(借DC Home 版主 Eddie Wong 圖一用)

今日做完工作上單大 function 後 , 明早小弟將踏上征途 ………..

今年年初在攝影雜誌上看到一輯很美的紅葉照片 ,  之後在攝影網站找到這篇文章 , 就深深被吸引着 , 心想這就是我下一個旅行目標。

http://www.dchome.net/viewthread.php?tid=425639&extra=page%3D1&page=1

同幾位酒友講起他們都很有興趣 , 於是大家夾夾時間睇吓就唔就到 , 搞搞吓就做就了今次日本東北紅葉之旅 。

今次一行五人 , 連 AM 嫂在內四女一男 , 行程由天涯旅行家主力編排 , 加上精明”灑 Quar ” 酒友協助 , 天竺瑜珈大師 ,  AM 嫂 , 全部楊門女將女性天下 , 所謂三個女人一個墟 , 熱鬧情況可想而知。 我一等弱質老男 , 勢孤力弱 , 孤掌難嗚 , 主要工作是默默地做其揸車男 , 行李男 , 攝影男 , 若然俾狗追仲要做走得最慢果個………

今次行程是八天自由行 , 早去晚返 , 先由東京坐火車去八户 , 然後租車入十和田湖 , 奧入瀨內溪 , 八甲田山 , 弘前 , 千叠敷 , 老不死温泉 , 十二湖 , 田沢湖 , 盛岡再坐火車回東京 , 日本東北走了一圈 , 行程編排其實算幾緊密 。

至於温泉會去出名的不老不死温泉及乳頭妙乃湯温泉

http://www.furofushi.com/links/hotel.html

http://www.taenoyu.com/

跟據日本官方紅葉情報 , 我們到達之時應是紅葉最紅之時 , 希望天公做美到時唔好落雨。

但另一頭痛問題是衣着。當地氣温為 4 – 16’C 即兩季衫都要帶 , 而且架八人車空間有限 , 真係”有李冇我” 行李尺碼要有限制 , 大喼免問 , 全部要 Compact 加輕裝上陣 , 最好係着完就掉得果類 “丐幫裝”最好。

言歸正傳 , 此行我最主要想影相 , 所以執齊架生 ,  鏡 ,  機 , 脚 , Filters , Netbook 一一俱備 , 而兩位團友更為此行豪花萬元添置全新器材 , 非常認真 , 希望 Relax & Enjoy 之餘亦留下美麗照片及回憶。

晚上若冇俾人捉去練瑜珈拗前拗後 , 而又有得上網的話可能會 Upload 部份相片 , 順帶報報平安 。眾酒友有局記得預小弟一份 , 見 mail 即覆 , 大家勿念 ,  十一月頭再見。