蘭桂坊嘉年華是香港美酒佳餚巡禮的最後一炮 , 影友話上年有森巴舞表演所以約埋大隻佬星期日去影吓相 , 點知影友星期六去試位時見 Program 度無寫有森巴舞表演 , 以為今年取消了所以缺席 , 剩返我同大隻佬 。  

我哋特別揀星期日最後一晚才出動 , 原因是預計人流會少的 , 起碼都可以迫到埋去影相 , 既約定就無謂改 , 去到有吔就影吔啦。

我同大隻佬 7pm 會合 , 條街都唔算多人 , 見 Program 有吔表演就去影 ………..

今次主要玩夜晚現場燈光加動態拍攝 , 去記錄現場氣氛及景況同影火龍差不多 , 唯一唔同是可以用少少閃光燈去補光。 因拍街景嘉年華並非拍人物特寫 , 所以我選用了支 AFS DX 17 -55mm F2.8 , 而大隻佬就拍特寫所以用了支人像鏡 AFS 85mm F1.4 。

因我想拍攝動感動態 , 所以我全輯相都用 “快門先決自動模式” 及慢快門 (1/10 – 1/30 秒 , 快門快慢視乎你目標動作有幾快)。 光圈開盡 , ISO 320 。 而閃燈則 Set 做 “後簾同步” 並 -EV 輸出 , 並非 Full Power 全輸出直打咁死實 。 現場同環境燈光變化及拍攝地點的擠迫 …………. 這絕對是個不容易的練習 , 所以影得鬆郁蒙亦是正常的。

拍攝街頭表演是不錯的熱身練習 , 只可惜的是表演時間頗短 , 每次只得果 5 -10 分鐘 , 想話轉吓位影耐少少甚至換支鏡都無時間。

小丑拋樽 – 捕捉動態之餘要交待現場環境  ……….

動作大且快 , 好難影的 Hip Hop 街頭舞

肚皮舞 – 用動態對焦追舞者塊面 , 而慢快門去捕捉腰以下的扭動感 。

 

到大約晚上 8pm 突然見到工作人員圍人鏈封路 , 一問之下原來是 “森巴舞巡遊” , 原來這並不在表演節目當中 , (哈 , 影友今次冇到就真係走寶! ) 即時叫大隻佬埋位。

其實蘭桂坊條路幾窄 , 兩旁企滿人真係得中間 1/3 可以行 , 啲工作人員又阻住 , 前面又人頭湧湧 , 真係好鬼難影 , 而且你用閃燈人哋又用閃燈 , 張相分分鐘俾人 “搓窩” , 影到相唔難 , 但要影得靚就好難 。

我又好似上次咁追火龍咁追住大隊去影 , 但係人太多 , 真係鑽窿鑽隙在人群後面係咁走 , 今次真係氣都咳埋 …………

 

巴西鼓 , 自覺頗有氣氛的一張相！

似唔似河馬唞氣?

今次逗留了個多鐘 , 巡遊完無耐就收工去做另一個實驗 , 所以相片不算多 ……….

http://www.flickr.com/photos/amoksf108/sets/72157622765302924/