叉尾太陽鳥

星期天的早上 , 相約了一酒友去打雀 , 驅車去大埔滘自然教育徑 , 步行去到某個位置 , 見到幾顆盛開的象牙花 , 這就是我們的目的地。

今次的主角是叉尾太陽鳥 Fork Tailed Sunbird

學名 Aethopyga christinae

特徵：全長約9厘米 (唔夠 4 吋)，雄鳥頭部呈金屬藍綠色，喉和上胸為深緋紅色，嘴部向下彎曲。雌鳥和雛鳥上體綠色，頭頂灰色，腰淡黃色，下身偏黃色。

分佈：留鳥 (即香港原生品種)，常見於樹林及市區的大型公園。

習性：常於花間覓食，鳴聲高音響亮。四月至六月間繁殖，巢是一團球狀的草，築於樹上。

由於這幾星期象牙花正是花期 , 所以吸引到太陽鳥飛來吸食花蜜。這攝影地點與花較近可以較易捕捉到主角 , 一般影生態的影友避免太多人騷擾雀鳥 , 都只知會圍內人知 , 若非朋友帶路天大地大真係想揾都難。

這天天氣灰暗密雲 , 所以專程來打雀的不是太多 , 大家開好個檔就真係 “守株待鳥”。雀鳥怕人 , 太嘈吵會嚇走啲雀 , 一眾影友都係好靜 , 就算講嘢都係 Pillow Talk 咁嘅音量 , 大家打雀咁眼望住幾顆 , 留意樹枝有無不尋常郁動 , 或盲俠聽聲劍般聽聲尋鳥 , 一聽相機快門聲就一班人聞聲而來 , 好有規距地各自揾食。