天狗食日

e1

上星期朋友同我講想揾部新買單鏡反光機去影世紀日蝕 , 我聽到後嚇到成個彈起!!

係人都知道直視太陽會損害視力 , 相機內的感光元件對光咁敏感 , 對住咁猛太陽加上長鏡頭的光學聚焦 , 就等同太陽底下玩放大鏡聚焦生火原理一樣 , 真係分分鐘燒 CCD CMOS CCD CMOS係數碼相機的靈魂 , 損壞了感光元件部相機醫返都嘥藥費。

我相信今次日蝕後 , 會有好多相機因咁原因而報廢 , 大家將會見到大量相機在二手市埸出現 , 大家平時若買開二手機的朋友真是要小心。

我須未玩過天文攝影 , 但都知道天文攝影是另一類專業攝影唔係咁簡單 , 自己道行淺薄跟本不敢去掂 ……….平時影相都要加Filter , 影日蝕必定要勁減光才可

口講無憑 , 我上網找了些資料 , 希望用啲 Supporting 去說服朋友唔好玩咁大及小心後果。

一睇原來要用特別減光 Filters ND400, ND1000 重叠減十級光圈來用 , 什麼專業太陽減光隔膜 , Solar Screen 或濾光鏡濾去 99.999% 太陽光……….. 心諗全世界有咁多人趁墟觀看日蝕 , 報紙都講呢啲 Filters 巳全部售清。 心想妙極 , 可以大條道理回覆朋友叫佢唔使諗。

點知朋友咁鬼 “把炮” 幾日內俾佢揾到三件法寶 , 一塊專業太陽減光隔膜 Solar Screen , 一塊天文觀察用的濾光鏡 , 七塊同Size 的 Nikon 偏光鏡 , 睇到我眼都突埋……….

無計 , 應承人就要做 , 冒着燒機危險捨命陪君子 ……….

天氣又唔知會點 , 會唔會有雲摭擋 , 朋友又唔想去石澳、西貢、山頂咁遠 , 簡單點唯有走上屋企天台擺陣。大清早搬機上天台 , Set 好個位 , 好在前面冇摭擋 , 可以影到 ……..  

e2

我用 Nikon D300  AFS 300m m F4  我朋友用太陽減光隔膜濾光鏡 , 我就用七塊偏光鏡 , 兩者拍攝效果差唔多

因今次是高危攝影一切小心為上 , 相機用Manual Mode 全由我 Control , 光圈收到最細 F32 , ISO100 , 快門由 1/2000 一路試到1/250  , -2.0EV , 總之部相機有咁細 Set 到咁細 , 寧願唔夠光才一級級加上去。

e3

七塊偏光鏡重叠使用 , 觀日用太陽鏡減光 1/100000

e4

特別的太陽屏(Solar screen)
這是一種鍍了金屬鋁的超薄透明膠片(Mylar)能將99.999%的陽光反射,只餘十萬分一之陽光通過,一般需向外國訂購,十分昂貴,同時由於是用作目視觀測之用,故攝影時便嫌稍暗,難於對焦。

e5

天文望遠鏡觀測太陽專用濾鏡

一切就緒時間一到就開始拍攝 ………….

影出來唔講 , 真以為在影月亮 ………

e6

初虧:食的開始,被食體剛剛被遮蔽的瞬間。

 

食甚:全食的正中央。

復圓:食的最後,被食體完全脫離本影

e14

多重曝光

天公做美 , 拍攝過程大至順利由 “初虧” 到”食甚” 到差不多”復圓” , 只是想做個見證及記錄 …………

晨早 7:30am 開始間揭性曝曬三個鐘 , 真係頂唔順 , 拍完後身水身汗 , 成隻水鴨咁要回家冲涼換衫返工。

聯合報內一篇參考文章

http://city.udn.com/61407/3535590

 

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s