2009 全港健美錦標賽

w1

之前提過  AM 的魔鬼教練參加了 2009 全港健美大賽 , 教練這次是代表健身會所出賽當然非常重視及緊張 , 連月來見他不單不繼勤操外 , 更地獄式嚴格控制飲食 戒油、戒澱、戒糖 , 使身體內肌肉量增加 , 脂肪水份則減到最低水平…………..比較我二月見佢時足足收咗成個碼。

我以前對健身一無所知時都覺得呢類運動與吔特別 , 但自從 Joint 咗 Gym 接觸到 Weight Training 之後先知道其中難度 。 試想减肥都咁鬼難 , 叫你在跑步機跑半小時巳要生要死 , 做 Weight Training 幾個月都未長到小小肌肉 , 要 Training 到佢哋咁真係非一般簡單。為了比賽 , 對我 Trainer 來說一碗切雞胸飯走色走油巳算是一頓美味大餐 , 原來健美比賽參加者背後所承受各種艱苦考驗 , 真的非一般人能忍受及理解。

作為佢 “豬肉佬外型加東亞病夫型核心的不俏學生當然要支持一吓 , 我當然唔會好似啲歌迷會咁做啲閃燈牌去吹雞吶喊。我能做的是用我的相機幫他影輯靚相作為留念。

w2

當天 “表演賽” 在晚上舉行 , 但實際比賽是在下午進行及排名次。 魔鬼教練揾朋友 “秤咗我入後台 ; 一到埗真係嚇咗一跳 , 咁大個人真係未見過咁多大隻佬濟濟一堂 , 佢吔成身揸晒色 , 揸晒油 , 三角衭 , 個個像 Body Sculpture , 而且不斷在搏命摧谷 , 以最佳狀態戰鬥格咁準備出場。

比賽快開始我事不宜遲即時跑出觀眾席攞最佳位置 。由於預賽沒有公開售票及只供業內人士及家屬傳媒 , 所以我好易坐到第一行的好位 , 坐得咁近就肯定發達 , 一坐定就開工做嘢 , 同 Setting 去捕足現場氣氛及參賽者的表現。

AFS 70 – 200m m F2.8, ISO800 , 1/160 點測光 , 自訂白平衡 , 不用閃光燈 , 全程手持。

w3

男子組分 60 , 70 , 80 , 90 公斤不同重量組別 , 女子則只有一組及另一組叫美態小姐。

老實講我都係第一次睇呢類比賽 , 我只識分邊個最大隻 , 邊個大隻得嚟平均及好睇兩樣。 一出場我都嚇咗一跳 , 個個好似王玉郎的功夫漫畫人物 , Terminator 睇戲就會做假而眼前全是真嘢 , 啲參賽者肌肉真係超勁 , 真的好鬼 Man肌肉紋理筋絡分明 , 大肌肉唔在講 , 連啲好細及意想不到的地方都可練到肌肉 , 而且一啲 Fat 都無 , 真奇怪哋問佢哋點練架 , 我堅信這班參加者背後一定付出很大努力。他們的演出真的令台下觀眾嘩然。

w4

當然有些參賽者個樣未必似港男咁靚好 , 而且”摧谷” 時又點會好樣 , 但人不可以貌相 , 不過有幾個老外真係令一眾及我眼前一亮。

女健美者就太男人了 , 亦久缺女性應有的嬌柔。

幸好中場亦有一項叫美態小姐的組別 , 其實是一些較正常健康女性應有的體態美 , 與純剛陽性爆炸性的肌肉型外加添一些柔美及輕鬆氣氛。

當然欣賞與否真的見人見智 , 很多人都未必頂得順這些老樹盤筋的肌肉 , 我亦好明白人的身體會令人有種原始慾望 , 這些超乎常人的表現可能被人看作怪物 , 四肢發達頭腦簡單 , 甚至邪惡聯想 ………… 其實換上另一角度可當佢哋係上帝創做的一件活的雕塑藝術品一樣看待吧。

w9

而我就用手上的器材將這些雕塑描繒下來。

當日影咗差不多幾百張相 , 效果尚算滿意及有貨交 , 當然亦無可能全部上 Blog , 為顧及一些朋友不喜歡所以只揀幾張上 Blog  , 若有興趣可去我的網上相簿觀看。先旨聲明 , 不喜者進:

http://www.flickr.com/photos/amoksf108/sets/72157619642740549/

上兩幅是 AM 的魔鬼教練 , 他贏了 70 公斤組的亞軍。

大家千祈唔好有不切實際的聯想 ,  AM 是魔鬼教練的學生 , 一定有些料到 答案我只是個修了身的豬肉佬 , 要練到佢哋咁非一朝一久 , 起碼要十年八載 , 仲要趁年青黄金時段開始操練 , 而且要有一套 System 配套。

AM 這把年紀一定唔會有朝一日變成咁 , 更何況AM 嫂亦怕呢種 Style , 健康一點就可以了。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s