人像攝影習作

r4

大隻佬影友自從上次跟我去完文武廟影相後 , 對攝影開始發高燒 , 每次見到他都同我猛講器材及點影點影。 大隻佬更發燒瘋狂到將全套六皮幾嘢的 C 記器材賣掉 , 轉會入埋”泥坑”

我知自己是毒過西毒歐陽峯的”老毒物” , 年中都唔少人俾我毒到 , 唉 , 我都唔想 , 所謂 “一入泥坑永不翻身” 我只能說 “人人毒我 , 我毒人人” 啫 。

而家大隻佬變咗四萬泥坑大隻佬見親佢都衣起棚牙笑騎騎 , 好鬼開心 ; 話去邊度邊度影相練習 ……..

大隻佬喜歡影人 , 佢揾到好多有 Model 的攝影活動 , 成日都叫埋我一齊去。  有機會練習絕對是好事 , 工多藝熟就會進步 , 反正人像拍攝亦是自己較弱的一環 , 有人一齊玩亦有個伴 , 於是掹佢衫尾同佢 You Jump I Jump 參加一些活動。

這網站有很多這方面資訊 : http://event.photoclass.net/

首先AM 絕對不是龍友有時見到有啲漂亮女孩在街上、商場、展覽場地、動漫節 做宣傳、做節目或做 show , 吸引一大班「龍友」爭先恐後你死我活去拍攝 , 高空低炒 , 局部特寫 , 覺得十分無品 , 毫無美感 , Model 全無溝通交流可言 , 真係點會影得好 , 所以我一定不會去呢類活動 , 費事俾人誤會自己是睇肉”記者 , 破壞自己形像 , 真係咪搞呀叔。

影人像有不同的層次 , 有影 promoter 影會 model SnapShot 私影、捕捉、朋友家人、 商業和藝術等等 , 好多元化睇你想影乜。

拍照外乎影景影人 , 我覺得影景講意境 , 影人講 Feeling “  我拍攝為自己 Set 咗四個階段。

 

r2

每個人也有自己最美的一面 , 攝影時要留意 Model 的動作姿勢和表情 , 選擇鏡頭和拍攝角度不斷嘗試找出她們最佳的面形及發掘最理想的角度 , 盡力把 Model拍得漂亮而更富有吸引力 , 我是我個人心態取向及要達到的首要目的。

r3

(不要以為這幅好易影 , 白木柱加夕陽 , 相比下 Model 的面會變黑晒 , 我要用點測光對 Model 塊面再加閃光燈去補光  , 閃燈輸出減到 -4EV , 令閃光混合自然光 , 大家覺唔覺我有用閃燈?)

而每次因為 Model不同、衣着服飾、現場環境光線 , 俾到你的感覺都不同 , 如何運用手上器材 , 掌握 Setting 技術去增強了作品的視覺觀感呢?  如何能做到人機合一減少出錯 , 這是自己要練習的第一階段。

r1

拍攝時人的眼神和表情可以是不斷變化 , 拍攝時多觀察及投入自然可以看到很多細微的表情動作 , 這才能有機會捕捉到神韻” , 這是我俾自己的第二階段。

r5

而眼睛是靈魂之窗 , 眼神是十分重要的一環 , 反映到他/她們腦裡所想的東西 , 除非是你想拍攝出他/她們像一個沒靈魂的人的空洞感覺又不同。

所以我拍攝時我習慣用單點對焦 , 對準 Model 的眼晴 , 尤其利用角度去捕捉一些 “眼神光” , 等到啱時機的一刻才按快門 , 希望拍到 Model 更有生氣及神彩的一面。

再者利用情境是把人物置于所處或特定的環境之中 , 用環境背景襯托下的拍攝寫真人像 , 能展示更多的東西 , 尋求技巧之變化及加入表現個人感情 , 這是第三階段。

而之後就可以純以感覺去拍攝 , 真的影像隨心去自由創作 , 其他一切都不再重要。

r7

上次跟大隻佬上了影樓影 Model , 燈光一切巳 Set , 感覺就像樣板一樣非常呆板沒怎麼變化。  

r8

而拍了一排感覺有點沉悶 , 於是我索性不用大會提供的閃燈 Trigger , 只利用現場光及相機 Setting 去重做整個環境 , 去拍攝咁覺得仲好玩。

r9

這次參加了馬灣公園的户外拍攝 , 有兩位不同感覺的 Model 分兩組去影 , 加上環境光線及場境變化 , 加埋反光板及閃燈 , 更多不同玩法 真的好玩好多。 馬灣公園 http://www.mawanpark.com/chn/home.php

由於天氣頗熱 , 又時值 2:00 – 5:00pm , 真係影又辛苦 , 被影果個仲辛苦 , 我同大隻佬都影到渾身濕透。 難得兩位 Model 都絕無欺場 , 俾着自己親人朋友早巳一腳伸你走 , 啋你都傻。

r10

由於正光 ,  有時不想色水太光太正 , 我刻意將 WB 由 Auto調去了 5260k – 5800k 之間 , 營做少許黄昏效果 , 加上本身相機的色水較豐富 , 鏡頭銳利 , 自己覺得都算能拍出一種 “美感”。

拍了兩輯相大家有時間可慢慢睇 , 全輯相無吔後製 , 98% 純自然直出 , 作為一個練習記錄。

這輯想表現一種青春氣息的感覺

http://www.flickr.com/photos/amoksf108/sets/72157622337291859/

這輯則想表現一種成熟韻味的感覺 (男士小心流鼻血)

http://www.flickr.com/photos/amoksf108/sets/72157622461566956/

今次之後我心目中巳有一些想拍攝的主題:

都市夜影儷人 , 芭蕾舞者 , 午夜街頭舞者 , 火舞動感 , 太極流雲  …………..

(自上次影完健美比賽後 , 有很多位女 Blog 友更要求我再拍多一些肌肉男寫真 , 真係好似當我是黄大仙咁有求必應 ………….)

補充:

影人唔難 , 三歲小朋友攞部傻瓜機都影到 , 但係要影得靚影得有味道就真係一啲都唔易。用什麼拍攝、對焦、測光模式 ? 相機 Setting如何? 如何去克服或利用現場環境光源 , 如何構圖 ………… 一切都是學問 , 而且係落到場先知 , 要腦根急轉灣 , 懂得如何去執生去發揮 , 真的並非想像中容易 , 所以不要存有偏見單看影 Model 就覺得唔好。 在我學習過程中我一有好題材就會去影 , 不論上山下海 , 日曬雨淋我都會去 , 我不會單影一樣東西 , 這亦是攝影的樂趣。

我相信 “機會只留俾有充足準備的人” 平時唔多練習實習好難有進步及突破 , 到你有一天想你遇到千載難逢的機會而想用手上相機去拍攝下來 , 即所謂臨喝掘井 , 你是不會拍得好的 。