Wine Walk 總要在雨天

http://www.timeout.com.hk/winewalk/

上次未玩 Duck Crawl 之前同時報了 Wine Walk, 明知以此價錢跟本不會有什麼好嘢 , 原本興趣大 , 但見一班酒友參加 , 加上自己亦非浦友 , 雖然住得好近蘭桂坊 , 但多數只是過路 , 而不會去吧內浦 , 亦好好奇想開吓眼界 , 反正 After Discount 後跟本不貴 , 所以就報名參加。

據大會講上年 Wine Walk 仲係黄雨 , 今次又落雨真係撞到正。

當日天不做美 , 雨落過不停 , 遇到這個日子心中暗叫不妙。一心以為一班酒友會在二時起步 , 到埗後只見其中兩位 , 久久未見其他出現 , 心想一定溝通出現問題 …………. Anyway 既來之則安之 , 人小有人小好 , 於是三個人就開始這雨中遊擊戰。

全條路線有廿間酒吧 , 大會每人派了一張 Passport 及一隻酒杯 , 入到酒吧就級印 , 認 Passport 唔認人。每間酒吧有一紅一白葡萄酒及一些 snack 俾大家享用 , 每間 Bar 要停幾耐 , 路線點行完全自己作主。

在場差不多有 400 人 , 試問边間酒吧可容納到這人數 , 若跟路線走就一定迫到爆 , 所以我三人組去完第一站就跳到第三四站 , 一於玩快人一步。

我這三人組以試酒為目的每間蜻蜓點水式的一到 , 基本上一試完就走 , 所以走得好快 , 避開晒人流 , 只係又落雨又揸雨傘又揸杯 , 唔揸傘就濕身 , 都幾狼背 , 天雨路滑萬一跣低打爛杯就真係好危險。

啲酒一般係平價 Table Wines , 但有啲真係好鬼難飲 , 只有幾支叫做似樣啲 , 如下圖。

而且 Split Bucket 唔係處處有 , 我當然早知如此 , 巳帶定私家 Split Bucket , 免得浪費 Quota , 而且醉意下玩雨中遊擊戰更危險 , 我當然唔會咁蠢。

沿途都碰到其他幾組酒友及 Fans 。當我們完成後返轉頭才與自己班酒友會合 , 佢哋繼續我就歸家。

這活動玩過就算 , 下次唔使預我。心血來潮將張學友首歌改篇以描述當時情況 ………..

原曲張學友 “分手總要在雨天” …………….