠們會一齊起飛 , 真係難以捉摸及捕捉拍攝 , 所以影之前要觀察一輪才知要點影。

君臨天下

今次拍攝其實我同隻雀距離頗遠 (約有1/3 至 1/2 個足球場) , 我用的是 AFS 300m m F4 加 1.4 倍增距 , 回家後裁切 , 現有的器材巳算自己的極限。 當然若有支 400m m , 600m m 梗係無得頂 , 但始終果啲大炮真係又貴又重 , 要用重型腳架加遷揪架先舞得佢掂 。

今次技術掌握得比以前好 , 將來有機會就可去日本或國內影丹頂鶴 ………

自在

 

傲翔

 

探戈舞步

 

 

鸕鷀 – 水上滑翔機般降落水面

 

大自然其實充滿美麗的事 , 只是我們缺乏這份閒心去欣賞!

全輯相約 150 張有時間可細心觀賞。

http://www.flickr.com/photos/amoksf108/sets/72157622674135355/