紅葉遊記 – Day 1 & 2a | AM 的品味人生

連續眠不休的做了四晚 , 終於將全部 6000+ 張相篩選整理好 , 可以上網分享。我嘗試以遊記形式將行程的點滴及相片集分段敘述及連結給大家一個參照。大家若對相片有興趣可隨便 Download 。

今次行程路線全由天涯遊行家 P 一手策劃 , 沒有她就沒有今次如此精彩的旅程。行這條線 Timing 好重要 , 每年十月中至尾及十一月頭為最佳時間 , 但亦要留意日本本土的紅葉情報網站:

http://www.rurubu.com/season/autumn/koyo/

日本的紅葉趨勢是由北向南移 , 我們出發之幾日在十和田的紅葉度己是 80% , 要趕在落葉之前去到 , 所以行程要先去最北的十和田湖再向南行 , 以配合走勢。而且在這紅葉旺貴當地人好多都會去欣賞 , 所以要預早 3 – 4 個月 book 定酒店。酒店定到就不難將行程串連。

另一關鍵是交通 , 日本東北屬郊區 , 公車班次較疏 , 若坐公車會較嘥時間。自駕遊會好好多 , 一來夠彈性 , 二來唔使將行李搬上搬落較舒適 , 可以去多好多地方。

我須有車 , 但在香港一向少揸 , 去外地揸車都是第一次 , 而且車內的 GPS 是日文的 , 自己年青時須學過日文但廿幾年真係吔都無晒 , 真有點戰戰競競 , 但煮到嚟就食。身為車長責任重大 , 出發之前做了很多了功夫 , 在網上找到很多有用資料關於如何使用日本車內的 GPS , 刨刨所駕的車的 Manual , 每段路的行車時間 , 目的地電話 , Google Earth 位置 , 一切計算好了就安心起行。

第一天我們將所有時間用在 Travel 路程上 , 早機去東京 , 到埗後巳是下午, 在機場換取 JR East Pass , 出埋車票便由成田機埸坐火車去東京。

再在繁忙人山人海的東京火車站 , 吃點便當便轉 JR 子彈火車去八户駅 , 到達八户時巳是晚上 9 pm 。兩位先頭部隊巳在車站等我們。

酒店離火車站遠 , 行 10 鐘就到 , 此時街上頗靜 , 店鋪大多都巳關門 , 只有一兩間便利店開門 , 經過 12 小時的 Travel Time , 真有點疲倦 , 早早就寢。

Hotel OHSHITA

http://www.hotelohshita.com/

第二天早上的挑戰是揸車 , 先去 Toyota 取車 , 一輪雞同鴨講 , 指手劃腳後就攞到架八人車 , 去酒店接埋其他團友上埋行李 , 便去第一站八食市場食早餐。

http://www.849net.com

這個海鮮市場地方頗大 , 以海鮮為主 , 地方乾淨之餘 , 價錢仲好平 , 1800 yen 有三隻大蟹 , 1000 yen 十幾隻元貝 , 帶子 , 即叫即擋非常新鮮 , 而旁边有一燒烤場供客人將海鮮 “就地正法” , 每位只係收 200 yen for 2 hours 好抵。一場嚟到我五人就食了一頓燒烤海鮮做早餐。

要提一提燒烤場開 10 am 所以唔使太早去 , 9: 30 am 行一輪買吓嘢 , 燒烤場一開場就燒佢個零鐘就最好。

八食市場還有些生果及 super market , 見到成箱十幾包青森葡萄都係 1800 yen , 巨峰葡萄 300 yen 一包 , 青森蘋果 , 柑 ……….. 好多選擇 , 唔使多講 , 一於入貨在旅途中享用。

八户 , 八食市場

http://www.flickr.com/photos/amoksf108/sets/72157608700837500/

食完豐富燒烤海鮮 Brunch 就出發去今次的主要目的地十和田湖。

日本的 GPS 系统的真是無得彈 , 而且所有景點都有電話號碼 , 只要在 GPS key 入十和田湖民宿電話 , 按幾個 keys 就 program 好 , 出埋行程路線 , 到達時間 , 非常簡單。至於行車時的日文提示不用太理會 , 一切依圖行事 , 而且我有位精明酒友在旁提示轉左轉右 , 有一點要留意是 GPS 有 Time Lag, 所以到某些轉折路口要收慢車 , 確實位置才轉 , 鄉間道路簡單 , 一路上都好少行錯。