國慶煙花 2009

w3


自己以前做酒店年年放煙花都做到隻
野”咁 , 好少有心情去欣賞呢類慶典 習以為常就算現在轉咗行十幾年都好少同家人專程去同人迫餐懞去海旁觀賞 , 年紀大怕嘈怕逼無辦法。現在多人玩數碼相機 , 拍友通常中午就到場落腳霸定靚位 , 而且但凡靚位就一定多人 ,  個個落腳架又貼到實 , 一層一層咁困住你 , 一郁碰到人哋啲腳骨牌效應就真係走佬都唔掂 , 真係無呢份熱情去影煙花。 

w2
酒友兼影友今年慶致好
, 揾到家住凱旋門的朋友關照 , 可帶我們上 62 樓的空中花園影煙花 , 嘅然有咁特別安排 , 梗係” 飯應 , 於是帶齊架生連同 AM 嫂格格一同前往。 

到埗後人不算多 , 個景真係無得頂 , 只係前面有塊成五呎高既玻璃欄杆加些膠馬圍住 , 有點不便但算是 OK , 即時開壇擺陣 , 由於相機要高過圍欄又俾膠馬擋住 , 有時旁邊的人碰到膠馬震盪會回傳到相機 , Set 腳真的頗有難度 , 好在自己支腳夠高夠穩 , 呢啲場合真係靚腳顯身價。 

w1
影煙花呀 Sir 教落要注意以下事項。

l 硬淨夠力腳架一隻

l 用 Manual Mode 全手動模式

l 光圈收細去 F8 – F11

l 快門 Set 去 B 制 , 落 Shutter 繩 (一般 2 – 4 秒夠用)

l ISO 去 200 – 400  (因比 ISO100 有更大 Dynamic Range)

l 白平衡 Set 去 日光

l 關掉鏡頭的防手震功能

l 關掉相機內長時間曝光的 Noise Reduction 

l 普通鏡頭就得 , 今次我用 AFS 18 – 200m m VR 天涯鏡 , 貪佢方便一鏡打到尾唔使吓吓換鏡。

l 夜拍好食電 , 所以未開始時一定要义飽粒電先。

 l 未開始前先試幾張 , Check Check Setting , setting OK 就等時機。

 l 什麼時候按快門呢? 當煙花射上天時不影 , 爆的一刻中心位會好光影 , 等中心光稍退減時就立即按快門 , 等到個煙花開盡而未散落下垂的一刻收快門。 曝光時間大約 2 秒 (心中數一千零一一千零二就等於 2 秒)

l 在開始放煙花頭 3 分鐘因無咁大煙 , 所以煙花的輪廓較清 , 是影煙花的黃金時間 。

 l 通常中場曝到七彩都會有 1 – 2分鐘的中場休息 , 會放啲細啲低空煙花 , 等高空的煙散去一些才入第二幕高潮 , 這時就是第二次黃金時間的來臨 , 又要準備。

l 影到臨尾高潮時曝到七彩又光又煙 , 其實好睇唔好影 , 可以執定嘢 , 準備走人。

l 以前有師兄教用黑咭影煙花 , 呀 Sir 話這方法只可用在 Film 機上 , 因數碼單鏡塊 CCD 長開會有雜訊 , 而且有 Noise Reduction 除雜訊功能 , 你曝光 2 秒 , Noise Reduction 又會相對地之後做 2 秒 , 咁即共 4 秒 , 而且相機做 NR時係用唔到的 , 相對會錯失好多拍攝機會。 一場煙花 22 分鐘基本上無吔幾多張可以影到 , 所以黑咭技術在這場合用唔着 , 而同時亦要関上 Noise Reduction 功能 , 反正用低 ISO 雜訊問題不會太嚴重。

l 影完煙花後 , 海上的遊艇會同時間徹退 , 好像逃亡潮一樣 , 這亦是一幅有趣景像。

w12

今次影的相不算太多 , 水準叫做不過不失 , 無吔話好特別 , 大家可去我相薄去看看。

http://www.flickr.com/photos/amoksf108/sets/72157622369807845/

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s