紅葉遊記 – Day 5

q51

第五天是全個旅程最須要 Time Control 的一天 , 因要在 4:30 pm 日落前去到老不死温泉看日落浸温泉 , 若是遲到就沒意思了 , 所以這天的時間要控制準確。

因小弟要等銀行開門換錢關係 , 要差不多到 10 am 才出發 , 幸好景點距離不遠 , 好快就到。

q52

早上先去美麗的弘前城 , 弘前城其實範圍很大 , 而且附近亦有不少景點要行真係可以行半日 , 但這等景點就算今次 miss 咗 , 下次都可補番 , 所以不打算花太多時間在此 , 只選遊主城樓一小段。 個城加上紅葉真的很美 , 紅橋、花葉、城樓、綠樹 , 層次分明 , 樹木經人修剪 , 出奇的工整 , 睇咗幾日大自然景色 , 只覺此地有點人工化。

弘前城

http://www.flickr.com/photos/amoksf108/sets/72157608742503890/

e22

第二站是弘前蘋果公園 , 那是一個供樹上摘的蘋果園 , 摘幾多秤幾多照計 , 而十一月份正是蘋果收成季節 , 又一個 Good Timing 。

q54

蘋果大個拳頭 , 而且出奇的多汁及清甜 , 汁如泉湧 , 清爽甜美 , 非常爽口新鮮好味 , 在試食枱邊連食幾件 , 真是欲罷不能。

q55

我們由專人帶領去擇蘋果 , 工人說這裏有 60+ 種蘋果 , 跟本無可能試晒 , 每人摘了三大個先放車上再在小賣部買些手信。竟發現有套 apple juice tasting kit , 哈 , 唔使講買一套夜晚玩。

在蘋果園逗留個零鐘 , 計計時間三扒兩撥來了個 quick lunch , 在 1330 hrs 離開弘前蘋果園直驅老不死温泉。

弘前蘋果公園

http://www.flickr.com/photos/amoksf108/sets/72157608742707252/

q56

一入 GPS 預計到達時間竟是 4:30 pm.  It is totally unacceptable。 雖知那是 GPS 的是保守估計 , 但始終不太理想 , 於是一句 “唔使急 , 但最緊要快”  , 就飛車上路 …………

我在情况許可的情況下只係 40 km 行 70  80 km , 唔係我開得快只係佢哋個 Speed Limit set 慢 , 條路又直又少車 , 若行 40 km 都有點竽腐 ……..

q57

前幾天日日行山路 , 今日改行海岸線 , 那種開揚壯濶又是另一種感覺 , 在香港不太享受駕駛 , 但在這裏真的可以無拘無速的享受。

少少放縱快放了一大段到了千疊敷海岸 , 這是去不老不死温泉的中途站 , 比預計時間早了很多 , 有充足時間下車伸伸及影影相 …………. 千疊敷是一塊面積有如千張榻榻米的侵蝕台地,終日受到太平洋巨浪衝擊,可以近距離觀浪。

j22

當時有太陽但都大風 , 在怪石嶙峋的石灘上步行 , 灣內沒有遊人只有海浪及海鷗 , 而路房的店舖十室九關 , 十分冷清 , 只逗留一刻就繼續趕路。

j23

千疊敷

http://www.flickr.com/photos/amoksf108/sets/72157608742816510/

q60

天幸飛車有功 , 我們在 3:30 pm 到達温泉 , 加埋在千疊敷的時間 , 足足快了小時。

大家以光速 Check In , 搬行李衝入房換上Yukata , 以趕住跳海的速度去沖身 , 就飛撲去海邊的露天温泉。

要提一提在 Changing 傍有個室內及一個室外温泉 , 落地玻璃 , 一樣望到夕陽及大海 , 若天氣不好、風浪大、冇日落、太凍 , 可以在這地方浸温泉 , 這是一個不錯的 backup。 沖涼後穿回衣服由 Changing Room 旁的樓梯斜路去海邊温泉 , 到海邊温泉池邊有架及衣籃 , 去到才寬衣下水 , 千祈唔好大鄉里由 Changing Room 裸跑落去海邊 , 以免 “靈堂甩褲” 失禮死人。

