好多人都怕開舊酒 , 舊酒酒塞好晦 , 有時一不小心就會斷塞及粉碎 , 真係相當頭痛。上次有酒友問起 , 今次趁機會同大家親身示範我的舊酒開瓶法。

開舊酒最好用左邊的Double-pronged, or Ah-So呀蘇 , 我自巳都覺得呀蘇好好用 , 開酒個 Cork 又唔會爛。由於Ah-So呀蘇太簡單 , 搞唔到 Gimmick 花巧 , 冇可能收得貴 , 就因為咁所以冇 market , 又唔係度度找到。 右邊的是一把標準 2 levels 酒刀 , 當然真正高手擇葉飛花皆可傷人 , 只要些少耐性及技巧亦可冇問題。

A) 先講呀蘇點用

呀蘇結構簡單 , 只有一長一短尖頭有彈性的鐵片。

3.    兩支鐵片就位後 , 將鐵片向兩端用陰力慢慢搖 , 不要心急用直力向下壓 , 否則酒塞會被推入酒樽內。

4.    鐵片因一長一短及有彈性關係 ,用橫力左右左右 ,會慢慢將鐵片搖入樽內。

6.    跟手用呀蘇頂部的把手 , 將呀蘇順時針先轉兩圈 , 將樽口及酒塞間的 friction 位界鬆。

7.    用力抽出把手 , 將把手順時針轉圈 , 邊轉邊將酒塞像鬆螺絲咁轉出。

8.    抽到一半或 3/4 左右 , 可用手指按住兩塊鐵片 , 將酒塞夾實抽出 , 或成個轉出。

9.    就是這樣酒塞就會完整地取出。

 

B ) 酒刀法

1.    酒Cork 越長難度越高 , cork screw 用中心扭力拉 , 而拉力要大於Cork接觸樽口週圍fraction 才可將酒 cork 拔出。

3.    用酒刀開舊酒不可以一次過抽出 , 要慢要有耐性 , 先將酒鑽慢慢鑽入 , 鑽入時留意鑽的阻力大少 , 阻力大表示個 cork仲有彈性及硬淨 , 若阻力少個鑽唔使力巳鑽入 , 咁反而仲麻煩 。 入鑽至最後一圈 , 不要鑽穿酒塞。

5.    最初的 2 – 3  cm 是關鍵所在 , 因 fraction 最大 , 若順利過關 , 則餘下部份可以更易。

6.    用陰力將酒刀慢慢抽出少許 , 小心觀察酒塞及酒鑽 , 若酒鑽動出而酒塞不動 , 就可能要鑽埋果半圈 , 等耐少少。

7.    又將酒刀留在樽口幾分鐘 , 走去飲啖水回來再搞。

8.    抽抽又放低 , 從覆 4 – 8 , 每次將酒塞拔出 0.5 – 1 cm 。

10.   若不幸斷 cork , 只有半段 cork 留在樽內 , 冇法 ……. , 將 cork screw 側少少鑽穿個 剩下的半節斷 cork , 再慢慢抽出。

11.   最壞打算 , 冇計 , 只用酒漏隔去碎了的酒塞。

12. AM 較少用最右兩種 cork screws , 因為太機械化 , 冇 cork feel , 開新酒就無所謂 , 開舊酒九成斷 cork , 又大又重 , 攜帶不便 , 毫不瀟灑 。

今次這兩招要多多練習 , 尤其男士 , 免得俾人笑酒都唔識開 – Best Company Ltd. “好極有限公司”