大年初三 , 一家人去咗 Ocean Park 影水母 。

格格話好耐無去海洋公園 , 明知新年長假一定勁多自由神及逼到爆 , 但放假咁多日最得閒係呢日 , 反正無所事事又無吔戲想睇 , 揀日不撞日 , 一家三口就去咗 Ocean Park 趁墟。

園內人山人海不在話下 , 玩吔都要排隊  , 大家排咗差不多 45 min 才入到水母館 。

水母館內環境好暗 , 人又多又逼 , 雖然話明唔準用閃光燈 , 但啲自由神一於少理用閃光燈閃到你暈 , 啲小自由神又批踭又头頂 , 用高八度的聲線在你耳邊談話 , 心都煩埋 , 拍攝環境真係幾惡劣 , 好難專心去影 ……….

由於早知環境不理想 , 只能用器材搭夠 , 由於環境黑水母亦因水流飄動 , 要捕足清楚影像就要用大光圈鏡 , 今次只用一支大光圈 AFS 35mm F2 去影 , 用 D300 的高 ISO 1600 – ISO3200 功能 , 快門要在1/40 – 1/80 之間 , 利用現場光盡量在最光的位置去影 , 真係用盡部相機 。

幸好十張相內命中率都有七成 OK , 以第一次來講影到咁效果自己都幾滿意 。

全輯相有過百張大家可在以下連結慢慢欣賞。 

http://www.flickr.com/photos/amoksf108/sets/72157613059638475/

啲水母在燈光映襯下真係好靚 , 浮浮沉沉 , 觸角隨水流飄動感覺它們好似在跳華爾滋一樣優美漫妙。

寫這篇網誌時 , 腦海中就浮現了Tchaikovsky 的 Waltz of Flowers …………..

同上輯一樣 , 大家可一邊用 Flickr 的 Slide 功能一邊觀賞 ,  Click 埋條音樂片段 , 就會感受到那份美妙感覺 ………