e24

這露天温泉分開男女混浴及女浴兩個池 , 中間一幅高牆阻隔 。 温泉是鐵銹色 , 在太陽反射下呈金黄色 , 所以叫黃金不老不死温泉。

q62

我們好好彩 , 當天天色唔錯 , 起碼見到日落 , 天氣唔算太凍而且風浪亦不大 , 一邊聽着海浪聲 , 一邊欣賞夕陽之美 , 赤身浸在鐵銹色而暖和的温泉中 , 這種組合都係人生第一次 , 心想有部相機就正啦 , 可惜温泉唔俾影相 。

正當苦惱之際見到個老外攞部大機出嚟影相 , 跟住後面有個當地人又攞部 DC 出來猛影 , 心想 OMG, 早嚮吖”你做初一我做十五 , 閃電般穿回 Yukata , 以 9 秒 9 速度飛奔回房間取相機 , 再跑回海邊浴場 , 一來一回又上又落 , 有電梯又樓梯 , 足足有成哩路咁遠 , 真係走到氣都咳 , 大家見到條斜路乘 8 -10 倍就知房間離温泉幾遠………. 經歴萬水千山終於浸返落水 , 趁人不多揾旁邊路人甲幫我影返幾張肉 (浴, 玉) 照, 影影日落 , 搞掂就用膠袋包番部相機專心浸温泉享受 ……….

越臨近黄昏日落就越多人 , 個個都向陽而坐 , 真係好似朝聖一樣 , 好鬼頂癮。

我自覺這個温泉好成功 , 淨係個名 不老不死温泉都巳一絕 , 試問邊個唔想?  若有錢又健康又樣靚的就更加 very good。 不論生理有冇功效 , 心理上都贏晒。 唔知咪人年紀大咗就更須要這些 “美麗謊言” , 所以撞口撞面都有番咁上吓年紀的叔伯大嬸 , 當日浴場中我相信我都算最 “嫩口” 果個。

q64

在混浴那邊間唔中仲有幾位大嬸走過來浸 , 所謂唔係猛龍唔過江 , 過得嚟都係大把在手佢賺梗果隻 , 班男人其實幾怕羞 , 都好怕俾人睇蝕 , 好在啲温泉水鐵透色看不透 , 但個個都好似岳飛刺背一樣 , 揾個背脊向住果位大嬸 。 唔知係咪位大嬸識 阻住地球轉關係 , 時間好似過得特別慢 , 好不容易等到佢上返水回去女仕果邊 , 大家才如釋重負, 先有人敢轉身或上水走人。

q65

終於浸到成隻 “皺皮鴨” 咁先等到個太陽落晒山 , 才上水回室內浴場沖身 , 更衣回房。

q66

到晚飯時間 , 酒店為我們五人安排了間 Private Room , 食懷石料理 , 菜式精緻豐當 , 充滿視覺享受 , 真係唔知食吔先 …………

今日任務又超標完成 , 大家梗係開心 , 你一言我一語 , 講開浸温泉 , 原來班女仕竟一早帶埋 DC去温泉 , 仲笑淫淫 show 幾幅 “隔場高抄”偷影混浴池的春光照 , 我聽到後幾乎連飯都噴埋出嚟 , 我一睇又真係有我在內 , 大歎一句 嘩 , 咩世界 , 今次仲蝕哂大本添 , 真係嘔血………

黄金崎不老不死温泉

http://www.flickr.com/photos/amoksf108/sets/72157608746341273/’

待續 ……………

  ***************

旅遊資料:

弘前城

http://www.city.hirosaki.aomori.jp/kanko/shisetsu/park

蘋果公園

http://www.hi-it.net/~ringo-kouen/

不老不死温泉

http://www.furofushi.com/links/hotel.html

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s