紅葉遊記 – Day 4

第四天早上這時雖無下雨但密雲 , 今天要行完十和田湖的景點去八甲田山及弘前市。

首先驅車去十和田湖乙女像及神舍 , 乙女像冇吔特別只拍張到此一遊就去神舍。

這坐神舍大而在林深深處 , 樹木參天環境古樸 , 很有倩女幽魂 feel ………….

乙女像及神舍

http://www.flickr.com/photos/amoksf108/sets/72157608718180693/

行完神舍在停車場附近見到一個好美的紅葉花園 , 大家點會放過 , 影一大輪之餘又執散落的紅葉做記念。

紅葉公園

http://www.flickr.com/photos/amoksf108/sets/72157608718378999/

影到七七八八 , 我見烏雲迫近 , 立刻叫眾人上車之後就開始下雨。

在雨中驅車上十和田湖半山眺望台 , 到埗後雨竟停了 , 真是上天關照。天色灰暗又大風 , 我相信氣温得 7 – 8’C , 凍到個個”滕滕震” , 從眺望台望向十和田湖 , 影色一片灰濛 , 冇吔睇頭有點失望 , 只逗留幾分鐘就速速離開。

眺望台

http://www.flickr.com/photos/amoksf108/sets/72157608718487545/

下一站是八甲田山的蔦沼 , 沿着國道 102去 , 有一段過是昨天遊奧入瀨溪同一段路 , 景色當然美麗 , 最有趣的是發覺有幾段路的樹葉比昨天黄了很多 , 有些更有脫落跡像 , 我想信是昨晚的一場冷雨有關 , 我們那時紅葉在十和田湖區巳是水尾 , 再過幾天可能會冇嘢睇。

有一段下山路都幾多灣位 , 一兩個手臂灣再加個髮夾灣 , 真係好頭文字 D , 係爭在冇玩飄移 ……………

沿路景色當然美絕 …………..差不多一小時車程 , 就到達蔦沼。

這裏是靜態湖與奧入瀨溪流的動態 , 又是另一番滋味。

這時天氣頗凍又大風 , 影影吓相發覺有些東西從天落下 , 原來是雪 , 竟在深秋中遇上一場雪 , 實在要感謝上天 , 這額外的禮物實太令人驚喜及興奮 , 大家都忘了寒冷 , 盡情享受這一刻…………

蔦沼

http://www.flickr.com/photos/amoksf108/sets/72157608718952237/

由於氣温太凍 , 只逗留半小時就怱怱離開 , 落小小就到達蔦沼温泉酒店 , 正值中午時份趁機午膳。這時又出太陽真係玩嘢。

午膳以簡便便當為主 , 午膳過後又開始下雪。

之後就驅車去八甲田山 , 原本要行國道 103 但因下雪關係封了路 , 唯有改行國道394兜多了少少路。

原本計畫坐覽車上八甲田山 , 但風雪又大又天陰 , 應該會冇吔嘢睇 , 女仕門又凍 , 所以叠埋心水去酸之湯温泉。

八甲田山覽車站

http://www.flickr.com/photos/amoksf108/sets/72157608716273822/

一入山區由黄葉就變為枯枝 , 再上高啲就開始下雪 , 下雪駕車更要小心 , 未幾就見到東北另一著名秘湯 – 酸之湯温泉。

酸之湯温泉是隱居深山鮮為人知的古老温泉 , 有 320年歷史 , 非常懷舊古樸 , 一房難求 , 而浴場全是木製的 , 它出名的是千人男女混浴場 , 一寫到這裏大家一定唸我 AM今次發達啦 ……..

發夢冇咁早 , 我同 AM嫂一組先浸然後其他女團友才浸 , 大家分開時段。買票入內 , 先冲淨涼才入大浴場 , 大浴場內一片煙霧瀰漫 , 基本上真係對面果位如果唔出聲佢係男定女都唔知 , 有兩三個大浴池 , 而每個池有一條無形分界線分開男女 , 男女楚河漢界各據一方。原來有咁安排難怪女團友咁老定肯去呢種大浴場温泉 , 難為我啲大鄉里仲鬼咁擔心。